Te peropheta Moroni

Fa’ari’i i te aroha mau o Iesu Mesia

Moroni e hi’o ra i te hō’ē ’oire e ’ama ra i te auahi

’O Moroni te peropheta ’āti Nephi hope’a. ’Ua ’aro ’oia i roto i te hō’ē tama’i rahi i rotopū i te ’āti Nephi ’e te ’āti Lamana. ’Ua pohe tōna ’utuāfare ’e te mau ta’ata tāna i mātau i roto i te tama’i. E mea ’ino roa te mau ta’ata o te fenua. ’Ua taparahi pohe rātou i te feiā tei ti’aturi ia Iesu Mesia. ’Ua ti’aturi Moroni ia Iesu. E’ita roa ’oia e huna ē, ’o Iesu te Fa’aora.

Moromona 8:2–10 ; Moroni 1:2–3

’Ua rave Moroni i te mau ’api mētara ’e tāpuni a’era ’oia i te hō’ē pupu fa’ehau

’Ua pāpa’i te metua tāne o Moroni, ’o Moromona, i te ’ā’amu o tō rātou mau ta’ata i ni’a i te mau ’api mētara. Hou Moromona ’a pohe ai, ’ua hōro’a ’oia i te mau ’api ia Moroni. ’Ua tītauhia ia Moroni ’ia tāpuni nō te pāruru i tōna iho ora ’e te mau ’api.

Moromona 6:6 ; 8:1–5, 13 ; Moroni 1:1–3

Moroni e pārahi ra i roto i te ana ’e e pāpa’i ra i ni’a i te mau ’api mētara

E mea fifi roa te orara’a nō Moroni, ’ua vai ha’apa’o maita’i noa rā ’oia. ’Ua pāpa’i ’oia i te mea tā Moromona i ha’api’i nō ni’a i te aroha, te here mau o te Mesia. ’Ua parau Moromona ē, e ti’a i te mau ta’ata ’ia pure i te Atua ma te pūai ato’a o tō rātou ’ā’au nō te fa’ari’i i terā here. ’Ua parau ’oia e hōro’a te Atua i te aroha i te feiā e pe’e mau ia Iesu.

Moroni 7:32–33, 40–48 ; 10:20–21, 23

tē ’oa’oa ra te hō’ē ’utuāfare i te fa’ari’ira’a i te mā’a, ’e Moroni e ’ata’ata ra

’Ua here Moroni i te ’āti Lamana noa atu ē, ’ua taparahi pohe vetahi o rātou i te mau ta’ata ato’a tāna i mātau ’e ’ua hina’aro e taparahi pohe iāna. ’Ua pāpa’i ’oia e rave rahi mea i ni’a i te mau ’api mētara, nō te tauturu i te mau ’āti Lamana i muri nei. ’Ua ti’aturi ’oia e tai’o rātou i te pāpa’a parau i te hō’ē mahana ’e e ti’aturi fa’ahou ia Iesu.

Moromona 8:1–3 ; Moroni 1:1–4 ; 10:1

Moroni e parahi ra i ni’a i te hō’ē ’āivi ’aihere ’e e pāpa’i ra i ni’a i te mau ’api mētara

’Ua ani Moroni i te mau ta’ata ato’a e tai’o i te pāpa’a parau ’ia feruri, nāhea te aroha o te Atua i te aupurura’a i tāna mau tamari’i. ’Ua ani ’oia ia rātou ’ia pure ’e ’ia ani i te Atua e parau mau ānei te pāpa’a parau. ’Ua parau ’oia ē mai te mea e fa’aro’o tō rātou ia Iesu ’e e hina’aro mau rātou ’ia ’ite, e fa’a’ite mai te Atua ia rātou i te parau mau. E ’ite rātou nā roto i te mana o te Vārua Maita’i.

’Ōmuara’a o te Buka a Moromona ; Moroni 10:1–5

Moroni e huna ra i te mau ’api mētara ’e ’ua fa’anu’u i te hō’ē ’ōfa’i rahi i ni’a iho i te vāhi i hunahia

’Ua fa’aoti Moroni i te pāpa’i i te pāpa’a parau. I muri iho ’ua huna ’oia i te mau ’api mētara i roto i te repo. ’Ua parau Iesu ia Moroni ē, e ha’amaita’i te ’ā’amu i pāpa’ihia i ni’a i te mau ’api i te hō’ē mahana i te orara’a o te mau tamari’i a te Atua nā te ao ato’a nei.

Moromona 8:4, 14–16

Iosepha Semita ’āpī e fa’anu’u ra i te hō’ē ’ōfa’i ’e e hi’o ra i te mau ’api mētara ’e te Liahona

E rave rahi matahiti i muri mai, ’ua tono mai te Atua ia Moroni, ’ei melahi, nō te fa’a’ite i te hō’ē tamaiti ’āpī ’o Iosepha Semita te i’oa i te vāhi i hunahia ai te mau ’api mētara. ’Ua pi’ihia Iosepha e te Atua ’ia riro ’ei peropheta. ’Ua tauturu te Atua ia Iosepha ’ia ’īriti i te mau ’api, ’ia nehenehe i te mau ta’ata e tai’o i te mea i pāpa’ihia i ni’a iho. ’Ua pi’ihia te pāpa’a parau i teienei te Buka a Moromona.

’Ōmuara’a o te Buka a Moromona