Өмнөх хэвлэлт
Эх сурвалж

Эх сурвалж

ТБС-ийн зээл гэж юу вэ?

Дүрүүдийг сонгоод, дараах үйл явдлыг жүжигчлэн үзүүл.

БРАЗИЛ АХ: Би номлолоосоо бууж, гэртээ ирэхдээ боловсрол олж авах маш их хүсэлтэй байв. Би жилээс жилд, хэчнээн их хичээл зүтгэл гаргаад ч сургуульд орж чадахгүй л байлаа. Би сургалтын төлбөр буурах болов уу гэж бодсон ч, огт буухгүй байв. Харин ч бүр өсөж, сурахад илүү хэцүү болж эхэлсэн.

ГАИТИ ЭГЧ: Ямар ч боловсролгүй бол Гаитид амьдрах боломжгүй. Боловсролгүй бол амьдрал гэж байхгүй.

АРГЕНТИН АХ: Надад Сүмийн ямар ч залуу хүнтэй адил гэр бүлтэй болж, Сүмдээ үйлчилье гэсэн мөрөөдөл бий. Гэхдээ би энэ бүгдийг хийхийн тулд сайн ажил төрөлтэй байх хэрэгтэй.

ЕРӨНХИЙЛӨГЧ ХИНКЛИ: Энэ бүх асуудлыг шийдвэрлэхийн тулд Их Эзэний сүнсээр өдөөгдсөн төлөвлөгөө хэмээн бидний итгэж байгаа нэгэн төлөвлөгөөг санал болгох гэсэн юм. … Бид үүнийг Тасралтгүй Боловсролын Сан гэж нэрлэнэ.

ВАНДЭРЛЭЙ: Би номлолоосоо буцаж ирээд, сурч боловсрох ямар ч боломжгүй байсан. Гэтэл гэнэт, пүн пан! Тасралтгүй Боловсролын Сан бий болж, би маш их баярласан! Би сургуульд элсэж, хичээлдээ орон, төлбөрөө хийв. Би хамаг чадлаараа хичээж, амжилтад хүрч чадсан. Мөн би ангийнхаа тэргүүний оюутан болсон юм! Би сургуульдаа орохын өмнө хар бор ажил хийдэг байлаа. Бусад хүн надад тушаал өгдөг байв. Намайг сургууль төгссөний дараа, 450 хүний бүрэлдэхүүнтэй баг удирдуулах ажилд авсан бөгөөд өнөөдөр би хавьгүй өндөр цалинтай болж чадсан. Эхнэр маань ажиллах шаардлагагүй болсон. Тэр маань бидний хувьд хамгийн чухал ажил болох үр хүүхдүүдээ хардаг болсон билээ. Мөн би Сүмдээ хайр энэрлээр үйлчлэх боломжтой болсон юм. Би хичээл зүтгэл гарган үйлчлэх боломжтой болсон. Энэ нь миний болон гэр бүлийнхний маань амьдралыг үнэхээр өөрчилж чадсан билээ.

НАДИЙН: Бусдад ТБС-нд хамрагдах боломж олгож, боловсролтой болоход нь тусална гэдгийг мэдэж байгаа учраас би зээлээ эргүүлэн төлөхийн тулд өөрийн зүгээс чадах бүх зүйлийг хийх ёстой. Та энэ хөтөлбөрийн нэгэн хэсэг болсон бол үнэнч байх ёстой.

КАРЛОС: Миний патриархын адислал дээр надад ийм боломж олдоно гэж дурдсан байсан бөгөөд тэр нь биеллээ олсон юм. Бидний хувьд Тасралтгүй Боловсролын Сан нь зүгээр нэг материаллаг зүйл биш. Энэ нь бидний хувьд бошиглол билээ. Энэ нь нандин зүйл мөн.

КЭВИН: Бошиглогч над руу харж, миний нөхцөл байдлыг үзсэн мэт мэдрэмж надад төрсөн юм. Тэр надад “Би чамд туслах хэрэгтэй” гэж хэлэхийг би мэдэрсэн.

