Haʻu, ʻo Muimui ʻIate Au
ʻOku ʻuhinga ki he hā ke angatonú?
Naʻe folofola ʻa e ʻEikí ʻi he Tokāteline mo e Ngaahi Fuakava 124:15, naʻá Ne ʻofa ʻia Hailame Sāmita “koeʻuhí ko e angatonu ʻo hono lotó.” Fakakaukau ki he founga te ke lava ai ʻo fakahaaʻi ʻa e angatonú ʻi he ngaahi tafaʻaki ko ʻeni ʻi hoʻo moʻuí:
Angatonu Fakapalofesinalé
ʻOku kau heni hoʻo fai ho lelei tahá ʻi hoʻo ngāué pe ngāue fakaakó kae ʻikai ko hoʻo maʻu monūʻia ha ngāue ʻa e niʻihi kehé.
ʻOku fehuʻi mai ʻe Palesiteni Lāsolo M. Nalesoni: “Kapau ʻoku maʻu haʻo ngāue ke fakahoko, ʻokú ke faitotonu nai ki hoʻo pule ngāué? Pe ʻokú ke tuku nai ke siʻisiʻi ange hoʻo mateakí?”1
Angatonu Faka-Aleá
ʻOku kau heni hono tali hoʻo ngaahi fehalaākí mo fakahoko ʻa e meʻa kuó ke palōmesi ki he niʻihi kehé te ke fakahokó.
“ʻOku hanga ʻe he angatonú ʻo maluʻi ʻa e ʻofa fakafāmilí, pea ʻoku ngaohi ʻe he ʻofá ʻa e moʻui fakafāmilí ke tuʻumālie mo fakafiefia—ʻi he taimí ni mo e taʻengatá.”2
ʻOkú ke tauhi nai hoʻo ngaahi palōmesi ki he niʻihi kehé?
Angatonu Fakalaumālié
ʻOku kau heni ʻa e tuʻu maʻu ʻi hoʻo ngaahi aʻusia fakalaumālie he kuohilí kae ʻikai fakaʻikaiʻi kinautolu.
ʻE lelei ange ʻetau fekumi ki he māmá ʻi heʻetau loto fiemālie ke ʻiloʻi e taimi ʻoku ulo atu ia ʻi heʻetau moʻuí.”3
Ko e hā ha ngaahi aʻusia fakalaumālie kuó ke maʻu he ʻikai ke ke lava ʻo fakaʻikaiʻi?
ʻOkú ke Taau mo e Angatonú!
ʻOku poupouʻi kitautolu ʻe Palesiteni Nalesoni: “ʻOku taau homou tuʻunga pelepelengesí mo homou tuʻunga mahuʻingá ke mou angatonu! Maluʻi ia ʻo hangē ko hono mahuʻingá.”4