“ʻOku Tataki Fēfē Au ʻe he ʻOtuá ke Fai ʻEne Ngāué?,” Liahona, Siulai 2023.
Haʻu, ʻo Muimui ʻIate Au
ʻOku Tataki Fēfē Au ʻe he ʻOtuá ke Fai ʻEne Ngāué?
ʻI he Hala ki Tāmasikusí, Lifeway Collection / laiseni mei he Goodsalt.com
ʻI heʻetau lau e talanoa ki he ului ʻa Saulá, ʻoku ueʻi kitautolu ʻe heʻene tali ki he Fakamoʻuí: “ʻEiki, ko ho finangaló ke u fai ʻa e hā?” (Ngāue 9:6). ʻI heʻetau hoko ko e kau ākonga ʻa Sīsū Kalaisí, ʻoku tau faʻa fai ha fehuʻi tatau ʻi heʻetau feinga ke kau ʻi he ngāue ʻa e ʻEikí.
Ka ko e hā ʻoku hoko hili ʻetau ʻeke ʻa e fehuʻí? ʻOku tau maʻu fēfē ha fakahinohino ke ʻiloʻi e finangalo ʻo e ʻOtuá ki heʻetau ngaahi ngāué?
Loto-vēkeveke ke Ngāué
Ko e tali ki he fehuʻi ʻa Saula fekauʻaki mo e meʻa ʻoku totonu ke ne faí, naʻe tali mai leva ʻe he ʻEikí ʻaki ha ngaahi fakahinohino ke ne ʻalu ki Tāmasikusi. ʻOku tau ʻamanaki he taimi ʻe niʻihi ʻe foaki mai ʻe he ʻEikí ʻa e faʻahinga fakahinohino pau tatau. Ka ʻoku ʻikai fie maʻu ia ke tau tatali ki ha ngaahi fakahinohino fakahokohoko kimuʻa pea tau toki kau ʻi he ngāue ʻa e ʻOtuá.
Naʻe akoʻi ʻe ʻEletā Tieta F. ʻUkitofa ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku ʻikai faʻa hoko mai e tali ki heʻetau lotú lolotonga ʻetau tūʻulutuí ka ʻoku hoko ia lolotonga ʻetau tuʻu ʻo tauhi ki he ʻEikí mo tokoniʻi e niʻihi ʻoku tau feohí” (“Ko e Tatali ʻi he Hala ki Tāmasikusí,” Liahona, May 2011, 76).
Fakakaukau ki he founga naʻe tataki ai ʻe he ʻEikí ʻa e ongo meʻá ni fakatouʻosi ki he ngaahi faingamālie ngāue tokoní koeʻuhí naʻá na loto fiemālie ke ngāué:
-
Saula ʻi he Ngāue 9:20
-
Pita ʻi he Ngāue 9:32–42