មេរៀនទី ១០៖ ស្វែងរកសេចក្តីពិត

មេរៀនទី ១០

ស្វែងរកសេចក្ដីពិត

សេចក្ដីផ្ដើម

កូនចៅរបស់ព្រះត្រូវបានលើកទឹកចិត្តឲ្យ « ព្យាយាមស្វែងរកការរៀនសូត្រ…ដោយសារការសិក្សា និង ដោយសារសេចក្ដីជំនឿដែរ » (គ. និង ស. ៨៨:១១៨) ។ ការធ្វើតាមគំរូនេះជួយបុគ្គលម្នាក់ៗសក្តិសមនឹងទទួលបានជំនួយពីព្រះវិញ្ញាណបរិសុទ្ធនៅក្នុងដំណើរការរៀនសូត្រ ។ បច្ចុប្បន្ននេះ អ៊ិនធើរណែត និង ធនធានផ្សេងទៀត ផ្តល់ព័ត៌មានយ៉ាងច្រើនសន្ធឹកសន្ធាប់—ព័ត៌មានខ្លះពិត ខ្លះមិនពិត ហើយខ្លះទៀតនាំឲ្យយល់ខុស—អំពីគោលលទ្ធិ ប្រវត្តិ និង គោលជំហរលើបញ្ហាសង្គមរបស់សាសនាចក្រ ដែលជាពិសេសវាធ្វើឲ្យយើងត្រូវតែពឹងផ្អែកលើព្រះវិញ្ញាណបរិសុទ្ធដើម្បីជួយយើងឲ្យញែកដឹងសេចក្តីពិតចេញពីការណ៍ក្លែងក្លាយ ។ ការរៀនដើម្បីស្វែងរក និង ប្រើប្រាស់ធនធានត្រឹមត្រូវនៃព័ត៌មានគឺជាផ្នែកនៃដំណើរការនេះ ។

ការអានពីសាវតា

ឌៀថើរ អេស្វ អុជដូហ្វ « តើការពិតនោះ គឺជាអ្វី ? » ( ការប្រជុំធម្មនិដ្ឋានប្រព័ន្ធអប់រំសាសនាចក្រសម្រាប់យុវមជ្ឈិមវ័យ ថ្ងៃទី ១៣ ខែ មករា ឆ្នាំ ២០១៣ ) lds.org/broadcasts ។
« ការរៀនសូត្រដំណឹងល្អ » ប្រធានបទដំណឹងល្អ lds.org/topics ។

យោបល់សម្រាប់ការបង្រៀន

គោលលទ្ធិ និង សេចក្ដីសញ្ញា ៨៨:១១៨, ១២១-២៦

គំរូសម្រាប់ការរៀនសូត្រ

សូមអានឮៗនូវការពិពណ៌នាខាងក្រោមអំពីសាលានៃពួកព្យាការីដែលបានធ្វើនៅទីក្រុង ខឺតឡង់ រដ្ឋ អូហៃអូ ៖

« នៅឆ្នាំ ១៨៣៣ ព្យាការី និង ពួកបរិសុទ្ធខឺតឡង់មួយក្រុមមានឱកាសពិសេសមួយដើម្បីសិក្សាដំណឹងល្អ ។ នៅខែ មករា នៃឆ្នាំដដែលនោះ យោងតាមការបញ្ជារបស់ព្រះអម្ចាស់ ( សូមមើល គ និង ស ៨៨:១២៧–៤១) នោះព្យាការីបានរៀបចំសាលានៃពួកព្យាការីដើម្បីបំពាក់បំប៉នអ្នកកាន់បព្វជិតភាពសម្រាប់ការងាររបស់ពួកគេនៅក្នុងការបម្រើ និង ដើម្បីរៀបចំខ្លួនពួកគេផ្សព្វផ្សាយដំណឹងល្អ ។ សាលានោះត្រូវបានធ្វើឡើងនៅបន្ទប់ជាន់ទីពីរនៅក្នុងឃ្លាំង ណែវែល ខេ វីតនី ជាកន្លែងដែលព្យាការីរស់នៅ ។ មានបងប្អូនប្រុសប្រហែល ២៥នាក់ បានចូលរៀន អ្នកខ្លះបានធ្វើដំណើររាប់រយគីឡូម៉ែត្រសម្រាប់ឯកសិទ្ធិនៃការសិក្សាដំណឹងល្អនៅក្នុងបន្ទប់ដែលមានទំហំមិនធំជាង៣ គុណ ៤ ម៉ែត្រផងនោះ ។ ក្រោយមកភាគច្រើននៃបុរសទាំងនោះបានក្លាយជាសាវក ពួកចិតសិបនាក់ និង អ្នកដឹកនាំសាសនាចក្រផ្សេងៗទៀត ។ ទោះបីជាព្យាការី និង បងប្អូនប្រុសផ្សេងទៀតបានសិក្សាភាសាយូរៗម្តងក្តី ក៏ពួកលោកផ្តោតចម្បងទៅលើការសិក្សាអំពីគោលលទ្ធិនៃដំណឹងល្អ ដោយព្យាយាមបន្តការសិក្សារបស់ខ្លួនចាប់ពីព្រលឹមរហូតដល់ជ្រាលថ្ងៃរសៀល ។ សាលានេះបានមានតែរយៈពេល៤ ខែប៉ុណ្ណោះ ហើយក្រោយមកសាលាស្រដៀងនេះបានធ្វើឡើងនៅទីក្រុង ខឺតឡង់ និង មិសសួរី ដែលមានមនុស្សរាប់រយនាក់ចូលរៀន » (ការបង្រៀនរបស់ប្រធានសាសនាចក្រ ៖ យ៉ូសែប ស្ម៊ីធ [ ឆ្នាំ ២០០៧ ] ទំព័រ ២៦១ ) ។

