Elder Thierry K. Mutombo

Fitugafulu o le Pulega Aoao

Sa i ai ia Elder Thierry K. Mutombo se molimau malosi o le talalelei ina ua ia maua lona valaauga o le misiona o se alii talavou. Sa papatiso faatasi ma lona aiga ina ua 10 ona tausaga, ma sa ia molimauina le ala mamana na suia ai e le talalelei lona aiga.

Ae e oo lava i le taimi sa ia tapenapena ai e auauna atu i le Misiona a Côte d’Ivoire Abidjan, sa lei i ai sana molimau malosi i le Tusi a Mamona. Na te lei faitauina lava muamua.

Sa lu’iina e le epikopo musuia a Thierry o ia e faitau le Tusi a Mamona i aso uma a o lei alu i lana misiona. Sa ia tuuina foi ia Thierry se ki i lo latou falelotu ina ia mafai ona ia suesue filemu ai.

Sa faitauina e Thierry i aso uma mo le tolu masina. E oo atu i le taimi na ia ulufale ai i le galuega faamisiona, sa le gata ina ia maua se molimau malosi o le Tusi a Mamona, ae sa ia amatalia foi ni mausa suesue sa fesoasoani ia te ia o se faifeautalai.

“O le meafaigaluega aupito silisili ua tatou maua e aumaia ai tagata i le malamalama o le talalelei ma faapotopoto Isaraelu ua taapeape, o le Tusi a Mamona,” na ia saunoa ai.

Na soifua mai Thierry Kasuangi Mutombo i Kinshasa, Ripapelika Temokarasi o Congo, i le aso 31 Ianuari, 1976 ia Antoine Kasuangi Mutombo ma Marie Therese Matsanga Mutombo. Na faaipoipo o ia ia Tshayi Nathalie Sinda i se sauniga faalemalo i le aso 29 Novema, 2002. Na faamauina i la’ua mulimuli ane i le Malumalu o Johannesburg Aferika i Saute i le aso 19 Novema, 2004. E toaono le la fanau.

Na faauu Elder Mutombo i le 2010 mai le Iunivesite o Cepromad ma se faailoga o le pulega o mea tau pisinisi ma i le 2012, ma se faailoga o le tagata malaga i le pulega o punaoa mo tagata faigaluega. Sa faigaluega o ia i le Ekalesia i le Ripapelika Temokarasi o Congo o se pule i Matagaluega o Talafaasolopito o Aiga ma Punaoa mo Tagata Faigaluega ma se supavaisa i le Matagaluega o le Pulega o Meatotino.

I le taimi o lona valaauga o se Fitugafulu o le Pulega Aoao, o auauna atu Elder Mutombo o se peresitene o le Misiona a Marylland Baltimore. Na avea muamua o se peresitene o le siteki, fesoasoani i se au peresitene o le siteki, taitai misiona a le uarota, faiaoga i le Aoga Sa, ma se failautusi faapitoa a le siteki.