“ʻOku Fēfē Hoʻo Moʻui ʻAki e Tokāteline ʻo Kalaisí?,” Liahona, Siulai 2023.
Haʻu, ʻo Muimui ʻIate Au
ʻOku Fēfē Hoʻo Moʻui ʻAki e Tokāteline ʻo Kalaisí?
Tā fakatātaaʻi ʻe Vicky Scott
Hili e taumalingi hifo ʻa e Laumālié ʻi he ʻaho ʻo e Penitekosí, naʻe fakamoʻoni ʻa Pita mo e kau ʻAposetolo kehé kia Kalaisi mo akoʻi ʻEne tokāteliné. Naʻe “mahuhuhuhu [e kakaí] honau lotó” mo fehuʻi, “Ko e hā te mau faí?” (Ngāue 2:37). Naʻe fakaafeʻi kinautolu ʻe Pita ke nau fakatomala, papitaiso, pea maʻu ʻa e meʻafoaki ʻo e Laumālie Māʻoniʻoní (vakai, Ngāue 2:38). Naʻe fakafuofua ki ha kakai ʻe toko 3,000 naʻa nau “maʻu fiefia ʻene leá [pea] papitaiso” (Ngāue 2:41).
ʻOku ʻomi kitautolu ʻi hono fakaʻaongaʻi e tokāteline ʻo Kalaisí ke tau ofi ange ai kiate Ia. Fakakaukau ke fakakaukauloto ki he founga ʻokú ke fakaʻaongaʻi ai e ngaahi tafaʻaki fakatokāteline ʻe nima ko ʻení:
-
Tui ki he ʻEiki ko Sīsū Kalaisí: Ko e hā ha ngaahi tōʻonga mo e ʻekitivitī ʻoku tokoni ke langaki hake hoʻo tui kia Sīsū Kalaisí?
-
Fakatomalá: ʻOkú ke ʻai fēfē ke fakafiefia ʻa e fakatomalá?
-
Papitaisó: Ko e hā ʻokú ke fai ke moʻui ʻaki hoʻo fuakava ʻi he papitaisó?
-
Meʻafoaki ʻo e Laumālie Māʻoniʻoní: Ko e hā ha ngaahi ʻātakai mo e ngaahi ʻekitivitī ʻokú ke maʻu lelei taha ai e ngaahi ueʻi ʻa e Laumālié?
-
Kātaki ki he ngataʻangá: Kuo tokoni fēfē hono tauhi hoʻo ngaahi fuakavá, maʻu ʻa e ʻamanaki lelei ʻia Kalaisí, mo e piki maʻu ki he vaʻa ukameá ke ke kātekina ʻa e ngaahi faingataʻá? Vakai, Selemaia 17:7; 2 Nīfai 31:20; ʻEta 12:4.