ЕРӨНХИЙЛӨГЧ ХИНКЛИ: Бидний өмнөх зам маань тодорхой, хэрэгцээ нь агуу их, Их Эзэн замыг маань зааж өгсөн билээ. Энэ бол амьдралыг нь хөндсөн хэнд ч гэсэн, залуу эрэгтэйчүүд, эмэгтэйчүүд, тэдний ирээдүйн гэр бүл, Сүмд ч бас мөн адил адислал болно. Бид Бурханыг бидний энэхүү хичээл зүтгэлийг ивээн тэтгэх болтугай хэмээн даруухнаар, мөн талархан залбирч байна.

60-р хуудас руу буцаж оч.

ТБС-ийн зээл авахад ямар шаардлага тавигддаг вэ?

  • Илүү сайн ажлын төлөө сурч боловсрох нь бүлэгт хамрагд. ТБС-ийн зээлийн төлөвлөгөөний ажлын хүснэгтийг бөглөж дуусгах

  • БДЧХТ-ийн Санал болгосон жагсаалтаас ажил, сургууль, хөтөлбөрөө сонгосон байх; онцгой тохиолдолд хүсэлт явуулсан байх

  • Та сургууль, ажил, зээлийн талаар өгсөн амлалтаа биелүүлэхэд туслах зээлийн зөвлөхөө сонгосон байх

  • Институтэд хамрагдсан байх (ганц бие залуу насанд хүрэгчид)

  • 18 ба түүнээс дээш настай байх

  • Ариун сүм орох зохистой, мөн дуудлагад үйлчилдэг байх

  • Санваарын удирдагчаас дэмжсэн тодорхойлолтыг авсан байх

61-р хуудас руу буцаж оч.

ТБС-ийн зээлийг юунд зориулж авах вэ? Эргэн төлөлт хэрхэн хийгдэх вэ?

ТБС-ийн зээлийг дараах төлбөрийг төлөхөд ашиглана:

  • Орон нутагт боломжийн ажилд ороход, эсвэл хувийн бизнесээ эхлүүлэхэд туслах боловсрол эзэмшихэд, эсвэл дадлага туршлага олж авахад

  • Сургалтын төлбөр, ном, зарим хэрэгсэлд (сургалтын төлбөрийг сургуульд төлнө)

Зээлийг дараах байдлаар эргүүлэн төлнө:

  • Тухайн улс орон бүрд зориулсан зээлийн төлбөрийн тогтоосон мөнгөн дүн болон эргэн төлөлтийн зааварчилгаа гарсан байгаа.

  • Эргэн төлөлт нь гүйцэтгэлийн урамшуулал болон мөнгөн дүн гэсэн хэсгээс бүрдэнэ.

    • Гүйцэтгэлийн урамшуулал-аар зээлийн үлдэгдлийг дараах байдлаар багасгана:

      • Жил болгон сайн дүнгийн урамшуулал болгон жилийн төлбөрийн 5%-тай тэнцүү мөнгөн дүнг зээлээс хасна (ТБС-ийн товхимлоос сайн дүнгийн тодорхойлолтыг үзнэ үү).

      • Боловсролын хөтөлбөрт хамрагдаж, хөтөлбөрөө гүйцээсний дараа (төгсвөл) 10% хасна

      • Төлөвлөсөн зорилгодоо хүрч чадвал 10% (ажил, цалингийн түвшин)

      • Хугацаандаа хийсэн бүх төлбөрийн 25%-тай тэнцүү урамшуулал

      • Зээлээ хугацаанаас нь өмнө төлбөл, нийт зээлийн үлдэгдлийн 10%-тай тэнцүү урамшууллыг нэмж олгоно

