“Te u Lava Fēfē ʻo Tui kae ʻikai Mamatá?,” Liahona, Siulai 2023.
Haʻu, ʻo Muimui ʻIate Au
Te u Lava Fēfē ʻo Tui kae ʻikai Mamatá?
Fakaikiiki mei he Ko e Hā ʻa Kalaisi ki he Toko Hongofulu Mā Uá hili e Toetuʻú, tā fakatātaaʻi ʻe Scott Snow
Naʻe ʻikai tui ʻa Tōmasi, ko ha taha ʻo e kau ʻAposetolo ʻa Sīsū Kalaisí, naʻe toetuʻu ʻa Kalaisi kae ʻoua kuó ne mamata kiate Ia ʻi he kakanó (vakai, Sione 20:25). ʻI he faifai pea mamata ʻa Tōmasi ki he Fakamoʻui kuo toetuʻú, naʻe folofola ange ʻa e Fakamoʻuí kiate ia, “Ko e meʻa ʻi hoʻo mamata kiate aú, ko ia kuó ke tui aí: ʻoku monūʻia ʻa kinautolu ʻoku ʻikai mamata, kae tuí” (Sione 20:29).
Te tau lava fēfē ʻo muimui ki he fakaafe ʻa Sīsū Kalaisi ke “ʻoua naʻa [mou] taʻetui, kae tuí”? (Sione 20:27).
Ngaahi Founga ke Fakamālohia ai e Tuí mo e Fakamoʻoní
Ako ʻa e ngaahi folofolá. “ʻOku mei he fanongó ʻa e tuí, mo e fanongo ʻi he folofola ʻa e ʻOtuá” (Loma 10:17).
Ke nau moʻui ʻaki e ongoongoleleí. “Pea ko ia ia ʻe fai ki hono finangaló, te ne ʻilo ʻa e akonakí, pe ʻoku ʻi he ʻOtuá ia pe ko ʻeku leá ʻiate au pē” (Sione 7:17).
Ko e fekumi ki he fakahaá ʻo fakafou ʻi he Laumālie Māʻoniʻoní. “Ko e moʻoni ko ia ʻoku mahuʻinga tahá ʻoku fakapapauʻi pē ia ʻe he fakahā mei he ʻOtuá. ʻE ʻikai feʻunga ʻa ʻetau ʻuhinga fakaetangatá mo hono ngāue ʻaki ko ia ʻetau ngaahi ongo fakatuʻasinó” (Henry B. Eyring, “Ko e Hoko ʻa e Laumālie Māʻoniʻoní ko Ho Takauá,” Liahona, Nōvema 2015, 104).