Tē ha’api’i nei Iesu i te nūna’a

Tauturu ia rātou ’ia ’apo mai i tāna ’evanelia

Iesu Mesia e tūturi ra ’e e paraparau ra i te mau tamari’i ’oa’oa, ’e e rave rahi ta’ata ’oa’oa e tūturi ra ’ati a’e ia rātou ’e e fa’aro’o ra

’Ua ’oa’oa tenūna’a nō Amerika i te ’itera’a ia Iesu Mesia ’e i te fa’aro’ora’a iāna ’ia ha’api’i. E rave rahi matahiti tō rātou tīa’ira’a i te taera’a mai o te Fa’aora.

3 Nephi 11:10, 17

Iesu Mesia e ti’a ra i rotopū i te mau ta’ata ’oa’oa ’e ’ua ha’api’i ia rātou

’Ua ha’api’i Iesu ia rātou e rave rahi o taua ā mau mea ra ’o tāna i ha’api’i i te mau ta’ata fātata ia Ierusalema. ’Ua ha’api’i ’oia ia rātou ’ia roa’a te fa’aro’o, ’ia tātarahapa, ’e ’ia bāpetizohia. Mai te mea e rave tenūna’a i teie mau mea, e tono mai te Atua te Vārua Maita’i ia rātou. ’Ua ha’api’i Iesu ia rātou nāhea ’ia pure. ’Ua ani ’oia ia rātou ’ia fa’a’ore i te hapa a vetahi ’ē. ’Ua hina’aro ’oia ’ia riro rātou ’ei hi’ora’a maita’i nō vetahi ’ē.

3 Nephi 11:31–39 ; 12:22–24, 44 ; 13:5–14 ; 17:8 ; 18:15–24

’Ua parau Iesu i te mau ta’ata ’ia ho’i i te fare ’e ’ia pure i te Atua, nō te tauturu ia rātou ’ia hāro’aro’a i te mea tāna i ha’api’i ia rātou. ’Ua parau ’oia e ho’i fa’ahou mai ’oia ananahi a’e.

3 Nephi 17:1–3

mau ta’ata e pārahi ra ha’ati i te auahi ’e e paraparau ra i te tahi ’e te tahi

I taua pō ra, ’ua parau te mau ta’ata ia vetahi ’ē ē ’ua ’ite rātou ia Iesu. ’Ua fa’ati’a rātou i te mea tāna i parau ’e i rave. E rave rahi ta’ata tei tere i te pō tā’āto’a nō te hi’o ia Iesu.

3 Nephi 19:1–3

tē ha’api’i nei te mau pipi i te mau pupu ta’ata ’ā’ano

Te mahana i muri iho, ’ua putuputu te mau ta’ata ’e te mau pipi tino ’ahuru ma piti a Iesu. ’Ua ha’api’i te mau pipi i te mau ta’ata i te mau mea ato’a tā Iesu i ha’api’i. ’Ua tūturi rātou i ni’a i te repo ’e ’ua pure.

3 Nephi 19:4–8

Iesu Mesia e tūturi ra ’e e pure ra, ’e ’ua tūturi te tahi atu mau ta’ata ’ati a’e iāna ’e ’ua pure ato’a

I muri iho, ’ua haere mai Iesu. ’Ua pure ’oia nō tāna mau pipi ’e nō te mau ta’ata. ’Ua pure ato’a te mau pipi. ’Ua ha’amata rātou i te ’ana’ana pūai a’e mai te Fa’aora. ’Ua ’oa’oa Iesu. ’Ua riro mai te mau pipi ’ei mea mā maoti tō rātou fa’aro’o iāna. ’Ua pure fa’ahou Iesu, ’e ’ua fa’aro’o te mau ta’ata iāna i te paraura’a i te mau mea fa’ahiahia.

3 Nephi 19:15–36

tamari’i ’oa’oa e ani ra i te hō’ē ta’ata ’ia haere mai ’e ’ia ’āmui mai i te mau ta’ata e fa’aro’o ra ia Iesu Mesia

I te mau mahana i muri mai, ’ua ha’api’i Iesu i te mau ta’ata e rave rahi mea nō ni’a i te fa’anahora’a a te Metua i te ao ra. ’Ua rave ato’a ’oia i te ’ōro’a mo’a ’e rātou. ’Ua ti’aturi te mau ta’ata ato’a o te fenua ia Iesu Mesia ’e ’ua bāpetizohia rātou. ’Ua fa’ari’i rātou i te hōro’a o te Vārua Maita’i.

3 Nephi 20–27 ; 4 Nephi 1:1–2

te mau ta’ata e tauturu ra i te tahi ’e te tahi ’ia haere ia Iesu Mesia ra, ’e tē paraparau ra Iesu Mesia ia rātou ’e tē ’ata’ata ra

’Ua tauturu te mau ta’ata i te tahi ’e te tahi ’e ’ua ’ōpere i te mau mea ato’a tā rātou i vai ra. ’Ua rave rātou i te mau mea ato’a tā Iesu i fa’aue ia rātou e rave. ’Ua pi’ihia rātou te ’Ēkālesia a te Mesia. ’Ua ’oa’oa roa te Metua i te ao ra ’e ’o Iesu Mesia ’e te mau ta’ata.

3 Nephi 26:17–21 ; 27:30–31 ; 4 Nephi 1:3–18