    • Сургуульд сурах хугацаанд төлөх сар бүрийн зээлийн хөнгөвчилсөн төлбөр

      • Сургуульд төлбөрийг шилжүүлэхээс өмнө эхнийхээ төлбөрийг хийсэн байх ёстой

      • Сургуулийн төлбөр хямд, хөтөлбөрийн хугацаа арай богино байвал, сард төлөх зээлийн төлбөрийн мөнгөн дүн бага байна

      • Сургуулийн төлбөр өндөр, хөтөлбөрийн хугацаа урт байвал сард төлөх зээлийн төлбөр их байна

    • Сургуулиа төгсөх юм уу, сургуулиасаа гарснаас хойш 6 сарын дараа сар бүрийн зээлийнхээ төлбөрийг хийж эхэлнэ

      • Төлбөрийн хэмжээ нь зээлийн дүн болон хөтөлбөрийн хугацаанаас шалтгаална

      • Бага хэмжээний зээлийн хүү орсон байна

      • Гүйцэтгэлийн бүх урамшууллыг оролцуулбал, зээлийг гурваас дөрвөн жилийн дотор төлж дуусгах боломжтой.

62-р хуудас руу буцаж оч.

ТБС-ийн зээлийн зөвлөх

ТБС-ийн зээлийн зөвлөх гэж хэн бэ?

ТБС-ийн зээлийн зөвлөх бол сургууль болон ажилдаа амжилт гарган, зээлээ цаг хугацаанд нь эргүүлэн төлж байхад тань туслах насанд хүрсэн хүн байна. ТБС-ийн зээлийн зөвлөх нь хамтран зээлдэгч эсвэл зээлийн баталгаа гаргагч биш бөгөөд ТБС-ийн зээлтэй холбоотой санхүүгийн аливаа үүрэг хариуцлага хүлээхгүй.

Би хэрхэн ТБС-ийн зээлийн зөвлөхөө сонгох вэ?

Насанд хүрсэн хариуцлагатай хүнээс ТБС-ийн зээлийн зөвлөхөө болохыг хүс. Таны төлөвлөгөөний талаар мэддэг хэн нэгнийг, тухайлбал, ажил эсвэл сургуулийн талаар уулзаж ярилцсан хүмүүсээс сонгох хэрэгтэй. Уг хүн нь Сүмийн гишүүн эсвэл гишүүн биш байж болно.

ТБС-ийн зээлийн зөвлөх нь ТБС-ийн вэбсайт дээрх ТБС-ийн зээлийн зөвлөхийн хуудас руу орохын тулд ХҮГ данстай байх хэрэгтэй. Та ТБС-ийн зээлийн маягтыг бөглөхийн тулд зөвлөхөөсөө дараах мэдээллийг авсан байх хэрэгтэй:

  1. ХҮГ дансны хэрэглэгчийн нэр (заавал биш) (ХҮГ дансыг хүн болгон нээх боломжтой)

  2. Холбоо барих утас (үндсэн)

  3. Холбоо барих утас (хоёрдахь)

  4. Э-мэйл хаяг

ТБС-ийн төлөөлөгч таны ТБС-ийн зээлийн зөвлөхтэй зөвлөхийн үүргийг хүлээн авах талаар холбоо барина.

Миний ТБС-ийн зээлийн зөвлөх юуны талаар мэдэж, мөн юу хийх ёстой вэ?

Таны зөвлөх:

  • Тэр таны ТБС-ийн зээлийг төлөх санхүүгийн хариуцлага үүрэхгүй гэдгээ мэдэж байх ёстой.

  • Таныг урамшуулан дэмжиж, боловсролын болон ажлын, мөн зээлийн эргэн төлөлтийн асуудалтай тулгарах үед заавар зөвлөгөө өгч, ТБС-ийн зээлээ эргүүлэн төлөх үүргээ биелүүлэхэд тань тусална.

  • ТБС-ийн төлөөлөгчид ба санваарын удирдагчид таны амжилт ололтын талаар ярилцахаар утсаар болон цахим мессежээр холбоо барихад хариулж байх ёстой.