សូមពន្យល់ថា គោលលទ្ធិ និង សេចក្ដីសញ្ញា ៨៨ មានសេចក្តីណែនាំមួយពីព្រះអម្ចាស់ដល់អស់អ្នកដែលចង់ចូលរួមនៅក្នុងសាលានៃពួកព្យាការី ។ សូមឲ្យសិស្សអាន គោលលទ្ធិ និង សេចក្ដីសញ្ញា ៨៨:១១៨ ដោយស្ងាត់ស្ងៀម រកមើលគំរូនៃការសិក្សាដែលបានបញ្ជាដោយព្រះអម្ចាស់ ។ បន្ទាប់មក សូមពិភាក្សាសំណួរដូចខាងក្រោមនេះ ៖

តើអ្នកគិតថា វាមានន័យយ៉ាងណា « ដើម្បីស្វែងរកការរៀនសូត្រ…ដោយសារការសិក្សា និង ដោយសារសេចក្ដីជំនឿផង » ?
តើការធ្វើតាមគំរូនេះបង្កើនសមត្ថភាពរបស់យើងដើម្បីសិក្សាតាមរបៀបណាខ្លះ ? ( សិស្សអាចផ្តល់ចម្លើយផ្សេងៗ ប៉ុន្តែត្រូវបា្រកដឲ្យច្បាស់ថា នៅពេលយើងប្រើសេចក្តីជំនឿនៅក្នុងដំណើរការរៀនសូត្រ នោះយើងសមនឹងទទួលជំនួយពីព្រះអម្ចាស់) ។

សូមឲ្យសិស្សបួនប្រាំនាក់ឆ្លាស់វេនគ្នាអាន គោលលទ្ធិ និង សេចក្ដីសញ្ញា ៨៨:១២១-២៦ឲ្យឮៗ ដែលកត់ត្រាសេចក្តីណែនាំបន្ថែមទៀតមកពីព្រះអម្ចាស់ចំពោះសាលានៃពួកព្យាការី ។ សូមឲ្យសិស្សក្នុងថ្នាក់ផ្ទៀងតាម រកមើលគោលការណ៍ដែលជួយពួកគេឲ្យយល់ពីរបៀបដើម្បីសិក្សាដោយសេចក្តីជំនឿ ។ អ្នកអាចផ្ដល់យោបល់ថា សិស្សគួរគូសចំណាំអ្វីដែលពួកគេរកឃើញ ។ សូមពិចារណសរសេរគោលការណ៍នោះនៅលើក្ដារខៀន ពេលសិស្សចែកចាយពីវា ។ អ្នកអាចនឹងចង់ស្នើរឲ្យសិស្សសរសេរឃ្លា « គោលការណ៍ដែលបង្រៀនរបៀបដើម្បីសិក្សាដោយសេចក្តីជំនឿ » នៅគែមព្រះគម្ពីររបស់ខ្លួនក្បែរនឹងខគម្ពីរទាំងនេះ ។ (កំណត់ចំណាំ ៖ ការធ្វើកំណត់ចំណាំនៅក្នុងគែមនៃព្រះគម្ពីរអាចជួយសិស្សឲ្យរកឃើញ និង ចងចាំពីគោលការណ៍សំខាន់ៗបានកាន់តែងាយថែមទៀត ) ។ បើសិនមានពេល អ្នកអាចសុំសិស្សឲ្យស្រាវជ្រាវក្នុង អាលម៉ា ៣២:២៨, ៤១–៤៣ និង យ៉ូហាន ៧:១៧ សម្រាប់គោលការណ៍បន្ថែមទៀត ។

