Elder William K. Jackson

Fitugafulu o le Pulega Aoao

Ina ua mavae le 23 tausaga o avea ma alii fomai faarisone i le Tautua Taufafo a le I.S., sa talosagaina William K. Jackson e faasoa mai ni ona aafiaga faatumutumuga se 20 a o soifua ma galue ai i itulagi aupito maualalo o le lalolagi.

A o ia mafaufau loloto e uiga i lea talosaga a o lei amataina le sauniga o lona litaea, sa ia iloaina o “lau 20 uma o faatumutumuga e 20 sa faatatau i le Ekalesia--po o le aiga,“ na ia saunoa ai.

Sa soifua mai William King Jackson i le aso 29 o Tesema, 1956, i Uosigitone D.C., ISA ia E. William ma Lois Andrey Jackson. Sa soifua ae o ia i Ojai, Kalefonia, ISA, ae ona o galuega faavolenitia a ona matua, o lea sa ia maua ai foi le aotauina i Honduras, Algeria, ma Afakanisitana.

Ina ua maea lana auaunaga faamisiona i le Misiona a Polivia La Paz, sa feiloai Elder Jackson ma Ann Kesler i le taumafanafana o le 1977.

“Sa o se alofa i le uluai taimi mo au,” na ia saunoa ai. “Sa ou faaaluina le toega o lena taumafanafana e taumafai ai e faatalitonu o ia e faapea, o au lava lea.”

Sa la faaipoipo i le aso 29 Tesema, 1977 i le Malumalu o Los Angeles Kalefonia. O i laua o ni matua o se fanau e toavalu, e toatolu e vaetamaina—mai Initia, Nepal, ma Kemupotia.

Sa aoga Elder Jackson i le Iunivesite o Polika Iaga, ma maua ai sona faailoga o le tagata malaga o le saienisi mai le Iunivesite o Kalefonia, Berkeley, ma sa maua sona faailoga o le tofamanino o vailaau mai le Iunivesite o Kalefonia, San Francisco, i le 1983.

Ina ua maea lona vaitau faaaoa’o faafomai, sa faigaluega o ia i atunuu i fafo mo le 26 tausaga. Sa faigaluega talu ai nei o se fomai faatonu i le Valley Health Care, faatasi ai ma ona lala i Idaho ma Oregon, ISA.

I le taimi sa latou nonofo ai i fafo atu o le Iunaite Setete, sa laua faaaluina ma Sister Jackson le tele o o la taimi ma tagata o uluai augatupulaga ua auai i le Ekalesia.

“O se tasi o vaega aupito telē o la’u molimau o le talalelei o le matauina lea o mea ua faia e le talalelei i nei tagata ma te alolofa i ai,” na ia saunoa ai. “Ua suia ai i laotu.”

Na avea Elder Jackson o se Fitugafulu Eria, peresitene o le Misiona a Initia New Delhi, peresitene o Alii Talavou o le paranesi, faiaoga inisitituti, ma le faiaoga o Mataupu Faavae o le Talalelei. I le taimi o lona valaauga e avea ma se Fitugafulu o le Pulega Aoao, o auauna o ia o se epikopo.