Elder Ciro Schmeil

Fitugafulu o le Pulega Aoao

Sa taumafai pea lava Elder Ciro Schmeil ia usiusitai i le Alii, e tusa lava foi pe sa lei malamalama o ia i le mafuaaga e i tua atu o se poloaiga patino. “A o tatou usiusitai, a o tatou tausia ia poloaiga,” na ia aoaoina ai, “o le a faamanuia e le Alii i tatou e le aunoa.”

I le faataunuuina o ona valaauga, ua ia vaaia ai faamanuiaga e maua mai le usiusitai. A o tautua ai o se epikopo ma se peresitene o le siteki, sa ia maua ni avanoa taua e “vaaia ai tagata o suia o latou olaga ona o a latou molimau i le Faaola ma le Tusi a Mamona.”

Na soifua mai Elder Schmeil i le aso 16 Aperila, 1971, i Ponta Grossa, Paraná, Pasila ia Bruno ma Erica Schmeil, e taufai liliu mai uma i le Ekalesia. Sa soifua ae o ia i Curitiba, Pasila ma pe tusa o le taimi na valaauina ai ona matua e pulefaamalumalu i le Misiona a Pasila Campinas, na ia alu ai foi e auauna i le Misiona a Iuta Ogden.

A o aoga o ia i le Iunivesite o Iuta, sa feiloai ia Elder Schmeil ia Alessandra Machado Louza, o se tamaitai a’oga i le Iunivesite a Polika Iaga, i se faigalotu. “Ina ua ma feiloai mo le uluai taimi i le faigalotu, sa ia matua le amanaiaina lava au,” na ia saunoa ai. Ae mo ia, [Elder Schmeil], sa o se alofa i le uluai vaaiga.

Sa faaipoipo i la’ua i le Malumalu o São Paulo Pasila ia Iulai 1994 ma faamaea ai a la’ua aoga i le Iunaite Setete. Sa la toe taliu i Pasila mo le 20 tausaga a o lei masii atu i Colorado, ISA, ona sosoo ai lea ma Florida, ISA. O Elder ma Sister Schmeil o ni matua o se fanau e toalua.

Sa maua le faailoga o le tagata malaga o Elder Schmeil i suesuega faatusiata fale mai le Iunivesite o Iuta i le 1995, ma se faailoga o le matuaofaiva i le pulefaatonu taupisinisi mai le Iunivesite o Ohio i le 2010. Sa faigaluega o ia mo le Walmart Brasil o se sui peresitene ma le faatonusili o le matata o fale ma fanua, o se pulefaatonusili o le Scopel, o se pule sili o le Cia City, ma aupito lata mai, o se faaao o le pulega o fale ma fanua mo le JBS S.A.

Na avea Elder Schmeil ma Fitugafulu Eria, peresitene o le siteki, fesoasoani i se au peresitene o le siteki, epikopo, peresitene o le korama a toeaina, ma le peresitene o le paranesi.