តើការរស់នៅតាមគោលការណ៍ដែលបានបង្រៀននៅក្នុងខគម្ពីរទាំងនេះ អាចនឹងជួយយើងឲ្យរៀនសូត្រ ដោយការសិក្សា និង ដោយសេចក្តីជំនឿយ៉ាងដូចម្តេច ? ( នៅពេលសិស្សឆ្លើយ អ្នកអាចចង់គូសបញ្ជាក់ថា ការធ្វើតាមគោលការណ៍ដូចខាងក្រោមនេះ នឹងជួយយើងឲ្យសមនឹងទទួលជំនួយពីព្រះវិញ្ញាណ ) ។
នៅពេលយើងសក្តិសមដើម្បីមានព្រះវិញ្ញាណនៃព្រះអម្ចាស់នៅជាមួយយើង តើព្រះវិញ្ញាណនេះនឹងជួយយើងឲ្យស្វែងរកសេចក្តីពិតយ៉ាងដូចម្តេច ?

គោលលទ្ធិ និង សេចក្ដីសញ្ញា ៩១:១-៦

ការញែកដឹងសេចក្តីពិតចេញពីការណ៍ក្លែងក្លាយ

សូមបង្ហាញសេចក្ដីថ្លែងការណ៍ខាងក្រោមដោយប្រធាន ឌៀថើរ អេស្វ អុជដូហ្វ នៃគណៈប្រធានទីមួយ ហើយសូមឲ្យសិស្សម្នាក់អានវាឮៗ ៖

រូបភាព
ប្រធាន ឌៀថើរ អេស្វ អុជដូហ្វ

« គ្មានទេនៅក្នុងប្រវត្តិសាស្ត្រនៃពិភពលោកនេះដែលយើងងាយនឹងទទួលបានព័ត៌មានកាន់តែច្រើន—ដែលព័ត៌មានខ្លះពិត ខ្លះទៀតមិនពិត ហើយខ្លះទៀតពិតខ្លះៗ ។

« ហេតុដូច្នេះហើយ គ្មានប្រវត្តិសាស្ត្រនៃពិភពលោកនេះដែលវាសំខាន់ជាងការរៀនឲ្យបានត្រឹមត្រូវពីរបៀបដើម្បីញែកដឹងរវាងសេចក្តីពិតនិងការណ៍ក្លែងក្លាយឡើយ » (« តើការពិតនោះជាអ្វី ? » [ ការប្រជុំធម្មនិដ្ឋានប្រព័ន្ធអប់រំសាសនាចក្រ ថ្ងៃទី ១៣ ខែ មករា ឆ្នាំ ២០១៣ ] ទំព័រ ៣ lds.org/broadcasts) ។

តើមានលទ្ធផលអ្វីខ្លះកើតឡើង បើសិនយើងមិនបានរៀនដើម្បីញែកដឹងរវាងសេចក្ដីពិត និងការណ៍ក្លែងក្លាយ ?

សូមសរសេរសំណួរខាងក្រោមនេះនៅលើ ក្តារខៀន ៖

តើយើងអាចញែកដឹងរវាងសេចក្តីពិតនិងការណ៍ក្លែងក្លាយដោយរបៀបណា ?

សូមពន្យល់ថា វិវរណៈដែលមានកត់ត្រានៅក្នុង គោលលទ្ធិ និង សេចក្តីសញ្ញា ៩១ បានបង្រៀន យ៉ូសែប ស្ម៊ីធ ពីរបៀបដើម្បីញែកឲ្យដឹង ថាអ្វីដែលគាត់កំពុងអាននៅក្នុងអាប៉ូគ្រីផាវាត្រឹមត្រូវឬអត់ ។ សូមឲ្យសិស្សម្នាក់អាន ក្បាលកណ្ឌ ៩១ ឲ្យឮៗ ខណៈដែលសិស្សក្នុងថ្នាក់ផ្ទៀងតាម ។ បន្ទាប់មកសូមឲ្យសិស្សពិចារណាអំពីសំណួរនៅលើក្ដារខៀននៅពេលពួកគេសិក្សា គោលលទ្ធិ និង សេចក្ដីសញ្ញា ៩១ ជាមួយសិស្សផ្សេងទៀត ។