  • Таны зээлийн талаарх мэдээллийн нууцыг хадгалах ёстой.

  • ТБС-д зээлийн зөвлөхийнх нь үүрэг хариуцлагатай холбоотойгоор түүний Сүмийн гишүүнчлэлийн бүртгэл рүү орох, мэдээлэл цуглуулах, боловсруулах эрхийг ТБС-ийн зээлийн зөвлөхийнхөө хувьд олгож, хүлээн зөвшөөрсөн байх ёстой.

62-р хуудас руу буцаж оч.

ТБС-ийн зээлийн төлөвлөгөө

ТБС-ийн зээлийн төлөвлөгөө (үргэлжилнэ)

Зөвлөхийн тодорхойлолт

(нэр) нь Илүү сайн ажлын төлөө сурч боловсрох нь бүлгийн дөрвөн хичээлийг авч дуусгасан бөгөөд ТБС-ийн зээлд хамрагдахад бэлэн болно.

Зөвлөхийн нэр

Зөвлөхийн гарын үсэг

Огноо

Санваарын удирдагчийн тодорхойлолт

Энэ маягт нь танай гадасны бие даах чадвар хөгжүүлэх төвд, эсвэл онлайнаар srs.lds.org/pef вэбсайт дээр байгаа болно. ТБС-ийн зээлийн төлөвлөгөөгөө (73-74-р хуудас) санваарын удирдагчийн тодорхойлолт өгөх ярилцлагад авч ир.

Зураг
Ярилцлага ба тодорхойлолтын маягт

Санваарын удирдагчдад болон маягт бөглөсөн хүмүүст зориулсан бие даах талаарх чухал сургаалууд

Есүс Христэд итгэх итгэл
C ба Г 104:15; Ифер 12:27

Бурханы зорилго бол Өөрийн гэгээнтнүүдийн материаллаг хэрэгцээг хангах явдал бөгөөд Түүнд энэ бүхнийг хийх хүч чадал бий гэдэгт итгэ.

Дуулгавартай байдал
C ба Г 130:21; Maтай 7:21

Бие даах чадварын адислал нь бие даах байдлын тулгуурлагдсан хууль ба ёслолууд дээр тогтоогддог юм.

Хувь хүн үйлдэх ёстой
2 Нифай 2:16, 26

Бие даах чадвар нь олгогдох эрх мэдэл биш, харин өөрөө өөртөө үзүүлэх тусламж юм. Та ажиллах ёстой. Та үйлдүүлдэг бус, харин үйлддэг нэгэн байх ёстой.

Нэгдмэл байдал ба үйлчлэл
Мосе 7:18; С ба Г 56:16-17

Ядуу, баян хоёр нэгдмэл байх ёстой. Бүх хүн нэг нэгэндээ үйлчилж, нэг нэгнийгээ хайрлах ёстой.

62-р хуудас руу буцаж оч.

ТБС-ийн зээлийн онлайн маягт руу холбогдох нь

Та ТБС-ийн зээлд хамрагдахын тулд өөрийн ХҮГ дансыг ашиглаад, srs.lds.org/pef вэбсайт дээрх зээлийн онлайн маягтыг бөглөх ёстой.

ХҮГ данс бүхий ТБС-ийн зээлийн зөвлөхүүд нь ТБС-ийн вэбсайт дээрх өөрийн ТБС-ийн зээлийн зөвлөхийн хуудас руу орж болно.

Хэрэв та саяхан номлолд үйлчилсэн бол танд ХҮГ данс байгаа байх. Хэрэв танд ийм данс байхгүй бол та ХҮГ дансыг ldsaccount.lds.org вэбсайт дээр нээж болно.

Ерөнхий асуултууд

  1. ХҮГ данс гэж юү вэ?

