Te peropheta Moromona

Pāpa’i i te Buka a Moromona

rave rahi ta’ata e hāmani ra i te mau mauiha’a tama’i, ’e tē ti’a ra Moromona ’ei tamari’i ’e tōna metua vahine i pīha’i iho i te hō’ē ’aira’amā’a tei ’ī i te ’o’e

E ’āti Nephi Moromona tei ti’aturi ia Iesu Mesia. ’Ua pa’ari ’oia i te hō’ē tau, ’aita te rahira’a o te ta’ata e ha’apa’o nei i te mau fa’auera’a a te Atua. Tē ’eiā nei ’e tē taparahi pohe nei te ta’ata i te tahi ’e te tahi nō te moni ’e te mana. Tē vai ra e rave rahi tama’i.

3 Nephi 5:12–13 ; 4 Nephi 1:27–49 ; Moromona 1:1–3, 15, 18–19

Amarona e parau ra ia Moromona ’e tōna metua vahine, ’a ’ō’oti ai rāua i te mau mā’a fa’a’apu, ’e e rave rahi ta’ata e ’ohipa ra i roto i te ’āua fa’a’apu fātata

I te 10ra’a o tō Moromona matahiti, ’ua haere mai te hō’ē ta’ata ’o Amarona te i’oa e hi’o iāna. ’Ua ha’apa’o maita’i Amarona i te mau pāpa’a parau nō te ’ā’amu o te ’āti Nephi. ’Ua ti’aturi Amarona ia Moromona ’e ’ua parau atu iāna ’ua hunahia te mau pāpa’a parau i roto i te hō’ē ’āivi. ’Ua parau Amarona ē, ’ia ti’a ana’e tō Moromona e 24 matahiti, e ti’a ia Moromona ’ia pāpa’i i te mea tāna i ’ite mata nō ni’a i tō rātou mau ta’ata ’e ’ia tu’u atu i te reira i roto i te mau pāpa’a parau.

4 Nephi 1:47–49 ; Moromona 1:2–4

Moromona taure’a e pure ra i roto i te hō’ē uru rā’au, ’e te māramarama ’ati a’e iāna

’A pa’ari ai Moromona, ’ua ha’amana’o ’oia i te mea tā Amarona i ani iāna ’ia rave. I te 15ra’a o te matahiti o Moromona, ’ua fārereihia ’oia e te Fatu. ’Ua ha’api’i mai Moromona nō ni’a i te maita’i o Iesu.

Moromona 1:5, 15

Moromona taure’a e amo ra i te ha’ana tama’i ’e e hi’o ra i te hō’ē nu’u ’āti Nephi

Noa atu e mea ’āpī roa Moromona, e mea pūai ’oia. ’Ua mā’iti te mau ’āti Nephi iāna nō te arata’i i tā rātou mau nu’u. ’Ua here Moromona i te mau ta’ata ma tōna ’ā’au ato’a. ’Ua hina’aro ’oia ’ia ha’apa’o rātou i te parau a te Atua ’e ’ia ’oa’oa.

Moromona 2:1–2, 12, 15, 19 ; 3:12

Moromona ta’ata pa’ari e ’oto ra ’e e pure ra, ’e tē ’ama ra te fenua i te auahi i muri

’Ua tāmata Moromona i te tauturu i te mau ta’ata. ’Ua pure ’oia nō rātou i terā mahana ’e terā mahana. ’Ua ’ite te mau ta’ata tē rave nei rātou i te mau ’ohipa ’ino, ’aita rā rātou i hina’aro e tātarahapa. ’Aita fa’ahou te mana o te Atua ia rātou, nō te tauturu ia rātou. Nō te mea ’aita tō rātou e fa’aro’o, ’ua fa’aea te mau temeio. ’Ua tāmau noa rātou i te ’aro, ’e e rave rahi o rātou tei pohe. ’Ua ’oto Moromona.

Moromona 1:13–14, 16–19 ; 2:23–27 ; 3:1–12 ; 4:5, 9–12 ; 5:1–7

Moromona e pāpa’i ra ’e te fa’anaho ra i te mau ’api mētaro

I te fātatara’a te 24ra’a te matahiti o Moromona, ’ua haere atu ’oia i ni’a i te ’āivi i reira te mau pāpa’a parau i te hunara’ahia. ’Ua ha’amata ’oia i te pāpa’i i te mau ’ā’amu ’e te mau ha’api’ira’a a te mau ta’ata i ni’a i te mau ’api mētara. ’Ua tauturu te Atua iāna ’ia ’ite e aha tāna e pāpa’i. E rave rahi matahiti tō Moromona ’ohipara’a i ni’a i te pāpa’a parau. Teie mahana, ’ua pi’ihia te mau pāpa’a parau te Buka a Moromona.

Te mau Parau a Moromona 1:3–9 ; Moromona 1:3–4 ; 2:17–18

Moromona, tāna vahine ’e tāna mau tamari’i e rātere ra

I muri a’e e rave rahi tama’i, ’ua taparahi pohe te mau ’āti Lamana fātata i te mau ’āti Nephi ato’a. ’Ua ’ite Moromona fātata roa tōna mau ta’ata i te ’ore roa. ’Ua ’oto ’oia nō te mea ’aita rātou i tātarahapa ’e ’aita i ani i te tauturu i te Atua. ’Ua pure rā ’oia ’e ’ua ani i te Atua ’ia pāruru i te mau ’api. ’Ua ’ite ’oia e pāruruhia te mau ’api nō te mea tei roto i te reira te mau parau a te Atua.

Te mau Parau a Moromona 1:11 ; Moromona 5:11 ; 6:6, 16–22

Moromona, ’ei ta’ata pa’ari, e hōro’a ra i te mau ’api mētara i tāna tamaiti ia Moroni

’Ua hina’aro Moromona ’ia ti’aturi te mau ta’ata ia Iesu. ’Ua ti’aturi ’oia ē, e tai’o e rave rahi ta’ata i te buka i muri nei. ’Ua hina’aro ta’a ’ē ’oia i te mau ’utuāfare o te mau ’āti Lamana ’ia tai’o i te reira i te hō’ē mahana. Mai te mea e nā reira rātou, e ha’api’i rahi mai ā rātou nō ni’a ia Iesu. Hou Moromona ’a pohe ai, ’ua hōro’a ’oia i te pāpa’a parau i tāna tamaiti ia Moroni ’ia pāruruhia te reira.

Te mau Parau a Moromona 1:1–2 ; Moromona 3:17–22 ; 5:8–24 ; 6:6 ; 7 ; 8:1