Mau metua vahine o te hō’ē nu’u fa’ehau ’āpī

« Mau metua vahine o te hō’ē nu’u fa’ehau ’āpī », Te mau ’ā’amu o te Buka a Moromona (2023)

Mau Metua vahine o te hō’ē nu’u fa’ehau ’āpī

Ha’api’i i te mau tamari’i ’ia ti’aturi i te Atua

te mau tamaiti taure’are’a e fa’aro’o ra ’a ha’api’i ai te hō’ē metua vahine ia rātou ’e te hō’ē tamāhine ’āpī e ha’uti ra i pīha’i iho mai.

’Ua here te mau Aneti-Nephi-Lehi i te Fatu ’e i te mau ta’ata ato’a. ’Ua ha’api’i te mau metua vahine i tā rātou mau tamari’i ē, e nehenehe rātou e ti’aturi noa i te Atua. ’Ua ha’api’ihia rātou ’ia ha’apa’o i mau fa’auera’a a te Atua.

Alama 26:31–34 ; 27:12, 27–30 ; 56:47–48 ; 57:21, 26

Helamana ’e te tahi atu mau ’āti Nephi e hi’o ra i te hō’ē ’oire e pa’apa’a ra

Te mau ’āti Nephi ’e te mau ’āti Lamana e ’aro nei te tahi ’e te tahi i roto i te hō’ē tama’i rahi. Tē ’aro nei te mau ’āti Nephi nō te pāruru i tō rātou iho mau ta’ata ’e te mau Aneti-Nephi-Lehi.

Alama 48–52 ; 53:10–13

te mau Aneti-Nephi-Lehi e paraparau ra ia Helamana ’e i te tahi atu mau ’āti Nephi

Nō tā rātou mau hara tahito, ’ua rave te mau Aneti-Nephi-Lehi i te hō’ē fafaura’a, ’aore rā te hō’ē parau fafau ta’a ’ē ’e te Atua, ’eiaha roa atu e ’aro fa’ahou i te ta’ata. Nō tō rātou rā here i te mau ’āti Nephi ’e te hina’aro e tauturu.

Alama 24:6–19 ; 53:10–13

tē tāu’aparau ra te mau tamaiti o te mau Aneti-Nephi-Lehi te tahi ’e te tahi, ’e tē hi’o ra i tō rātou mau metua e paraparau ra ia Helamana ’e te tahi atu mau ’āti Nephi

Tē haere ra te mau Aneti-Nephi-Lehi i te tama’i. ’Ua tītau rā te peropheta Helamana ’e te tahi atu feiā fa’atere o te ’Ēkālesia ia rātou ē, e ti’a ia rātou ’ia tāpe’a i tā rātou fafaura’a ’eiaha e haere e ’aro. ’Ua hi’o noa te mau Aneti-Nephi-Lehi i tō rātou mau hoa ’ia fa’aruru te mau māuiui ’e te mau fifi, ’ua tāpe’a rā rātou i tā rātou fafaura’a ’e te Atua.

Alama 53:13–15

te mau tamaiti e ’āfa’i ra i tō rātou rima i ni’a, ’e tō rātou mau metua ’e te mau ’āti Nephi e fa’aro’o ra ia rātou

’Aita te mau tamaiti a te mau Aneti-Nephi-Lehi i rave i te fafaura’a mai tā tō rātou mau metua i rave. I teienei, ’ua rave rātou i tā rātou iho fafaura’a e ’aro rātou nō te ti’amāra’a.

Alama 53:16–17

tē fa’ari’i nei te mau tamaiti i te mau ’ōmore a te hō’ē fa’ehau ’āti Nephi, ’e tō rātou mau metua vahine ’e mau metua tāne e pure ra ’e e hi’o ra

E itoito rahi tō rātou. ’Ua ha’api’ihia rātou e tō rātou mau metua vahine ē, ’ia ’ore ana’e rātou e fē’a’a, e pāruru te Atua ia rātou.

Alama 53:20 ; 56:47

te mau tamaiti e ’ō’omo ra i te ha’ana tama’i ’e e paraparau ra i tō rātou mau metua vahine ’e mau metua tāne, ’e tē ’ahu ra Helamana i te ha’ana tama’i ’e tē ti’a ra i pīha’i iho mai

’Ua ti’aturi teie mau tamaiti i tō rātou mau metua vahine. ’Ua vai ha’apa’o noa te mau tamaiti i te Atua ’e ’ua ha’apa’o i tāna mau fa’auera’a. ’Ua ti’aturi rātou ē, e pāruruhia rātou e te Atua. ’Ua ’ite te mau metua vahine ē, e pāruru te Atua i tā rātou mau tamaiti.

Alama 53:20–21 ; 56:47–48 ; 57:20–21, 26