    ХҮГ данс гэдэг нь ldsjobs.org, гэр бүлийн түүх, онлайн номлогчийн маягт, тойрог ба гадасны вэбсайт зэрэг Сүмийн ихэнх вэбсайт руу нэвтэрч орох систем юм (хэрэглэгчийн нэр, нууц үг).

  2. Би ХҮГ дансыг ашиглахын тулд Есүс Христийн Хожмын Үеийн Гэгээнтнүүдийн Сүмийн гишүүн байх ёстой юу?

    Үгүй. Гишүүн байх шаардлагагүй. Сүмийн гишүүд өөрсдийн гишүүнчлэлтэй (ТБС-ийн зээлийг авахад гишүүн байх ёстой) холбоотой нэмэлт эх сурвалж руу орох боломжтой ч, ямар ч хүн “найз” маягаар чөлөөтэй данс нээж болно (үүнд: гишүүн бус зээлийн зөвлөх орно).

  3. Өөрийн ХҮГ данстай болохын тулд надад ямар мэдээлэл хэрэгтэй вэ?

    Хэрэв та Сүмийн гишүүн бол таны гишүүнчлэлийн бүртгэлийн дугаар, төрсөн огноо, хүчин төгөлдөр э-мэйл хаяг шаардлагатай болно. Та гишүүнчлэлийн бүртгэлийн дугаараа ариун сүмийн зөвшөөрлийн бичиг дээрээсээ, эсвэл тойргийнхоо юм уу, салбарынхаа бичиг хэргийн ажилтнаас авч болно. Хэрэв таны зээлийн зөвлөх Сүмийн гишүүн биш бол, тэрээр нэр, төрсөн огноо, хүйс болон улс орныхоо талаарх мэдээллээ өгсөн байх хэрэгтэй.

    ТБС-ийн зээлийн онлайн маягт руу орохын тулд бидэнд дараах зүйлс хэрэгтэй:

    1. Таны тухай болон танай гэр бүлийн талаарх ерөнхий мэдээлэл

    2. Санваарын удирдагчийн дэмжсэн тодорхойлолт

    3. Гүйцэд хийж дуусгасан “ТБС-ийн зээлийн төлөвлөгөө”

      • Зөвлөхийн мэдээлэл

      • Ажлын төлөвлөгөө

      • Боловсролын төлөвлөгөө

      • Боловсролын санхүүгийн төлөвлөгөө

      • Зөвлөхийн тодорхойлолт

62-р хуудас руу буцаж оч.

Надад ажил хийх хоёр гар бий

Перугийн Сүмийн гишүүн Артурогийн тухай энэ түүхийг ээлжилж унш.

Номлолын талбараа орхиж явах амар байсангүй. Надад олон мөрөөдөл, төлөвлөсөн зүйл байсан боловч гэртээ ирсний дараа бодит байдалтай нүүр тулах хэрэгтэй болсон юм. Надад ямар ч ур чадвар, олигтой орлого байсангүй. Ажил олох ч амар байсангүй.

Эцэст нь би жимсний лангуу ажиллуулж, олсон мөнгөөрөө сургуулийнхаа төлбөрийг төлөн, гэр бүлдээ тусалж, аравны нэг болон бусад өргөлөө төлж байлаа.

Би иймэрхүү байдлаар 9-р сарыг хүргэв. Жимсээ зарж байтал дарсны машин миний араас ирж, намайг мөргөв. Тэр машин намайг хана руу хүчтэй цохиж, миний баруун хөлийг гэмтээсэн юм. Би баруун хөлгүй болж, нэг нүд минь хараагүй болов. Миний баруун гар, зүүн хөл ч мөн адил гэмтсэн байлаа.

Энэ бүхний дараа, би бошиглогчийн ядуурал үгүй болох ёстой, мөн санхүүгийн эх сурвалжгүй буцаж ирсэн номлогчид боловсролтой болох боломжтой гэж хэлэхийг сонссон юм. Хүсэл тэмүүлэл дүүрэн залуучуудад зориулж ТБС-г бий болгоно гэсэн байв. Би хөлгүй, мөн нүдгүй болсон ч, амьдрах хүсэл эрмэлзлээ буюу мөрөөдлөө орхиогүй. Би өөрийнхөө өмнө тавьсан зорилго бүрийнхээ төлөө зүтгэхээр шийдсэн юм.

