1 Nephi 4–5

Nephi ’e te mau ’api veo

Ha’api’i ’ia pe’e i te Vārua

’Ua ho’i mai Lamana, Lemuela, Samu ’e Nephi i Ierusalema i te pō. ’Ua haere Nephi i te fare o Labana ’a tāpuni ai tōna nā taea’e i rāpae i te ’oire.

1 Nephi 4:4–5

’Ua vaiiho Nephi i te Vārua ’ia arata’i iāna. ’Aita ’oia i ’ite e aha tē rave, ’ua ’ite rā ’oia ē, e tauturu te Fatu iāna ’ia rave i te mau ’api veo.

1 Nephi 4:6

I te fātatara’a Nephi i te fare o Labana, ’ua ’ite atu ’oia ia Labana i raro i te repo. ’Ua unuhi ’o Labana. ’Ua ’ite Nephi i te ’o’e a Labana ’e ’ua rave mai.

1 Nephi 4:7–9

’A hi’o ai Nephi i te ’o’e, ’ua parau te Vārua iāna ’ia taparahi pohe ia Labana. ’Aita rā Nephi i hina’aro e taparahi pohe iāna. ’Ua parau te Vārua ia Nephi ē, e mea maita’i a’e ’ia pohe atu Labana, i te ’orera’a te ’utuāfare o Nephi e fāna’o i te mau pāpa’ira’a mo’a. Tītauhia te mau fa’auera’a a te Atua tei pāpa’ihia i ni’a i te mau ’api veo nō rātou.

1 Nephi 4:10–11, 13–17

’Ua ’ite Nephi ē, ’ua tāmata na Labana i te taparahi pohe iāna. ’Ua ’eiā ato’a Labana i tā rātou faufa’a ’e ’aita ’oia e ha’apa’o i te mau fa’auera’a a te Atua.

1 Nephi 4:11

’Ua parau fa’ahou te Vārua ia Nephi ’ia taparahi pohe ia Labana. ’Ua ’ite Nephi ē, ’ua fa’aineine te Fatu i te hō’ē rāve’a nōna nō te ti’i atu i te mau ’api veo. ’Ua mā’iti ’oia e fa’aro’o i te Vārua. ’Ua taparahi pohe Nephi ia Labana ’e ’ua ’ahu ’oia i te ’ahu o Labana.

1 Nephi 4:12–13, 17–19

’Ua haere atu ra Nephi i te fare faufa’a a Labana ’e ’ua fārerei i te tāvini a Labana ’o Zorama. ’Ua rave Nephi ’e ’ua paraparau mai ia Labana ra i te huru.

1 Nephi 4:20–23, 35

’Ua parau Nephi ia Zorama tē hina’aro nei ’oia i te mau ’api veo. ’Ua parau atu ra Nephi ia Zorama ’ia haere mai nā muri iāna. ’Ua mana’o ’o Zorama ia Nephi ē ’o Labana, nō reira, ’ua hōro’a ’oia mai te au i tō Nephi hina’aro.

1 Nephi 4:24–26

I tō Nephi ’e Zorama haerera’a mai i rāpae i te ’oire, ’ua mana’o Lamana, Lemuela ’e Samu ē, ’o Nephi ’o Labana ïa. ’Ua ri’ari’a a’enei rātou ’e ’ua ha’amata i te horo ’ē atu.

1 Nephi 4:28

’Ua pi’i Nephi i tōna mau taea’e. I tō rātou ’itera’a ē ’o Nephi terā, ’ua fa’aea rātou i te horo. ’Ua mata’u a’enei Zorama ’e ’ua tāmata i te ho’i i roto ia Ierusalema.

1 Nephi 4:29–30

’Ua tāpe’a mai Nephi ia Zorama. ’Ua parau ’oia ia Zorama ē, ’ua fa’aue te Fatu ia rātou ’ia haere e ti’i i teie mau ’api. ’Ua ani ’oia ia Zorama ’ia haere nā muri ia rātou i te fenua i parauhia ra. ’Ua ’ite Zorama ē, e nehenehe ’oia e riro ’ei ta’ata ti’amā, ’e ’aita ’ei tāvini, ’e ’ua fafau ē e haere ’oia nā muri ia Nephi ’e tōna ’utuāfare.

1 Nephi 4:31–37

’Ua ho’i mai rātou ia Lehi ’e ia Saria. ’Ua ’oa’oa roa Lehi ’e ’o Saria i te ’itera’a atu i tā rāua nā tamaiti. ’Ua mana’o ’o Saria ē, ’ua pohe tāna nā tamaiti. Nō te mea ’ua pāruru te Fatu i tāna nā tamaiti, ’ua ti’aturi ’oia i teienei ē ’ua fa’auehia tō rātou ’utuāfare ’ia fa’aru’e ia Ierusalema. ’Ua pūpū te ’utuāfare ’o Lehi ’e ’o Saria i te mau tusia nō te ha’amāuruuru i te Fatu.

1 Nephi 4:38 ; 5:1–9

Tē tai’o ra Lehi i te mau ’api veo. ’Ua ’ite ’oia ē, tei roto i te mau ’api te mau ha’api’ira’a a te mau peropheta. ’Ua ha’api’i ato’a mai ’oia ē, hō’ē o tōna mau tupuna ’o Iosepha ïa, tei ho’ohia i ’Aiphiti nā tōna mau taea’e e mea maoro a’enei. ’Ua ’ite Lehi e mea faufa’a maita’i te mau ’api veo. ’Ua ’ite ’oia ē, e hina’aro nō te Fatu ’ia fa’ari’i tōna ’utuāfare i te mau fa’auera’a.

1 Nephi 5:10–22