Elder Jeremy R. Jaggi

Fitugafulu o le Pulega Aoao

A o talavou Elder Jeremy R. Raggi, sa satia lona tuafafine e fitu-tausaga-le-matua, o Kristen i se siama na afaina ai lona faiai. Sa fai mai fomai o le a le ola o ia.

Sa tootuli ifo le alii talavou o Jeremy i autafa o lona moega i le fale o le aiga i le Aai o Sate Leki, Iuta, ISA, ma aioi atu i le Alii ia ona iloa pe aisea e tatau ai ona oti o ia ae laitiiti tele. Peitai, na maua se faamanuiaga faaleperisitua o lona tuafafine, ma sa ola pea.

Sa o se auala lea mo Jeremy na 17-tausaga-le-matua, e “faaleleia ai ia lava ma le Atua,” ma taitai atu ai o ia e faitauina ma le lotonaunau le Tusi a Mamona mo le uluai taimi. Mulimuli ane na auauna o ia o se faamisiona talai o ia i le Misiona a Ohio Cleveland.

Na toe foi lava Jeremy i ona tulivae i le tatalo ma le loto atoa i tausaga mulimuli ane, ina ua vave ona luluti tiga o lona faletua, o Amy i la latou tama lona tolu. “O le taimi lea, sa ou lagonaina ai se toafilemu lofituina—o se filemu e pau lava le ala e mafai ona faamatalaina ai, o le siomia o au e aao alofa o se Tama Faalelagi i le mafanafana o le Agaga Paia,” na ia saunoa ai.

O lena lava filemu na lagolagoina ai au i si taimi puupuu na ola ai le pepe ma masina o le lotofaanoanoa na sosoo ai ina ua toe fafano se isi maitaga. “E tofotofoina i tatou i o tatou ala,” na ia saunoa ai, “peitai tatou te manatu ‘o le mea e fiafia tele ai’ [Iakopo 1:2] ua saunia e le Faaola se ala mo i tatou e maua ai le filemu ma le fiafia.”

Na soifua mai Jeremy Robert Jaggi i le Aai o Sate Leki, Iuta, ISA , i le aso 23 Mati, 1973 ia Robert Stanley Jaggi ma Judy Anne Roos. Na ia faaipoipo ia Amy Anne Stewart i le Malumalu o Sate Leki i le aso 12 Iuni, 1995. O i laua o ni matua o se fanau e toalima.

Sa maua le faailoga o le tagata malaga o Elder Jaggi i le saienisi o le amio ma le soifua maloloina mai le Iunivesite o Iuta ma se faailoga o le matuaofaiva o le pulega faatonusili taupisinisi mai le Iunivesite o Pepperdine. Sa taiulu o ia i fefaatauaiga faale-itulagi mo Alkermes ma le pulea faapisinisi o fale ma fanua i le HCA Investiments i le taimi o lona valaauga.

Na tautua Elder Jaggi o se Fitugafulu Eria, peresitene o le Misiona a Iuta Ogden, fesoasoani i le failautusi faapitoa o le siteki, epikopo, peresitene o le korama a toeaina, faiaoga seminare, fesoasoani i se au peresitene o Alii Talavou i le uarota, faiaoga o faifeautalai sauniuni a le siteki, ma se taitai misiona a le uarota.