សូមពន្យល់ថាអាប៉ូគ្រីផា គឺជាការប្រមូលផ្តុំនៃគម្ពីរពិសិដ្ឋៗនៃប្រជាជនសាសន៍យូដា ។ គម្ពីរទាំងនេះ មិនបានរួមបញ្ចូលនៅក្នុងព្រះគម្ពីរបរិសុទ្ធហេព្រើដើមឡើយ ( ព្រះគម្ពីរសញ្ញាចាស់ ) ប៉ុន្តែត្រូវបានរួមបញ្ចូលនៅក្នុងការបកប្រែនៃព្រះគម្ពីរបរិសុទ្ធជាភាសាក្រិកមិនយូរប៉ុន្មានពីមុនជំនាន់ព្រះគ្រីស្ទ ។ នៅពេលពួកគ្រីស្ទានជំនាន់ដើមចងក្រងគម្ពីរនានានៃព្រះគម្ពីរប៊ីបជាច្រើនសតវត្សរ៍ក្រោយមក នោះពួកគេបានរួមបញ្ចូលគម្ពីរអាប៉ូគ្រីផាជាសេចក្តីបន្ថែម ។ ពួកគ្រីស្ទានមួយចំនួនចាត់ទុកគម្ពីរនៃអាប៉ូគ្រីផាថាជាព្រះគម្ពីរ ប៉ុន្តែពួកគ្រីស្ទានផ្សេងទៀតពុំជឿថាវាជាការសរសេរដ៏បំផុសគំនិតឡើយ ។ ព្រះគម្ពីរបរិសុទ្ធដែលយ៉ូសែប ស្ម៊ីធ បានប្រើដើម្បីបង្កើតការបកប្រែដ៏បំផុសគំនិតរបស់លោកនោះមាននូវគម្ពីរអាប៉ូគ្រីផាផងដែរ ។ យ៉ូសែប បានសួរព្រះអម្ចាស់ បើសិនការបកប្រែព្រះគម្ពីរបរិសុទ្ធប៊ីបរបស់លោកគួរតែបញ្ចូលគម្ពីរទាំងនោះឬអត់ ?

សូមឲ្យសិស្សម្នាក់អាន គោលលទ្ធិ និង សេចក្ដីសញ្ញា ៩១:១-៣ ឲ្យឮៗ ។

តើយ៉ូសែប ស្ម៊ីធ បានរៀនអ្វីអំពី អាប៉ូគ្រីផា ? ( អ្នកគួរតែពន្យល់ថា ពាក្យបញ្ចូល គឺជាអ្វីមួយដែលបានដាក់ចូលទៅក្នុងការសរសេរដោយដៃ ពេលខ្លះវាបណ្តាលឲ្យបង្ខូចអត្ថន័យនៃអត្ថបទដើម ) ។

សូមឲ្យសិស្សម្នាក់ទៀតអាន គោលលទ្ធិ និង សេចក្ដីសញ្ញា ៩១:៤-៦ ឲ្យឮៗ ។

តើការទូន្មាននៅក្នុង ខ ៤–៦ អាចជួយយើងឲ្យញែកដឹងសេចក្តីពិតពីការណ៍ក្លែងក្លាយ ហើយថ្លឹងថ្លែងពីភាពពិតនៃអ្វីដែលយើងអានដោយរបៀបណា ? ( សិស្សអាចនឹងប្រើពាក្យផ្សេងៗ ប៉ុន្តែត្រូវប្រាកដថា ពួកគេរកឃើញសេចក្តីពិតដូចខាងក្រោមនេះ ៖ ព្រះវិញ្ញាណបរិសុទ្ធអាចជួយយើងឲ្យដឹងបើសិនអ្វីដែលយើងអាននោះវាពិត) ។

សូមពន្យល់ថា ព័ត៌មានជាច្រើនដែលមាននៅលើអ៊ិនធើរណែតបង្កើតឲ្យមានសេចក្តីត្រូវការសម្រាប់យើងម្នាក់ៗឲ្យមានអំណោយទានខាងវិញ្ញាណនៃការញែកដឹង ( សូមមើល គ និង ស ៤៦:២៣) ដូច្នេះយើងអាចដឹងពីរបៀបញែកដឹងសេចក្តីពិតចេញពីការណ៍ក្លែងក្លាយ ។ ( សម្រាប់ព័ត៌មានបន្ថែមអំពីមូលហេតុដែលអំណោយទាននៃការញែកដឹងវាសំខាន់យ៉ាងណានៅក្នុងជីវិតរបស់យើងនោះ សូមមើលអត្ថបទ អែលឌើរ ដាវីឌ អេ បែដណា « Quick to Observe » Ensign ឬ Liahona ខែ ធ្នូ ឆ្នាំ ២០០៦ ទំព័រ ៣១–៣៦ ) ។

សូមចែកច្បាប់ចម្លងនៃ សេចក្តីថ្លែងការណ៍ ដោយអែលឌើរ ស្ទីវីន អ៊ី ស្នូនៃពួកចិតសិបនាក់ឲ្យសិស្សម្នាក់ៗ ។ សូមឲ្យសិស្សក្នុងថ្នាក់មើលកថាខណ្ឌពីរដំបូងនៃការទូន្មានរបស់អែលឌើរ ស្នូ អំពីការវាស់វែងព័ត៌មានដែលយើងអាចអានអំពីប្រវត្តិសាសនាចក្រ និង ការបង្រៀននានា ។

