Haʻu, ʻo Muimui ʻIate Au

Ngāue 11

ʻOku ʻUhinga ki he hā ke Hoko ko ha Kalisitiane?

Akoʻi ʻe Sīsū ʻa e kakaí

Ko Hono Akoʻi ʻe Kalaisi ʻEne kau Ākongá, 19th-Century English School, © Look and Learn / Bridgeman Images

ʻOku tau ako ʻi he tohi ʻa Ngāué ko e kau ākonga ko ia naʻe muimui kia Kalaisi ʻi he Siasi he kamatá “naʻe … ui ko e Kalisitiane” (Ngāue 11:26). ʻI he founga tatau, ʻoku fāifeinga e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke hoko ko e kau Kalisitiane lelei. Ka ʻoku ʻuhinga ki he hā e hoko ko ha Kalisitiane?

ʻOku ʻikai ko hano fakahaaʻi pē ia ʻo e tuí. Ko e hoko ko ha Kalisitiane ʻoku fie maʻu ha meʻa lahi ange ʻi he līʻoa ʻi he hingoá pē. Naʻe fehuʻi ʻe ʻEletā Lōpeti D. Heili (1932–2017) ʻo e Kōlomu ʻo e Kau ʻAposetolo ʻe Toko Hongofulu Mā Uá: “Ko e faʻahinga kakai Kalisitiane fēfē kitautolu? ʻI hono fakalea ʻe tahá, ʻoku founga fēfē ʻetau fononga ʻo muimui ʻia Kalaisí?”¹

Ngaahi ʻUlungaanga Faka-Kalaisí

Naʻe poupouʻi kitautolu ʻe ʻEletā Heili ke tau fakafuofuaʻi ʻetau fakalakalaka ʻi hono fakatupulaki e ngaahi ʻulungaanga faka-Kalaisi ko ʻení:²

• ʻOfá

• Tuí

• Feilaulau

• Tokangaʻí

• Ngāue Tokoní

• Faʻa Kātakí

• Melino

• Fakamolemole

• Uluí

• Kātaki ki he ngataʻangá

Fealēleaʻaki

Kuo akoʻi ʻe Palesiteni Lāsolo M. Nalesoni ko e taha ʻo hotau ngaahi tuʻunga mahuʻinga tahá ko e “ākonga ʻo Sīsū Kalaisí.”³ ʻOku ʻiloʻi fēfē ʻe he kakaí ko ha Kalisitiane koe, pe ko ha ākonga ʻa Sīsū Kalaisí?

Ngaahi Maʻuʻanga Fakamatalá

1. Robert D. Hales, “Hoko ko ha Kalisitiane ʻOku Anga Faka-Kalaisi Angé,” Liahona, Nōvema 2012, 90.

2. Vakai, Robert D. Hales, “Hoko ko ha Kalisitiane ʻOku Anga Faka-Kalaisi Angé,” 91–92.

3. Russell M. Nelson, “Ngaahi Fili ki he Taʻengatá” (fakataha lotu fakaemāmani lahi maʻá e kakai lalahi kei talavoú, 15 Mē 2022), broadcasts.ChurchofJesusChrist.org.