1 Nephi 18

E vero i ni’a i te moana

Te ’itera’a i te hau i roto i te Fatu

’Ua parau te Fatu ia Lehi ē, ’ua tae te taime nō te ta’uma i ni’a i te pahī. ’Ua fa’anaho te mau ’utuāfare e rave rahi mā’a nō te ’amu ’a rātere ai rātou. I muri iho, ’ua pa’uma rātou i ni’a i te pahī ’e ’ua fano atu i te fenua i parauhia ra.

1 Nephi 18:5–8

I muri a’e e rave rahi mahana i ni’a i te moana, ’ua ha’amata te tahi pae i te fa’atura ’ore ’e te fa’a’ino. ’Ua mo’ehia ia rātou ē, ’ua tauturu te Fatu ia rātou.

1 Nephi 18:9

’Ua pe’ape’a Nephi ē, ’o te fa’ariri rātou i te Fatu. Mai te mea ’aita te tauturu a te Fatu, e’ita ïa tō rātou pahī e pāruruhia. ’Ua ani Nephi i tōna mau taea’e ’ia fa’aea.

1 Nephi 18:10

’Ua riri Lamana ’e ’o Lemuela ia Nephi. ’Ua tā’amu rāua iāna ’e ’ua rave i te ’ohipa ’ino i ni’a iāna. ’Aita rāua i ha’apa’o i te parau a te Fatu, ’e ’ua fa’aea te Liahona i te tere. ’Aita i maoro roa ’ua tae mai te vero. I muri a’e e toru mahana i roto i te vero, ’ua mata’u pā’āto’a rātou ’o te paremo rātou.

1 Nephi 18:10–13

’Ua tāparu te ’utuāfare o Nephi ia Lamana ’e ia Lemuela ’ia tātara ia Nephi. ’Aita rā Lamana ’e ’o Lemuela i vaiiho i te hō’ē noa a’e ta’ata e tātara ia Nephi. ’Ua ’oto ’o Saria ’e ’o Lehi ’e ’ua ma’ihia rāua. ’Aita te vero i fa’aea.

1 Nephi 18:17–19

I te mahara’a o te mahana, ’ua ’ite Lamana ’e ’o Lemuela ē, tē tomo ra te pahī. ’Ua tātarahapa rāua ’e ’ua tu’u ia Nephi. I tō Nephi purera’a, ’ua fa’aea te vero. ’Ua tere fa’ahou te Liahona. ’Ua fa’a’ohipa Nephi i te reira nō te arata’i i te pahī i ni’a i te ’avei’a ti’a.

1 Nephi 18:14–15, 20–22

I muri a’e e rave rahi mahana, ’ua tāpae te mau ’utuāfare i te fenua i parauhia ra.

1 Nephi 18:23