រូបភាព

ក្រដាសចែក, ការធ្វើតុល្យភាពក្នុងប្រវត្តិសាសនាចក្រ

ការធ្វើតុល្យភាពក្នុងប្រវត្តិសាសនាចក្រ

មូលដ្ឋានគ្រឹះនៃការស្តារឡើងវិញ—មេរៀនទី ១០

រូបភាព

អែលឌើរ ស្ទិវីន អ៊ី. ស្នូ

អែលឌើរ ស្ទិវីន អ៊ី. ស្នូ នៃក្រុមចិតសិបនាក់ បានមានប្រសាសន៍ថា ៖

« អ៊ិនធើរណែតបានបញ្ចូលព័ត៌មានគ្រប់យ៉ាងដែលងាយស្រួលឲ្យយើងរកបាននៅនឹងចុងម្រាមដៃរបស់យើង—ទាំងល្អ អាក្រក់ ពិត ក្លែងក្លាយ—រួមទាំងព័ត៌មានអំពីប្រវត្តិសាសនាចក្រផងដែរ ។ អ្នកអាចអានប្រវត្តិសាសនាចក្រដ៏ច្រើនរបស់យើង ប៉ុន្តែវាសំខាន់ដើម្បីអានពីវា ហើយយល់ពីបរិបទរបស់វា ។ ភាពលំបាកជាមួយព័ត៌មានមួយចំនួននៅលើអ៊ិនធើរណែតគឺថា វាចេញឆ្ងាយពីបរិបទ ហើយអ្នកពិតជាមិនអាចឃើញដំណើររឿងទាំងមូលឡើយ ។

« ជាទូទៅ ព័ត៌មានដែលព្យាយាមធ្វើឲ្យសាសនាចក្រអាម៉ាស់នោះ គឺផ្អែកតែទៅលើគំនិតរបស់គេផ្ទាល់ ហើយវាមិនយុត្តិធម៌ទេ ។ យើងគួរតែស្វែងរកប្រភពព័ត៌មានទាំងឡាយណាដែលពិពណ៌នាដោយមិនលម្អៀង ពីជំនឿ និង ប្រវត្តិសាស្ត្ររបស់យើង ។ មានគេហទំព័រខ្លះមានបំណងអាក្រក់ ហើយរបៀបដែលគេបង្ហាញពីព័ត៌មាននោះ អាចបណ្ដាលឲ្យមានជាវិវាទ ។ សូមស្វែងរកប្រភពព័ត៌មានទាំងឡាយណាដែលមានអ្នកកត់ត្រាប្រវត្តិសាស្ត្រដោយមានការទទួលស្គាល់ និង គោរព ទោះបីជាពួកគេជាសមាជិក ឬ មិនមែនសមាជិកនៃសាសនាចក្រក៏ដោយ ។

« យុវវ័យមួយចំនួនមានការភ្ញាក់ផ្អើល និង រន្ធត់ ដោយសារព័ត៌មានប្រឆាំងនឹងពួកមរមន ដែលមាននៅលើអ៊ិនធើរណែត ដោយសារពួកគេពុំបានធ្វើឲ្យខ្លួនឯងមានភាពរឹងមាំ ដើម្បីទប់ទល់នឹងព័ត៌មាននោះ ។ ប្រហែលជាពួកគេមិនបានចំណាយពេលគ្រប់គ្រាន់លើផ្នែកវិញ្ញាណ ដើម្បីរៀបចំ និង ពង្រឹងខ្លួនពួកគេសម្រាប់អ្វីដែលអាចកើតឡើង ។ នៅពេលបទពិសោធន៍លំបាកនៃជីវិតបានមកដល់ពួកគេ នោះវាជាការសំខាន់ថា ពួកគេធ្វើកិច្ចការគ្រឹះទាំងនោះ ដែលយើងតែងតែនិយាយនោះគឺ ៖ បន្តសិក្សាព្រះគម្ពីរ និង ធ្វើការអធិស្ឋានដ៏មានអត្ថន័យជាមួយព្រះវរបិតាសួគ៌ ។ កិច្ចការគ្រឹះទាំងនោះ រៀបចំមនុស្សសម្រាប់ទុក្ខលំបាកគ្រប់បែបយ៉ាង រួមទាំងអត្ថបទទាំងឡាយរបស់ពួកប្រឆាំងនឹងពួកមរមន ដែលពួកគេនឹងជួបនៅលើអ៊ិនធើរណែត » (« Balancing Church History » New Era, ខែ មិថុនា ឆ្នាំ ២០១៣ ទំព័រ ២១–២២ ) ។

ដោយសារយើងត្រូវតែវាស់វែងដោយយកចិត្តទុកដាក់នូវភាពពិតនៃប្រភពព័ត៌មានអំពីប្រវត្តិសាសនាចក្រ និង ការបង្រៀន តើអ្នកអាចប្រើការបង្រៀនរបស់អែលឌើរ ស្នូ ដើម្បីជួយអ្នកឲ្យវាស់វែងភាពពិតនៃអ្វីដែលអ្នកអានអំពីសាសនាចក្រដោយរបៀបណា ?

