Narito ang Simbahan

Nairobi, Kenya

mapa na binilugan ang paligid ng Kenya

gazelle sa isang bukid na may napakatataas na gusali sa background

Ang unang dalawang taong sumapi sa Ang Simbahan ni Jesucristo ng mga Banal sa mga Huling Araw sa Kenya ay nabinyagan at nakumpirma noong 1979. Nang sumunod na taon, dumating ang unang dalawang missionary, isang senior couple, sa Kenya. Pagsapit ng 1981 dalawang branch ang binuo, sa Nairobi at sa Kiboko. Ngayon, ang Simbahan sa Kenya ay may:

• 17,430 miyembro (humigit-kumulang)

• 2 stake, 57 ward at branch, 1 mission

• 1 templong ibinalitang itatayo (Nairobi)

Pagkasumpong ng Kagalakan sa Panginoon

Bilang bagong miyembro ng Simbahan, nakasumpong ng kagalakan sa ebanghelyo si Gladys Ondwari kahit nahaharap siya sa mga pagsubok: “Napakasaya ko! Nabuksan ng Panginoon ang aking mga mata sa tamang panahon. Alam ko na si Jesucristo ang aking kanlungan kapag mahirap ang mga bagay-bagay.”

babaeng naka-apron at nakangiti

Larawang kuha ni Lucy Stevenson Ewell

Iba pa tungkol sa Simbahan sa Kenya

• Isang binatilyo mula sa Kenya ang nasa misyon sa hilagang-kanluran ng Estados Unidos, kung saan nagagawa niyang tumulong sa mga African refugee.

• Isang maikling profile at patotoo mula sa isang dalagitang nakatira sa Kenya.

• Isang binatilyong nakatira sa Kenya ang nagbahagi kung paano siya napalakas ni Cristo na magawa ang mahihirap na bagay.

• Habang ipinamumuhay nila ang ebanghelyo, ang mga miyembro sa Kenya ay lumilikha ng mga kanlungan laban sa mga pasanin ng mundo.

• Isang propesor sa kasaysayan ng Simbahan ang muling nagkuwento tungkol sa paglago ng Simbahan sa Chyulu, Kenya.

tanawin sa lungsod ng Nairobi

Nairobi city center. Ang unang stake ng Simbahan sa Kenya ay inorganisa sa Nairobi noong Set. 9, 2001.

si Elder Sitati at ang manggagawa sa lugar na pinagtatayuan ng templo

Habang naglilingkod bilang President ng Africa Central Area, nilibot ni Elder Joseph W. Sitati, isang katutubong Kenyan, ang pinagtatayuan ng Nairobi Kenya Temple kasama ang iba pang mga lider ng Simbahan noong Mayo 21, 2022.

dalawang lalaking magkatabing nakaupo

Mahalagang ipasa ang kasaysayan ng pamilya. May limang FamilySearch center sa Kenya, at lumalabas ang mga field agent at nangongolekta ng mga kuwento ng kasaysayan na maaari nilang ipreserba para sa darating na mga henerasyon.

ina at dalawang anak na babae

Nagsimula ang Simbahan sa Kenya na nagpupulong ang mga miyembro sa mga tahanan. Ngayon, mayroong mahigit 50 kongregasyon ng mga Banal na nagpupulong sa Kenya.