Uiuiʻi ha Fitungofulu Taki Māʻolunga Foʻou mei he ʻĒlia Pasifikí

Loki Ongoongó

Mei he Kau Fitungofulu Taki Māʻolunga foʻou ʻe 8 naʻe fanongonongo fakaemāmani lahí

Naʻe kau ʻa ʻEletā Vaiangina Sikahema ʻi he taha ʻo e Kau Fitungofulu Taki Māʻolunga ʻe toko valu naʻe hikinimaʻi ʻi he Konifelenisi Lahi ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ʻEpeleli ʻo e 2021.

Naʻe fanongonongo ʻe Palesiteni Tāleni H. ʻOakesi ʻo e Kau Palesitenisī ʻUluaki ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e ngaahi uiuiʻí ʻi he lolotonga ʻo e fakataha ʻo e hoʻatā Tokonakí ʻi he konifelenisí.

Naʻe fāʻeleʻi ʻi Tonga, pea kuo fua fatongia ʻa ʻEletā Sikahema ko ha taki fakaʻēlia, palesiteni ʻo e Siteiki Cherry Hill New Jersey; hoko kimuʻa ko ha pīsope, tokoni pīsope, tokoni ʻi he kau palesitenisī ʻo e misioná, mo ha tokoni ʻi he kau palesitenisī fakasiteikí. Naʻá ne mali mo Keala pea ʻokú na maʻu ha fānau ʻe toko fā.

Naʻe vaʻinga ʻakapulu faka-ʻAmelika fakapalofesinale ʻa ʻEletā Sikahema ʻi he Timi Arizona Cardinals, Timi Green Bay Packers, mo e Timi Philadelphia Eagles. Naʻá ne ko ha taha faiongoongo sipoti mo e ngaahi ongoongó maʻá e NBC10 ʻo Filatelifiá ʻo aʻu ki heʻene maʻu vāhenga mālōlō ʻi he 2020. Naʻá ne ako ki he fakamafola leá mo e ngaahi fetuʻutakí ʻi BYU.