សូមឲ្យសិស្សអានកថាខណ្ឌទីបីនៃសេចក្តីថ្លែងការណ៍របស់អែលឌើរ ស្នូ ដោយស្ងាត់ស្ងៀម ។ បន្ទាប់មក សូមពិភាក្សាសំណួរដូចខាងក្រោមនេះ ៖

តើការទូន្មានរបស់អែលឌើរ ស្នូ នឹងជួយអ្នកដូចម្តេច នៅពេលអ្នកជួបនឹងព័ត៌មានដែលរារាំងជំនឿរបស់អ្នក ?

ការបន្តនៅស្មោះត្រង់នៅពេលមានសំណួរបែបនោះកើតឡើង

សូមពន្យល់ថា សមាជិកសាសនាចក្រ មានពេលខ្លះអាចមានសំណួរ ឬ មន្ទិលសង្ស័យអំពីគោលលទ្ធិ ប្រវត្តិសាស្ត្រ ឬគោលជំហរលើបញ្ហាសង្គមរបស់សាសនាចក្រ ។ សូមចែកចាយសេចក្ដីថ្លែងការណ៍ខាងក្រោមនេះដោយប្រធាន ឌៀថើរ អេស្វ អុជដូហ្វ ជាមួយសិស្សរបស់អ្នក ៖

រូបភាព
ប្រធាន ឌៀថើរ អេស្វ អុជដូហ្វ

« ធម្មតាទេដែលមានសំណួរនោះ — គ្រាប់ពូជនៃសំណួរស្មោះត្រង់តែងលេចពន្លកឡើង និងលូតលាស់ជាដើមឈើយល់ដឹងមួយដ៏ធំ ។ មានសមាជិកសាសនាចក្រ ខ្លះពុំស្វិតស្វាញនឹងសំណួរប្រាកដប្រជា ឬធ្វើឲ្យអន់ចិត្តឡើយនៅពេលមួយ ឬផ្សេងទៀត ។ គោលបំណងចម្បងនៃសាសនាចក្រគឺបីបាច់ និងបណ្ដុះគ្រាប់ពូជនៃក្ដីជំនឿ — សូម្បីពេលខ្លះជាដីខ្សាច់នៃមន្ទិល និងភាពមិនប្រាកដក្ដី » (« មក ចូលរូមជាមួយយើង » Ensign ឬ Liahona, ខែ វិច្ឆិកា ឆ្នាំ ២០១៣ ទំព័រ ២៣ ) ។

សូមចែកក្រដាស « ការញែកដឹងសេចក្តីពិតចេញពីការណ៍ក្លែងក្លាយ » ដែលរួមមាននូវការទូន្មានពីថ្នាក់ដឹកនាំសាសនាចក្រ សម្រាប់អស់អ្នកដែលមានសំណួរ ឬ មន្ទិលសង្ស័យ ។ សូមឲ្យសិស្សអានសេចក្តីថ្លែងការណ៍នៅលើក្រដាសចែកនោះដោយស្ងាត់ស្ងៀម ហើយរកមើលគោលការណ៍ដែលនឹងជួយនរណាម្នាក់ឆ្លើយសំណួរ ឬ មន្ទិលសង្ស័យក្នុងលក្ខណៈមួយដ៏ស្មោះត្រង់ ។ បន្ទាប់ពីទុកពេលគ្រប់គ្រាន់ហើយនោះ សូមឲ្យសិស្សពន្យល់ថា អ្វីដែលពួកគេអាននៅលើក្រដាសចែកនេះអាចជួយនរណាម្នាក់ដែលមានសំណួរ ឬ មន្ទិលសង្ស័យអំពីគោលលទ្ធិ ប្រវត្តិ ឬ គោលជំហរលើបញ្ហាសង្គមរបស់សាសនាចក្រដោយរបៀបណា ។

