Te ’āti Zorama

Te tupura’a i tō rātou fa’aro’o ia Iesu Mesia.

Amuleka, Alama, Korianetona, ’e te tahi mau ’āti Nephi e rātere ra i te hō’ē ’oire

’Aita te hō’ē pupu ta’ata ’āti Nephi tei pi’ihia te ’āti Zorama e ha’apa’o ra i te mau fa’auera’a a te Atua. ’Ua ’oto te peropheta Alama nō te reira. ’Ua ’ite ’oia te rāve’a maita’i a’e nō te tauturu ia rātou ’o te ha’api’ira’a ïa ia rātou i te parau a te Atua. ’Ua haere atu ’oia ’e ’o Amuleka ’e vetahi ’ē nō te ha’api’i ia rātou.

Alama 31:2–11

E mata ’oto tō Alama ’e tō Amuleka, i te tau’a ’ore o te feiā ’ahu nehenehe i te mau ta’ata i roto i te hepohepo

’Ua ’ite te mau ’āti Zorama ’o vai te Atua, ’ua taui rā rātou i tāna mau ha’api’ira’a. ’Ua ha’amori rātou i te mau ’īdolo. ’Ua mana’o rātou, e mea maita’i a’e rātou i te tahi atu mau ta’ata. E mea ’ino ato’a rātou i ni’a i te feiā ’aita tā rātou e moni.

Alama 31:1, 8–12, 24–25 ; 32:2–3

mau ’āti Zorama ’ahu-maita’i-hia e ti’a ra i ni’a i te hō’ē tahua teitei i rōpū i te naho’a ta’ata ’e e ’āfa’i ra i tō rātou rima i ni’a i te ra’i

’Ua patu te mau ’āti Zorama i te hō’ē tahua teitei nō te ti’a i rōpū i tā rātou mau fare purera’a. Hō’ē ’e hō’ē e ti’a rātou i ni’a i te tahua ’e e pure atu ai. E pure rātou ma te fa’a’ohipa i te hō’ē ā mau parau i te taime tāta’itahi. I roto i te pure, tē parau nei rātou ē ’aita tō te Atua e tino ’e e ’ere Iesu Mesia i te mea mau. E parau rātou ē ’o rātou ana’e te mau ta’ata tā te Atua e fa’aora.

Alama 31:12–23

Alama ’e ’o Amuleka e paraparau ra i te mau ’āti Zorama veve

’Ua here Alama i te mau ’āti Zorama ’e ’ua hina’aro ’ia pe’e rātou i te Atua ’e ia Iesu. ’Ua pure ’oia ’e ’ua ani i te Atua ’ia tauturu mai iāna ’e ia vetahi tei haere mai nā muri iāna nō te ha’api’i i te mau ’āti Zorama. ’Ua ’ī Alama ’e te feiā tei nā muri mai iāna i te Vārua Maita’i. ’Ua haere rātou ’e ’ua ha’api’i ma te mana o te Atua.

Alama 31:24–38 ; 32:1

rave rahi ’āti Zorama veve e fa’aro’o ra ia Alama, ia Amuleka ’e ia Zeezeroma ’ia ha’api’i

’Ua ’oto te tahi mau ’āti Zorama. ’Aita rātou i fa’ati’ahia e tomo i roto i te mau fare purera’a nō te mea ’aita tō rātou e ’ahu nehenehe. ’Ua hina’aro rātou e ha’amori i te Atua, ’aita rā rātou i ’ite nāhea ra mai te peu ’aita rātou nehenehe e tomo i roto i te mau fare purera’a. ’Ua rātou ia Alama e aha tā rātou e nehenehe e rave. ’Ua ha’api’i Alama ia rātou ē, tē fa’aro’o nei te Atua i tā rātou mau pure noa atu te vāhi tei reira rātou.

Alama 32:2–12 ; 33:2–11

Alama e tāpe’a nei i te hō’ē huero na’ina’i ’e te tahi atu rima tōna e fa’atoro ra i te hō’ē tiare rahi ’e te nehenehe.

’Ua parau Alama ē, tē hina’aro nei te Atua ’ia roa’a te fa’aro’o i te mau ta’ata. ’Ua fa’aau ’oia i te mau ha’api’ira’a a te Atua i te hō’ē huero. Mai te mea e tanu te mau ta’ata i te mau ha’api’ira’a a te Atua i roto i tō rātou ’ā’au, e tupu ïa taua huero ra ’e e ’ite rātou ē e parau mau te mau ha’api’ira’a a te Atua. ’Ua parau ’oia ē, e tītau-noa-hia ia rātou ’ia roa’a te hina’aro ’ia ti’aturi nō te ha’amata i te fa’a’ohipa i tō rātou fa’aro’o.

Alama 32:12–43

Amuleka e a’o ra, ’e i pīha’i iho iāna tē vai ra hō’ē hōho’a nō Iesu Mesia e ha’api’i ra i te mau ta’ata

I muri iho ’ua ha’api’i Amuleka i te mau ta’ata nō ni’a i te fa’anahora’a a te Atua nō tāna mau tamari’i. ’Ua parau ’oia ia rātou ē, nā roto ana’e ia Iesu e nehenehe ai tā rātou pā’āto’a mau hara e fa’a’orehia. ’Ua ha’api’i ato’a ’oia ia rātou ’ia pure i te Atua, ’e ’ua parau ’oia e tauturu mai ’e e pāruru mai te Atua ia rātou.

Alama 34

tē hi’o ra te mau tīa’i e rave rahi ’āti Zorama veve e fa’aru’e ra i te ’oire

E rave rahi ’āti Zorama veve tei ti’aturi i te mea tā Alama ’e tā Amuleka i ha’api’i. ’Ua riri rā te feiā fa’atere o te mau ’āti Zorama. ’Ua fa’ahepo rātou i te feiā tei ti’aturi ’ia fa’aru’e i te ’oire.

Alama 35:1–6

te mau Aneti-Nephi-Lehi e fa’ari’i poupou ra i te mau ’āti Zorama veve

’Ua haere te feiā tei ti’aturi e ora i pīha’i iho i te mau Aneti-Nephi-Lehi. ’Ua aupuru te mau Aneti-Nephi-Lehi ia rātou ’aore rā ’ua tāvini ia rātou, ma te hōro’ara’a i te mā’a, te ’ahu ’e te tāpū fenua nō rātou.

Alama 35:9