Elder Moisés Villanueva

Fitugafulu o le Pulega Aoao

Sa na o le 10 ona tausaga i le taimi lea, ae e le galo ia Moisés Villanueva ona lagona ao aoaoina o ia ma lona aiga e faifeautalai i le talalelei i Oaxaca, Mekisiko.

“Ou te manatua le Agaga sa la tuua, le filemu sa ou lagonaina i lo’u loto,” na ia saunoa ai.

Ina ua papatisoina Moisés faatasi ma nai ona tei e toafa, o lona tina—o se tina nofotoatasi sa tausia Moisés ma nai ona tei e toafitu i ni tulaga faigata—sa toe malosi i le Lotu.

Mulimuli ane, a o sauniuni Moisés ua 18 ona tausaga mo lana misiona, sa feagai pea lona aiga ma luitau faaletino. Sa faaluafesasi lana faaiuga e alu ma sa fai atu i lona tina ua manao e nofo i le fale e fesoasoani ia te ia.

“Afai e te manao moni e fesoasoani mai ia te au,” sa ia fai atu ai ia te ia, “alu e auauna i le Alii.”

A o tootuli o ia i autafa o lona moega i le faaiuga o lona uluai aso i le Misiona i Mekisiko Hermosillo, sa lagona e Moisés sa fiafia le Alii i lana faaiuga. Na te ave le faamalo i lana misiona mo le faatupulaia o lana molimau i le talalelei toefuataiina.

“O lenei Ekalesia o loo taitaia e lo tatou Faaola o Iesu Keriso,” na saunoa ai Elder Villanueva. “Na te silafia i tatou taitoatasi i o tatou igoa. Na te silafia o tatou manaoga, o tatou luitau, ma o tatou popolega. Na te silafia foi o tatou malosiaga, e oo lava i naunauga o o tatou loto.”

Na soifua mai Moisés Villanueva López i le aso 13 Tesema, 1966, i Oaxaca, Oaxaca, Mekisiko, ia Rubén Villanueva Platas ma Delfina López Domínguez. Na ia faaipoipo ia Leticia Ávalos Lozano i le Malumalu o le Aai o Mekisiko i Mekisiko i le aso 30 Iuni, 1995. E toatolu le la fanau.

Sa maua e Elder Villanueva se faailoga o le tagata malaga i le pulega o mea tau pisinisi mai le Iunivesite o Southeast Regional i le 1997, ma se faailoga o le matuaofaiva i le taulamua i faaleleiga o pisinisi mai le Tecnológico de Monterrey i le 2011. Sa galue talu ai nei o se faatonu sili o le Sertexa, o se kamupani mo femalagaaiga.

I le taimi o lona valaauga, sa auauna atu Elder Villanueva o se Fitugafulu Eria i Mekisiko. Sa avea foi o ia o se peresitene o le Misiona a Kalefonia Arcadia ma se fautua maualuga, fesoasoani i se au peresitene o le siteki, epikopo, ma se faatonusili o mataupu tau i le va i fafo.