Steven J. Lund.

Peresitene Aoao o Alii Talavou

I le avea ai ma Peresitene Aoao fou o Alii Talavou, ua taliaina ai e Steven J. Lund se poloaiga paia e fesoasoani e taiala le fia selau o afe o alii talavou i le vaitausaga o le Perisitua Arona i se Ekalesia i le lalolagi atoa.

Pe a na fai e mafai ona feiloai tai-tasi-tasi ma i latou uma, na te iloa lelei lava le mea e fai atu ai: “O le avea o se tagata faamanuiaina i le malo o le Atua e le faigata. E alofa le Tama Faalelagi ia te oe. Pau le mea e te manaomia o le toe alofa atu ia te Ia. Ma afai tatou te faia lena mea, o le a tatou saogalemu ma fiafia. … O le a ’anoa o tatou olaga.”

O le tauaveina ma le loto i ai o le Ekalesia, e le na o le Aso Sa e tupu ai. O se avanoa i aso uma, e tusa ai ma le saunoaga a le loia ae ua sui nei i le pulefaatonu i pisinisi.

“O le faitauina o tusitusiga paia, alu i le lotu, salamo i se taimi vave pe a tatou se ese mai le ala, tatalaina o o tatou gutu, ma avea o se faataitaiga o le talalelei—o le fuafuaga lena a lo tatou Tama Faalelagi,” na ia saunoa ai.

Sa soifua mai Uso Lund i le aso 30 Oketopa, 1953, ia Jay ma Toy Ellen Lund ma sa soifua a’e i Kalefonia i Matu (Santa Rosa) ma Kalefonia i Saute (Long Beach, ISA). O lana tautua i le Ami a le I.S. na toe molimoli ai o ia i Europa, o se konetineta sa ia alofa i ai, i le taimi o lana auaunaga i le Misiona a Netalani Armsterdam.

Ina ua mavae lona ulufalega, sa ia lesitala i le Iunivesite a Polika Iaga, lea sa ia toe feiloai ai ia Kalleen Kirk, o se tamaitai talavou sa la masani a o nonofo i Siamani. Sa iu ina faaipoipo Steven ma Kalleen i le Malumalu o Sate Leki i le aso 8 o Aokuso, 1980. O i la’ua o matua o se fanau e toafa.

Ina ua uma ona maua sona faailoga faaloia i le BYU, sa faigaluega Uso Lund o se loia a o lei oo ina avea ma peresitene ma Faatonusili o le Nu Skin Enterprises. O le taimi nei o loo avea o ia ma taitaifono taiulu o le fono a le aufaatonu o le kamupani. O ia foi o se sui tupito o le Utah System o A’oga Maualuluga Atu.

Sa avea Uso Lund ma peresitene o le Misona a Georgia Atlanta ma se taitai faamaopoopo o le Komiti o le Faapaiaga o le Malumalu o Provo City Center. Sa avea foi o ia o se sui o le aufaatonu o Alii Talavou aoao ma se Fitugafulu Eria.