Alama ’e ’o Korihora

Te fa’aro’o ē, e mea mau te Atua

Korihora e ’ata’ata ra ’e e parau ra i te hō’ē ta’ata, ’a haere ’āmui ai rāua nā ni’a i te purumu tei ’ī i te ta’ata

’Ua haere mai te hō’ē ta’ata ’o Korihora te i’oa i te fenua ra i Zarahemela. ’Ua parau ’oia i te mau ta’ata ē, e ’ere te Atua ’e ’o Iesu Mesia i te mea mau.

Alama 30:6, 12, 37–38, 45

Korihora e ’ata’ata ra ’e e ’aparima ra i te hō’ē tamari’i e ’oto ra

’Ua parau Korihora ē, e’ita te mau ta’ata e ’ite noa i te tahi mea mai te peu ’aita rātou e ’ite mata roa. ’Ua fa’ao’ō’o ’oia i te mau ta’ata e ti’aturi nei ia Iesu.

Alama 30:13–16

Korihora e ’ata’ata ra ’e e parau ra i te naho’a ta’ata

’Ua parau Korihora ē, ’aita e tītauhia nō te ta’ata te mau fa’auera’a a te Atua. ’Ua parau ’oia e nehenehe te mau ta’ata e rave i te mau mea ato’a tā rātou e hina’aro nei. E rave rahi ta’ata tei ti’aturi iāna. ʼUa faʼaoti rātou e rave i te mau ’ohipa ’ino.

Alama 30:17–18

Korihora tei tā’amu’amuhia ’e tei hōpoihia i rāpae’au i te ’oire e te mau fa’ehau

’Ua tāmata Korihora i te ha’api’i i te mau Aniti-Nephi-Lehi, ’aita rā rātou i ti’aturi iāna. ’Ua ru’uru’u rātou iāna ’e ’ua ’āfa’i atu iāna i rāpa’e. ’Ua haere atu ’oia i te fenua o Gideona i muri iho. ’Ua tā’amu’amu-ato’a-hia ’oia e te mau ta’ata nō reira. ’Ua ’āfa’i atu rātou iāna ia Alama ra.

Alama 30:19–29

Korihora e ’ata’ata ra ’e e ’aparima ra ia Alama

’Ua parau Korihora ia Alama ē, e ’ere te Atua i te mea mau. ’Ua parau ’oia tē ha’avare nei Alama ’e te tahi atu mau tahu’a i te nūna’a. Tē parau ra Korihora tē fa’ahepo nei rātou i te nūna’a ’ia pe’e i te mau peu tumu ma’ama’a. ’Ua parau ato’a ’oia ē, tē rave nei rātou i te moni a te nūna’a. ’Ua ’ite Alama e ’ere te reira i te parau mau. ’Ua ti’aturi ’oia i te Atua ’e ia Iesu.

Alama 30:30–40

Alama e paraparau ra i te naho’a ta’ata, ’a pārahi ai Korihora i muri ma te rima tūfetu

Tē parau nei Alama ē, tē fa’a’ite nei te mau peropheta ’e te mau mea ato’a i ni’a i te fenua nei i te mau ta’ata ē e mea mau te Atua. ’Ua hina’aro Korihora i te tahi atu ā ha’apāpūra’a. ’Ua parau Alama e hōro’a ’oia i te hō’ē ha’apāpūra’a ia Korihora. ’Ua parau ’oia e ha’avāvā te Atua ia Korihora. I te taime iho ā ’a parau ai Alama i te reira, ’aita i nehenehe ia Korihora e paraparau fa’ahou.

Alama 30:41–50

E hōho’a ’oto tō Korihora ’e tē fa’atoro ra i te rima i te hō’ē ’api parau tei pāpa’ihia i ni’a iho, ’a fa’aātea ai te naho’a ta’ata iāna

’Ua pāpa’i Korihora ē, ’ua ’ite ’oia tē vai mau ra te Atua. ’E ua ’ite noa na ’oia i te reira. ’Ua pāpa’i ’oia ē, ’ua ha’avarehia ’oia e te diabolo. ’Ua parau te diabolo ia Korihora ’ia ha’api’i i te mau parau ha’avare nō nia i te Atua ’e ia Iesu. I tō te mau ta’ata ha’api’ira’a mai i te parau mau nō ni’a ia Korihora, ’aita rātou i ti’aturi i tāna mau ha’api’ira’a. ’Ua tātarahapa rātou ’e ’ua ha’amata fa’ahou i te pe’e ia Iesu.

Alama 30:52–53, 57–58