Elder Matthew S. Holland

Fitugafulu o le Pulega Aoao

O Elder Matthew S. Holland e le o se tagata ese i le Au Pulega Aoao po o konafesi aoao.

E toatele le Au Paia o Aso e Gata Ai e silafia o ia o le alo o Elder Jeffrey R. Holland o le Korama a Aposetolo e Toasefululua. Atonu e manatua e isi o ia a o 17 tausaga lona matua sa saunoa ai i le konafesi aoao ia Aperila 1983 i le sauniga a le au perisitua.

“O se faamanuiaga matagofie i lo’u olaga atoa, le matauina o le ala na soifua ai lo’u tina ma lo’u tamā, o mea sa la tautino atu e fai, ma mea sa poloaiina ai i laua e fai,” na saunoa ai Elder Holland, o lē o loo pulefaamalumalu i le taimi nei i le Misiona a North Carolina Raleigh.

“Ae, ona o nei matauga patino, ua matou iloa ai le tele naua o mea e uiga i lenei valaauga e manatu ai ua lava faaauupegaina i matou mo lea mea,” na ia faaopoopo mai ai. “O le mea e lelei ai, sa matou aoaoina foi e faapea e faaagavaa e le Alii i latou Na Te valaauina, ma ua matou maua le tele o le faatuatua ma le mafanafana i lena mea.”

E manatua e Elder Holland o le lauga ai i le konafesi aoao e taufaafefe. O le sauniunia o se savali e faasolosolo malie ona oo mai “o lea fuaiupu ma lea fuaiupu, o lea mataupu ma lea mataupu” (2 Nifae 28:30) na avea “o se faamanuiaga faamautinoa vave ia iloa ai, pe a e taliaina tofitofiga mai le Alii, o le a Ia fesoasoani ia te oe ma avatu ia te oe ia mafaufauga ma uunaiga o mea e moomia ona faasoa.”

Na soifua mai Matthew Scott Holland i le aso 7 Iuni, 1966, i Provo, Iuta, ISA, o le alo o Jeffrey R. ma Patricia Holland. Na faaipoipo atu o ia ia Paige Bateman i le aso 20 Me, 1996, i le Malumalu o St. George Iuta. O i la’ua o matua o se fanau e toafa.

O tulimataiga faaleaoaoga a Elder Holland e aofia ai faailoga e tolu i le saienisi faaupufai—o se faailoga tagata malaga o faatufugaga mai le Iunivesite o Polika Iaga i le 1991, ma se matuaofaiva o faatufugaga ma le tofamanino o mafaufauga, e mai uma le lua lea i le Iunivesite o Duke, i le 1997 ma le 2001.

A o galue o ia o se polofesa soofaatasi o le saienisi faaupufai i le BYU (2001–2009), sa avea o ia ma peresitene o le Iunivesite o Utah Valley i le 2009, ma sa tautua ai seia oo i lona valaauga o se peresitene o le misiona i le 2018.

Sa avea o ia o se epikopo, fautua maualuga, fesoasoani i se au epikopo, fautua o Alii Talavou i le uarota, taitai misiona a le uarota, faiaoga o le Aoga Sa, ma se faifeautalai faamisiona i le Misiona a Sikotilani Edinburgh.