Hvaða sannleika kenna 1. Nefí og 2. Nefí um Jesú Krist?

Við lok skrifta sinna, segir Nefí: „Ef þér trúið á Krist, þá munuð þér trúa á þessi orð, því að þau eru orð Krists“ (2. Nefí 33:10). Mörg sannindi um eðli frelsarans, líf hans og friðþægingu má finna í því efni sem við höfum lært í Mormónsbók það sem af er ári.

Komið til mín, eftir Evu Timothy

Persónuleiki Krists

Hann er ríkur af þolinmæði, gæsku og langlundargeði (sjá 1. Nefí 19:9).
Hann mun alltaf muna eftir okkur (sjá 1. Nefí 21:14–16).
Hann býður hverju okkar að koma til sín (sjá 2. Nefí 26:24, 33).

Ljós og sannleikur, eftir Simon Dewey

Þjónusta Krists

Hann kenndi fagnaðarerindi sitt og læknaði sjúka (sjá 1. Nefí 11:24, 27–31).
Hann setti fordæmi um hlýðni með því að láta skírast (sjá 1. Nefí 10:9; 2. Nefí 31:7–12).
Hann var krossfestur, settur í gröf og heimsótti Nefítana eftir upprisu sína (sjá 1. Nefí 19:10–11; 2. Nefí 26:1).

Krossfesting Krists, óþekktur listamaður

Friðþæging Krists

Hann endurleysti okkur með friðþægingu sinni (sjá 2. Nefí 2:6–7).
Hann framkvæmdi „algjöra friðþægingu“ sem sigrar líkamlegan og andlegan dauða (2. Nefí 9:5–22).
Hann getur veitt okkur styrk þegar við trúum á hann og veljum að iðrast (sjá 2. Nefí 31:13).