Itulau i le Lotoifale
O se Alofa i le Olaga Atoa mo le Malumalu
O loo manatua pea e Peti McIlwaine le olioli sa ia lagonaina ina ua aoaoina i la’ua ma lana tane ua maliu o, Pili, e faapea e mafai ona faavavau aiga e ala i sauniga o faatinoina i malumalu o Le Ekalesia a Iesu Keriso o le Au Paia o Aso e Gata Ai. I le mavae o le silia ma le onosefulu tausaga o se tagata o le Ekalesia, sa faaauau pea ona ia fiafia i ana tapuaiga faalevaiaso ma auaunaga i le Malumalu o Adelaide i Ausetalia.
O vaiaso taitasi, e alu ai Peti i luga o le polokalama a le Ekalesia o le FamilySearch e saili se tagata o le aiga ua maliu ina ia mafai ona ia fesoasoani e saunia faamanuiaga o le malumalu. Na ia saunoa mai, “E lagona le faapitoa le aveina o se kata o se igoa o le aiga i le malumalu, le mafaufau e uiga i lena tagata ma lona olaga, ma le tatalo ma faamoemoe o le a ia talia le talalelei ma sauniga.”
I le mafaufau ai i lona olaga, na fai mai Peti, “E agalelei pea le Tama Faalelagi ia te au ma lou aiga.”
Sa soifua mai o ia i le aso 4 o Ianuari 1932 i Kadina, i le Penisula o Yorke i Ausetalia i Saute. O le vaitaimi tonu lea o le Pa’ū Maualalo Tele o le Tamaoaiga ma o lona tama, o se tasi o le toatele sa sailia se galuega, na siitia atu lona aiga i Whyalla e galue ai i se falefauvaa fou faatoa tatalaina.
Sa o latou nonofo i se faleie i luga o le matafaga seia gafatia e le tama o Peti ona fausia se fale mo i latou. Sa ia manatuaina, “I le mamao e mafai ona e vaai i ai, sa iai se laina o aiga i luga o le matafaga sa nonofo i faleie.” Sa fiafia fanau e nonofo ai iina ma o atu e taeele i soo se taimi latou te mananao ai.
I le 1950 sa feiloai ai Peti i lana tane o Pili, o le sa Malaga mai Belfast, Aialani i Matu e sailia foi se galuega i le falefauvaa. Sa la’ua faaipoipo i le tausaga e sosoo ai ma sa la’ua maua ni tama se toatolu ma le teine e toatasi, ae o se faanoanoaga, o se faalavelave i le alatele na aveesea ai le la tama tama lona lua, o Donal, i le 21 o ona tasaga. Ua 11 i le taimi nei fanau a fanau a Peti ma fanau o fanau a fanau e 25 ma faapea mai “O i latou uma taitoatasi e matagofie. O lo la atalii matua, o Michael, sa uluai feiloai i faifeautalai mai Le Ekalesia a Iesu Keriso o le Au Paia o Aso e Gata Ai i le aoga tulagalua. I lena taimi, sa faia ai e aoga ni faatonuga faalelotu mai ekalesia eseese ma o Michael e sau i le fale ma fiafia e tau atu i le aiga le tele o lona fiafia i nei vasega.
Na vave ona asiasi atu faifeautalai i le au McIlwaines ma aoao atu le talalelei a Iesu Keriso i le aiga atoa. E manatua e Peti le lagonaina o le mana o le Agaga Paia i lana fonotaga muamua lava ma le Paranesi a Whyalla, ae faapitoa lava i le sauniga faamanatuga.
O le aiga o le au McIlwaine sa papatisoina i le sami o Whyalla i le aso 29 o Tesema 1962. I le Aso Kerisimasi o le 1967, sa felelei atu ai le aiga atoa i Niu Sila e faamauina ai mo le taimi nei ma le faavavau atoa i le Malumalu o Hamilton Niu Sila. I le mae’a o lena asiasiga muamua sa lagona e Peti ma Pili le “alolofa i le malumalu” ma sa toe foi atu “i taimi uma e gafatia ai.”
I le tele o tausaga mulimuli ane, i le 2000, sa faapaiaina ai le Malumalu o Adelaide i Ausetalia, ma o masina taitasi, e faimalaga atu ai Pili ma Peti e fa itula mai Whyalla e auauna atu ma tapuai ai iina. Ma i le 2003, sa o latou “tusi ai se li’o 30minute faataamilo i le malumalu” ma sa faamanuiaina i le maua o se fale lea na o le 10 minute le mamao ese. Sa o la amata galulue e lua aso i le vaiaso i lena malumalu ma faia mo le 10 tausaga, se’ia oo ina gasegase Pili.
Sa toe foi atu Peti i asiasiga faisoo i le malumalu ina ua mae’a le maliu o Pili i le 2015 ma o le taimi nei, i le 91 o tausaga, ua ia fai mai, “Ou te faamoemoe ina ia faia pea lena seia oo i le aso ou te oti ai”.
Ia Mati o le 2023, sa valaauina ai lona atalii o Michael e avea ma peresitene o le Malumalu o Adelaide i Ausetalia, ma lona faletua, o Karolaine, e avea ma faatina o le malumalu. Na oo Peti “i le masina” ina ua ia iloa ma sa mautinoa, “O loo atata Pili i le lagi”.
O le maliu o lona atalii o Donal ma, talu ai nei, o lana tane o Pili na matua faafetaia ai e Peti ma iloa ai faamanuiaga o le iloaina lea o le Ata o le Fuafuaga a le Atua o le Fiafia e toetuufaatasia ai aiga i le faavavau.
Na te fiafia i le upumoni o le talalelei e faapea e mafai ona faatasia aiga e faavavau. “O se faaosofiaga maoa’e e tausia ai i tatou i luga o le ala sa’o ma le vaapiapi ina ia mafai ai ona tatou toe faatasi i le isi olaga.”