3 Nephi 1

Te mau tāpa’o nō te fānaura’a o Iesu

Te fa’aro’o i roto i te mau ha’api’ira’a a te peropheta

te metua vahine ’e te metua tāne ’e te ’aiū ’e te mau tamari’i e hāhaere ra nā roto i te ’oire

Fātata e pae matahiti tō te peropheta Samuela ha’api’ira’a nō ni’a i te mau tāpa’o nō te fānaura’a o Iesu Mesia. E rave rahi ta’ata tei ti’aturi ’e tei hi’o haere i te mau tāpa’o. ’Ua parau te tahi mau ta’ata ē, ’ua hape Samuela ’e ’ua ma’iri a’ena te tau nō te mau tāpa’o. ’Ua fa’ao’ō’o rātou i te feiā e ti’aturi ra ’e ’ua parau atu ē, e’ita Iesu e haere mai.

Helamana 14:2–7 ; 3 Nephi 1:4–6

’utuāfare e parahi ra i te fare, ’e tē paraparau ra te metua tāne

’Ua pe’ape’a ri’i te feiā e ti’aturi ra, e fa’aro’o rā tō rātou. ’Ua tāmau noa rātou i te hi’o haere i te mau tāpa’o. Hō’ē tāpa’o ’o te hō’ē ïa pō ’aita roa ra e pōiri. E ’ana’ana maita’i mai te mahana i muri a’e te tapera’a mahana. Te pō ’aore e pōiri e tapa’o ïa ē, e fanauhia Iesu i te mahana i muri mai i roto i te tahi atu fenua.

Helamana 14:2–4 ; 3 Nephi 1:7–8

e mata’u te ’utuāfare ’ia parau-tūtuō-hia i ni’a iāna

’Ua fa’anaho te mau ta’ata ti’aturi ’ore i te hō’ē ’ōpura’a. ’Ua mā’iti rātou i te hō’ē mahana ’e ’ua parau ē, mai te mea ’aita te tāpa’o e tupu i taua mahana ra, e ha’apohehia te feiā i ti’aturi.

3 Nephi 1:9

Nephi e hi’o nei i te ’ino o te ta’ata i ni’a i te ’utuāfare

’O Nephi te i’oa o te peropheta i taua taime ra. ’Ua oto roa ’oia nō te mea ē, ’ua hina’aro te tahi mau ta’ata e ha’apohe i te feiā e ti’aturi nei.

3 Nephi 1:10

Nephi e tūturi ra nō te pure

’Ua pi’o atu Nephi i raro i te repo ’e ’ua pure i te Atua nō te feiā ti’aturi ’o te ’ōpuahia ra e ha’apohe nō tō rātou fa’aro’o. ’Ua pure ’oia i te mahana tā’āto’a.

3 Nephi 1:11–12

Nephi e tāpe’a ’āmui ra i tōna nā rima ’e ’ua pure

’Ei pāhonora’a i tāna pure, ’ua fa’aro’o Nephi i te reo o Iesu. ’Ua parau Iesu e tupu te tāpa’o i te reira pō ’e i te mahana nō muri iho e fānauhia mai ’oia.

3 Nephi 1:12–14

tē hi’o ra te mau ta’ata i te ra’i ma te māere

’Aita te reira pō i pōiri, noa atu te tapera’a o te mahana. Te feiā tei ’ore i ti’aturi i te mau parau a Samuela, ’ua māere roa rātou ’e ’ua ma’iri i ni’a i te repo. ’Ua mata’u rātou nō te mea ’aita rātou i ti’aturi. ’Aita te mau ta’ata tei ti’aturi i ha’apohehia.

3 Nephi 1:15–19

te mau ’utuāfare e hi’o ra i te ra’i ninamu ’ana’ana ma te māere

I te mahana i muri iho, ’ua ti’afa’ahou mai te mahana ’e ’ua vai māramarama noa te ra’i. ’Ua ’ite te mau ta’ata ato’a ē ’o te mahana ïa e fānauhia ai Iesu.

3 Nephi 1:19

te mau ta’ata e hi’o ra i te ra’i ’e ’ua ’ite atu i te hō’ē feti’a ’āpī

’Ua ’ite atu te mau ta’ata i te tahi atu tāpa’o. ’Ua fā mai te hō’ē feti’a ’āpī i ni’a i te ra’i. ’Ua tupu te mau tāpa’o ato’a tā Samuela i parau. E rave rahi atu ā te ta’ata tei ti’aturi ia Iesu ’e tei bāpetizohia.

Helamana 14:2–7 ; 3 Nephi 1:20–23