រូបភាព

ក្រដាសចែក, ញែកដឹងសេចក្តីពិតចេញពីការណ៍ក្លែងក្លាយ

នៅពេលអ្នកបញ្ចប់មេរៀន សូមគូសបញ្ជាក់ថាទោះបីជាមានសំណួរមួយចំនួនដែលយើងមិនអាចរកចម្លើយឃើញក្នុងជីវិតនេះក្តី យើងអាចរកចម្លើយឃើញដើម្បីឆ្លើយសំណួរដ៏អស្ចារ្យរបស់យើងនៅពេលយើងគោរពប្រតិបត្តិតាមព្រះបញ្ញាត្តិ សិក្សាធនធានព័ត៌មានត្រឹមត្រូវនានា—ជាពិសេសគឺប្រសាសន៍របស់ព្យាការីដែលកំពុងរស់នៅ—ស្វែងរកការដឹកនាំតាមរយៈការអធិស្ឋាន និង អនុវត្តភាពអត់ធ្មត់ និង សេចក្តីជំនឿ ។

សូមឲ្យសិស្សចែកចាយបទពិសោធន៍ទាំងឡាយដែលពួកគេមាន នៅពេលពួកគេមានអារម្មណ៍ថាមានជំនួយរបស់ព្រះអម្ចាស់ដឹកនាំពួកគេដើម្បីស្វែងរកសេចក្តីពិត ហើយឆ្លើយតបសំណួររបស់ខ្លួន ។

សូមលើកទឹកចិត្តសិស្សឲ្យរំឭកសេចក្តីថ្លែងការណ៍នៅលើក្រដាសចែកនោះ ហើយឲ្យពួកគេធ្វើតាមការទូន្មានមកពីមេរៀនដែលឲ្យព្យាយាមរៀនសូត្រ ដោយការសិក្សា និង ដោយសេចក្តីជំនឿ ។

ការអានរបស់សិស្ស

គោលលទ្ធិ និង សេចក្តីសញ្ញា ៨៨:១១៨–២៦; ៩១:១–៦ ។
ឌៀថើរ អេស្វ អុជដូហ្វ « តើការពិតនោះ ជាអ្វី » ( ការប្រជុំធម្មនិដ្ឋានប្រព័ន្ធអប់រំសាសនាចក្រសម្រាប់យុវមជ្ឈិមវ័យ ថ្ងៃទី ១៣ ខែ មករា ឆ្នាំ ២០១៣ ) lds.org/broadcasts ។

ការញែកដឹងសេចក្តីពិតចេញពីការណ៍ក្លែងក្លាយ

មូលដ្ឋានគ្រឹះនៃការស្តារឡើងវិញ—មេរៀនទី ១០

នៅក្នុងគ្រប់សម័យកាលកាន់កាប់ត្រួតត្រាទាំងអស់នៃដំណឹងល្អ ឥទ្ធិពលនៃអារក្សបានប្រឆាំងនឹងព្រះរួមទាំងកិច្ចការរបស់ទ្រង់ ។ ប៉ុន្តែកិច្ចការរបស់ព្រះអម្ចាស់នឹងមិនស្មុគស្មាញទេ ។ នៅជំនាន់ថ្ងៃចុងក្រោយនេះ ថ្មដែលដាប់ផ្ដាច់ចេញពីភ្នំ ហើយវាបន្ដ « រមៀលចេញទៅរហូតដល់បានពេញផែនដីទាំងមូល » (គ និង ស ៦៥:២) ។ ទោះជាយ៉ាងណាក៏ដោយ សមាជិកសាសនាចក្រម្នាក់ៗអាចត្រូវបានបោកបញ្ឆោត យើងម្នាក់ៗត្រូវ « ចាំយាមហើយអធិស្ឋានជានិច្ច » (នីហ្វៃទី ៣ ១៨:១៨) ។

រូបភាព
ប្រធាន ថូម៉ាស អេស ម៉នសុន

« នៅក្នុងយុគសម័យនៃភាពភ្លឺថ្លានេះ ពេលដែលភាពពេញលេញនៃដំណឹងល្អត្រូវបានស្ដារឡើងវិញ នោះអ្នក និងខ្ញុំពុំចាំបាច់ធ្វើដំណើរឆ្លងកាត់សមុទ្រ ឬដើរលើផ្លូវដែលពុំស្គាល់ដើម្បីស្វែងរកសេចក្ដីពិតនោះឡើយ ។ ព្រះវរបិតាសួគ៌ដែលពេញដោយក្ដីស្រឡាញ់ បានរៀបចំផ្លូវឲ្យយើង ហើយផ្ដល់នូវការដឹកនាំជាក់លាក់មួយ—គឺ ការគោរពប្រតិបត្តិ ។ ចំណេះដឹងមួយអំពីសេចក្ដីពិត និង ចម្លើយចំពោះសំណួរដ៏ធំរបស់យើង កើតមាននៅពេលយើងគោរពប្រតិបត្តិបទបញ្ញត្តិរបស់ព្រះ » ( ថូម៉ាស អេស ម៉នសុន « ការគោរពប្រតិបត្តិនាំមកនូវពរជ័យ » Ensign ឬ Liahona, ខែ ឧសភា ឆ្នាំ ២០១៣ ទំព័រ ៨៩ ) ។

