Haʻu, ʻo Muimui ʻIate Au

Ko e hā naʻe hā mai ai ʻa Mōsese, ʻIlaiase, mo ʻIlaisiā ʻi he Temipale Ketilaní

Tokāteline mo e Ngaahi Fuakava 110

article on appearance of Moses, Elias, and Elijah

“ʻI heʻetau teuteu ke feʻiloaki mo e ʻOtuá, ʻe lava ke tau ʻilo hotau ngaahi fatongia fakalangi naʻe filí ʻaki ʻetau toe vakaiʻi e ngaahi kī toputapu naʻe toe fakafoki mai ʻi he Temipale Ketilaní.”¹

—ʻEletā Quentin L. Cook ʻo e Kōlomu ʻo e Kau ʻAposetolo ʻe Toko Hongofulu Mā Uá

Ko e hā e Ngaahi Kī ʻo e Lakanga Fakataulaʻeikí?

Ko e ngaahi kī ʻo e lakanga fakataulaʻeikí ko e mafai ia kuo foaki ʻe he ʻOtuá ki he kau taki lakanga fakataulaʻeikí ke nau tataki, puleʻi, [mo tokangaʻi] ʻa hono fakaʻaongaʻi ʻo Hono lakanga fakataulaʻeikí ʻi he māmaní.²

Naʻe akoʻi ʻe Palesiteni Tāleni H. ʻOakesi, ko e Tokoni ʻUluaki ʻi he Kau Palesitenisī ʻUluakí: “ ʻOku maʻu ʻe he ʻEiki ko Sīsū Kalaisí ʻa e ngaahi kī kotoa pē ʻo e lakanga fakataulaʻeikí, ʻa ia ʻoku ʻOʻona ʻa e lakanga fakataulaʻeikí. Ko Ia ʻa e tokotaha ʻokú Ne fakafuofuaʻi pe ko e hā ʻa e ngaahi kī ʻoku foaki ki he kakai fakamatelié mo e founga hono ngāue ʻaki ʻa e ngaahi kī ko iá.”³ ʻOku maʻu ʻe he Palesiteni ʻo e Siasí ʻa e mafai mei he ʻEikí ke ngāue ʻaki ʻa e ngaahi kī kotoa pē ʻo e lakanga fakataulaʻeiki ʻoku fie maʻú kae lava ke ngāue ʻa e Siasí (vakai, Tokāteline mo e Ngaahi Fuakava 132:7).

Ngaahi Kī mo e Mafai ʻo e Lakanga Fakataulaʻeikí

ʻI he ʻaho 3 ʻo ʻEpeleli 1836, naʻe fekauʻi mai ʻe he ʻEikí ʻa e kau maʻu lakanga fakataulaʻeiki ʻo e Fuakava Motuʻá ko Mōsese, ʻIlaiase pea mo ʻIlaisiā kia Siosefa Sāmita mo ʻŌliva Kautele ke fakatukupaaʻi kinaua ke na fakahoko ʻa e ngaahi meʻá ni:

Mōsese

• Tataki e kau ʻIsilelí mei he nofo pōpula ʻi ʻIsipité

• Ko e ngaahi kī ʻo hono tānaki fakataha ʻo ʻIsilelí

• “Ko hono tānaki mai ʻo ʻIsilelí mei he potu ʻe fā ʻo e māmaní” (Tokāteline mo e Ngaahi Fuakava 110:11)

• “ʻI heʻetau talanoa ko ia ki he tānaki fakatahá,ʻoku tau ʻuhinga ki he moʻoni mahuʻinga ko ʻení: ʻoku fie maʻu ʻe he tokotaha kotoa pē ʻo e fānau ʻetau Tamai Hēvaní, ʻi he ongo tafaʻaki ʻo e veilí fakatouʻosi, ke fanongo ki he pōpoaki ʻo hono toe fakafoki mai ʻo e ongoongolelei ʻo Sīsū Kalaisí.”⁴ —Palesiteni Russell M. Nelson

