Ko e Fakalea ʻo e Lotú

Ko e lotu ʻa Sīsū mo punou hono ʻulú

Fetuʻutaki Fakalangí, tā fakatātā ʻa Yongsung Kim, ʻikai lava ʻo hiki hano tatau

“ʻOku muimui mai e ngaahi fakalea makehe ʻo e lotú ʻi ha ngaahi tuʻunga kehekehe ʻi he ngaahi lea fakafonua kehekehe, ka ʻoku tatau maʻu pē ʻa e tefitoʻi moʻoní. ʻOku totonu ke tau lotu ki heʻetau Tamai Hēvaní ʻi he ngaahi lea ʻoku fakaʻaongaʻi ki he ʻofá mo e fakaʻapaʻapá mo e loto ʻapasiá mo e ongoʻi vāofí. …

“ʻE fie maʻu ha taimi ki he kakai tangata mo fafine ʻoku nau fie fakahaaʻi ʻenau fakaʻapaʻapá ke nau ako ai e fakalea makehe ʻo e lotú. …

“Naʻe pehē ʻe he Palōfita ko Siosefa Sāmitá, ʻKo ha meʻa lelei ia ke kole ʻi he toʻukupu ʻo e ʻOtuá, pe hū ki Hono ʻaó.ʼ [History of the Church, 1:339.] ʻOku fakamanatu mai ʻe he fakalea makehe ʻo e lotú ʻa e maʻongoʻonga ʻo e faingamālie ko iá.”

Palesiteni Dallin H. Oaks, Tokoni ʻUluaki ʻi he Kau Palesitenisī ʻUluakí, “The Language of Prayer,” Ensign, May 1993, 16, 18.

Ko e tangutu toko taha ʻa Sīsū ʻi ha veʻe afi

Ko e Maama ʻo e Moʻuí, tā fakatātā ʻa Yongsung Kim, ʻikai lava ʻo hiki hano tatau