Ngaahi Tefitoʻi Meʻa Mahuʻinga ʻo e Ongoongoleleí
Ngāue Fakatemipalé
Ko e temipalé ko e fale ia ʻo e ʻEikí. Te tau lava ʻo maʻu ʻa e ngaahi ouaú mo fakahoko ha ngaahi fuakava mo Ia ʻi he ngaahi temipalé. Te tau lava foki ʻo fakahoko e ngaahi ouau ʻi he temipalé maʻa ʻetau ngaahi kuí.
Tā ʻo e Temipale Barranquilla Colombia naʻe fakahoko ʻe Bruno Lima; tā ʻo ha fefine ʻi muʻa ʻi he Temipale Oquirrh Mountain Utah naʻe fakahoko ʻe Nexeo mo Matthew Reier; laʻitā ʻo ha ongomātuʻa ʻokú na luelue he Temipale Manila Philippines naʻe fakahoko ʻe Cristina Smith; tā ʻo e faiʻanga papitaiso ʻo e Temipale Lisbon Portugal naʻe fakahoko ʻe Leslie Nilsson; tā ʻo e fāmilí ʻi muʻa ʻi he Temipale Philadelphia Pennsylvania naʻe fakahoko ʻe Cody Bell
ʻI he kotoa ʻo e hisitōliá, kuo fekauʻi ʻe he ʻEikí ʻa Hono kakaí ke langa ʻa e ngaahi temipalé. Ko e ngaahi temipalé ko ha ngaahi potu toputapu ia ʻe lava ke tau ongoʻi ai e ʻofa ʻa e ʻOtuá, maʻu e ngaahi ouaú, mo fakahoko ha ngaahi palōmesi mo Ia. ʻOku langa ʻe he Siasí ha ngaahi temipale ʻi he funga ʻo e māmaní koeʻuhí ke tokolahi ange ʻa e kakai te nau lava ʻo maʻu ʻa e ngaahi tāpuaki ko ʻení.
Ko e ʻEnitaumení
Ko e kāingalotu ʻo e Siasí ʻoku nau moʻui angatonú ʻoku nau ō ki he temipalé ke maʻu ʻa e ngaahi ouaú mo fakahoko ha ngaahi fuakava, pe ngaahi palōmesi, mo e ʻOtuá. Ko ha ouau ʻe taha ʻoku tau maʻu ʻi he temipalé ko e ʻenitaumení. ʻOku ʻuhinga ʻa e foʻi lea ʻenitaumení ki he “meʻaʻofa.” Ko e ʻenitaumeni temipalé ko ha meʻaʻofa ia mei he ʻOtuá. ʻOku tau ako ʻi he ouaú ni ki he palani ʻa e Tamai Hēvaní ki hotau fakamoʻuí, pea ʻoku tau fakahoko ha ngaahi fuakava ke tauhi e ngaahi fekau ʻa e ʻOtuá. Kapau te tau tauhi faivelenga ki he ngaahi fuakava ʻoku tau fakahokó, ʻe tāpuekina kitautolu ʻe he ʻOtuá.
Ko Hono Silaʻi Fakataha ʻo e Ngaahi Fāmilí
Tā ʻo e Temipale Barranquilla Colombia naʻe fakahoko ʻe Bruno Lima; tā ʻo ha fefine ʻi muʻa ʻi he Temipale Oquirrh Mountain Utah naʻe fakahoko ʻe Nexeo mo Matthew Reier; laʻitā ʻo ha ongomātuʻa ʻokú na luelue he Temipale Manila Philippines naʻe fakahoko ʻe Cristina Smith; tā ʻo e faiʻanga papitaiso ʻo e Temipale Lisbon Portugal naʻe fakahoko ʻe Leslie Nilsson; tā ʻo e fāmilí ʻi muʻa ʻi he Temipale Philadelphia Pennsylvania naʻe fakahoko ʻe Cody Bell
ʻOku toe ui foki ʻa e mali ʻi he temipalé ko ha sila. ʻI he taimi ʻoku silaʻi ai ha ongomeʻa mali ʻi he temipalé mo tauhi ʻena ngaahi fuakavá, te na mali ʻo taʻengata. Kapau ʻoku ʻi ai haʻana fānau, ʻe silaʻi foki mo e fānau ko iá kiate kinaua. Ko e mātuʻa kuo silaʻi hili e ʻi ai haʻana fānaú, ʻe lava ke silaʻi ʻena fānaú kiate kinaua. Kapau te nau moʻui angatonu, te nau hoko ko ha fāmili ʻi he kotoa ʻo e taʻengatá.
Ngāue Fakatemipale maʻá e Fānau Kotoa ʻa e ʻOtuá
Tā ʻo e Temipale Barranquilla Colombia naʻe fakahoko ʻe Bruno Lima; tā ʻo ha fefine ʻi muʻa ʻi he Temipale Oquirrh Mountain Utah naʻe fakahoko ʻe Nexeo mo Matthew Reier; laʻitā ʻo ha ongomātuʻa ʻokú na luelue he Temipale Manila Philippines naʻe fakahoko ʻe Cristina Smith; tā ʻo e faiʻanga papitaiso ʻo e Temipale Lisbon Portugal naʻe fakahoko ʻe Leslie Nilsson; tā ʻo e fāmilí ʻi muʻa ʻi he Temipale Philadelphia Pennsylvania naʻe fakahoko ʻe Cody Bell
ʻOku tau fakahoko e ngāue hisitōlia fakafāmilí ke tau ʻilo ai fekauʻaki mo ʻetau ngaahi kuí. ʻOku tau fakahoko leva ʻa e ngāue fakatemipalé maʻanautolu. ʻOku tau fakahoko maʻanautolu ʻa e ngaahi ouau kotoa pē ʻoku fie maʻu ʻe he kakai moʻuí: papitaisó, hilifakinimá, maʻu ʻo e lakanga fakataulaʻeikí (maʻá e houʻeiki tangatá), ʻenitaumení, mo e silá. Te nau lava leva ʻo fili pe ʻoku nau fie tali ʻa e ngaahi ouau ko ʻení. ʻI he foungá ni, ʻe lava ke fiefia kotoa e fānau ʻa e ʻOtuá ʻi he ngaahi tāpuaki ʻo e ongoongoleleí.
Ngaahi Tāpuaki ʻo e Ngāue Fakatemipalé
Kapau te tau tauhi e ngaahi fuakava ʻoku tau fakahoko ʻi he temipalé, ʻe tāpuekina, maluʻi, mo fakamālohia kitautolu. Te tau maʻu ʻa e mālohi ʻo e lakanga fakataulaʻeikí. ʻE fakataha hotau ngaahi fāmilí ʻo taʻengata.
Ko e temipalé foki ko ha feituʻu ʻo e melino mo e fakahā. ʻI heʻetau fakahoko e ngāue fakatemipalé, te tau lava ʻo maʻu ha tataki fakalaumālie mo ongoʻi e ʻofa ʻa e ʻOtuá.