ʻIlaiasE

• “Ko hono moʻoní naʻe moʻui ʻi he ngaahi ʻaho ʻo ʻĒpalahamé”⁵

• Ko e kuonga fakakosipeli ʻo ʻĒpalahamé

• “ʻE tāpuekina ʻiate kimaua mo homa hakó ʻa e ngaahi toʻu tangata kotoa pē ki mui ʻiate kimauá” (Tokāteline mo e Ngaahi Fuakava 110:12)

• “Hangē ko e kakai he kuonga muʻá, ʻoku tau toe maʻu ʻi hono fakafoʻou [ko ʻeni ʻo e fuakava faka-ʻĒpalahamé], ʻa e lakanga fakataulaʻeiki māʻoniʻoní pea mo e ongoongolelei taʻengatá. ʻOku tau maʻu e totonu ke maʻu e kakato ʻo e ongoongoleleí, fiefia he ngaahi tāpuaki ʻo e lakanga fakataulaʻeikí, pea taau ke maʻu e tāpuaki mahuʻinga taha ʻa e ʻOtuá—ʻa ia ko e moʻui taʻengatá.”⁶ —Palesiteni Russell M. Nelson

ʻIlaisiā

• Naʻe hoko ko ha palōfita ʻi he Puleʻanga Fakatokelau ʻo ʻIsilelí, fakafuofua ki he 900 KM

• Ko e ngaahi kī ʻo e mālohi faisilá

• “Ke liliu ʻa e loto ʻo e ngaahi tamaí ki he fānaú, pea mo e fānaú ki he ngaahi tamaí” (Tokāteline mo e Ngaahi Fuakava 110:15)

• “ʻOku malava ke fakahoko e ngaahi ouau ʻi he temipale māʻoniʻoní, ʻaki e ngaahi kī ʻo e silá ne fakafoki mai ʻe he palōfita ko ʻIlaisiā ʻo e Fuakava Motuʻá. ʻOku fakaʻatā ʻe he ngaahi ouau ʻoku fakahoko ʻi he ngaahi temipale ko ʻení ʻa e fakafoʻituituí mo e ngaahi fāmilí ke nau foki ki he ʻao ʻo ʻetau ongomātuʻa fakalangí.”⁷ —ʻEletā Gary E. Stevenson ʻo e Kōlomu ʻo e Kau ʻAposetolo ʻe Toko Hongofulu Mā Uá

Fealeaʻakí

Ko e hā ha ngaahi tāpuaki kuó ke maʻu koeʻuhí ko e lakanga fakataulaʻeikí? Ko e hā te ke lava ʻo fakahoko ke kau ai ʻi he ngāue “tuʻutuʻuni fakalangi” ko ʻení?

Maʻuʻanga Fakamatalá

1. Quentin L. Cook, “Teuteu ke Feʻiloaki mo e ʻOtuá,” Liahona, Mē 2018, 114.

2. Vakai, Tohi Tuʻutuʻuni Fakakātoa: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 3.4.1, ChurchofJesusChrist.org.

3. Dallin H. Oaks, “Ko e Ngaahi Kī mo e Mafai ʻo e Lakanga Fakataulaʻeikí,” Liahona, Mē 2014, 50.

4. Russell M. Nelson, “ʻAmanakiʻanga ʻo ʻIsilelí” (fakataha lotu fakaemāmani lahi ʻa e toʻu tupú, 3 Sune, 2018), HopeofIsrael.ChurchofJesusChrist.org.

5. Fakahinohino ki he Ngaahi Folofolá, “ʻIlaiase,” scriptures.ChurchofJesusChrist.org.

6. Russell M. Nelson, “Ngaahi Fuakavá,” Liahona, Nōvema 2011, 87–88.

7. Gary E. Stevenson, “ʻOku ʻi Fē ʻa e Ngaahi Kī mo e Mafai ʻo e Lakanga Fakataulaʻeikí?” Liahona, Mē 2016, 31.