Би Тасралтгүй Боловсролын Сангийн хүчинд тусгай мэргэжлийн сургалтаа гурван жилийн дотор дүүргэж, дараа нь илүү ихийг сурахыг хүссэн. Би их сургуульд орох өргөдөл гаргаж, сургуульдаа ч орж чадсан билээ.

Өнөөдөр би хувиараа ажилладаг бөгөөд хэрэглэгчдэд туслах төлөөлөгч хийдэг. Би өглөөнөөс эхлэн 16 цаг хүртэл хэд хэдэн компанийн харилцагчдын ба компьютерийн техник хангамжийн үйлчилгээг үзүүлдэг. Түүнчлэн би гэртээ компьютерын засварын үйлчилгээ хийдэг. Би оройгоор сургуульдаа явдаг юм. Би 17 цагт гэрээсээ гарч, 18 цаг гэхэд хичээл эхэлдэг. Хичээл маань 23 цаг хүртэл үргэлжилдэг. 23:30 гэхэд би таксинд сууж, гэртээ шөнийн 00:30 гэхэд ирдэг. Би бага сага хоол идэж, хичээлээ давтчихаад, орондоо ордог юм. Маргааш нь би эрт босож, ажилдаа явах юм уу, ажлын эрэлд гардаг. Би үдийн 14 эсвэл 15 цаг хүртэл ажиллаад, дараа нь сургуульдаа явдаг.

Би өөртөө байгаа бүхнийхээ төлөө Бурханд талархаж явдаг. Би Түүний миний төлөө хийсэн бүх зүйлийг нь ямар нэгэн арга замаар эргүүлэн төлөхийг хүсдэг. Би өөрөө их зүйл хийгээгүй бөгөөд би Түүнд үргэлж өртэй байх болно. Би Сүмийн Тасралтгүй Боловсролын Сангийн албаны дуудлага хүлээн авах төвд сайн дурын ажилтнаар үйлчилдэг.

Би хоёр жил хагасын дараа гэхэд, системийн техникчийн мэргэжлээр төгссөн байгаагаар өөрийгөө төсөөлөн харж байна. Би таван жилийн дараа гэхэд, ямар нэгэн чухал компанид ажилд орж, өөрийгөө болон ирээдүйн гэр бүл, үр хүүхдээ тэжээх болно.

Би ариун сүмд гэрлэх зорилго тавьсан. Тийм ч учраас би сурч, ажиллаж байгаа юм. Тийм ч учраас би өдөр болгон тэмцдэг.

Амар хялбар байхгүй гэдгийг мэддэг ч, Их Эзэн хэзээ ч замыг нь бэлдэлгүйгээр тушаал өгдөггүй болохыг би сурсан юм.

Тэр надад амьдрал өгсөн. Тэр надад Тасралтгүй Боловсролын Санг өгсөн. Тэр надад ажил хийх хоёр гар, бодож сэтгэх тархи, хэлж ярих ам, мэдрэх зүрхийг, мөн өөрийн мөрөөдлийн төлөө урагш тэмүүлэх хүсэл эрмэлзлийг өгсөн юм.

Би мөн “Мөхөс байдал дотор миний хүч чадал төгс болно” хэмээн Паулын хэлсний адил бүх зүйл боломжтой гэдгийг мэднэ. Их Эзэнд надад тусалсан.

Гэр бүл, сургууль, амьдрал гээд надад байгаа бүх зүйлийг Бурхан өгсөн юм. Бүх зүйл Түүний гараас ирдэг бөгөөд би тэр бүхэнд талархаж явдаг.

64-р хуудас руу буцаж оч.

Хэвлэх