រូបភាព
ប្រធាន ឌៀថើរ អេស្វ អុជដូហ្វ

« មិត្តភក្ដិជាទីស្រឡាញ់របស់ខ្ញុំ—សូមសង្ស័យក្តីមន្ទិលអ្នកពីមុនសង្ស័យក្ដីជំនឿអ្នក ។ យើងពុំត្រូវអនុញ្ញាតឲ្យមន្ទិលសង្ស័យចាប់យើងជាឈ្លើយ ហើយបង្ខាំងយើងពីសេចក្ដីស្រឡាញ់ព្រះ ភាពសុខសាន្ត និងអំណោយទាន ដែលបានមកពីសេចក្ដីជំនឿលើព្រះយេស៊ូវគ្រីស្ទជាដាច់ខាត » ( ឌៀថើរ អេស្វ អុជដូហ្វ « មក ចូលរូមជាមួយយើង » Ensign ឬ Liahona ខែ វិច្ឆិកា ឆ្នាំ ២០១៣ ទំព័រ ២៣ ) ។

រូបភាព
ប្រធាន ឌៀថើរ អេស្វ អុជដូហ្វ

« សាតាំងគឺជាមេបោកដ៏ធំ ‹ ចោទប្រកាន់ពីពួកបងប្អូនយើងរាល់គ្នា › [វិវរណៈ ១២:១០], បិតានៃសេចក្តីកុហក [ សូមមើល យ៉ូហាន ៨:៤៤], ជាអ្នកព្យាយាមបោកបញ្ឆោតអ្នកដើម្បី វាអាចបានឈ្នះលើអ្នកដែរ [ សូមមើល គ និង ស ៥០:៣] ។ …

« ដ្បិតអស់អ្នកដែលចាប់យកសេចក្តីពិត យុទ្ធសាស្ត្រចម្បងរបស់វានោះគឺសាបព្រោះគ្រាប់ពូជនៃការមន្ទិលសង្ស័យ ។ ឧទាហរណ៍ វាបានធ្វើឲ្យសមាជិកសាសនាចក្រជាច្រើន ជំពប់ជើងដួល នៅពេលពួកគេឃើញព័ត៌មានអំពីសាសនាចក្រដែលហាក់បីដូចជាផ្ទុយនឹងអ្វីដែលពួកគេធ្លាប់បានរៀនពីមុន ។

« បើសិនអ្នកឆ្លងកាត់បទពិសោធន៏បែបនេះ សូមចងចាំថា ជំនាន់នៃព័ត៌មាននេះមានមនុស្សជាច្រើនបង្កើតការសង្ស័យអំពីអ្វីៗគ្រប់យ៉ាង នៅគ្រប់ពេលវេលា និង គ្រប់ទីកន្លែង ។ …

« …ហើយវាតែងតែជាការណ៍ល្អដើម្បីចាំថា ដោយសារអ្វីដែលបានបោះពុម្ពលើកាសែត លើអ៊ិនធើរណែត កើតឡើងជាញឹកញាប់ដដែលៗ ឬ មានក្រុមដ៏មានអំណាចមួយនៃអ្នកដែលដើរតាមពុំបានធ្វើឲ្យវាពិតឡើយ ។

« ពេលខ្លះ ព័ត៌មានមិនពិតបានប្រកាស តាមរបៀបនោះដែលវាមើលទៅគួរឲ្យជឿបាន ។ …

« …ឥឡូវអ្វីដែលមើលទៅហាក់បីដូចជាផ្ទុយ អាចត្រូវបានយល់យ៉ាងល្អ នៅពេលយើងស្វែងរក និងទទួលព័ត៌មានដែលគួរឲ្យទុកចិត្តបាន » ( ឌៀថើរ អេស្វ អុជដូហ្វ « តើសេចក្តីពិតគឺជាអ្វី ? » [ ការប្រជុំធម្មនិដ្ឋានប្រព័ន្ធអប់រំសាសនាចក្រ ថ្ងៃទី ១៣ ខែ មករា ឆ្នាំ ២០១៣ ] lds.org/broadcasts ។

រូបភាព
អែលឌើរ ដាល្លិន អេក អូក

« ពេលយើងចាប់ផ្ដើមដោយវាស់ស្ទង់ការអនុវត្តន៍សម័យទំនើប និងសំណើរប្រឆាំងនឹងអ្វីដែលយើងបានដឹងពីផែនការនៃព្រះអម្ចាស់ និងផលដែលផ្ដល់ឲ្យក្នុងព្រះបន្ទូលនៃព្រះអម្ចាស់ និងការបង្រៀននៃព្យាការីដែលរស់នៅរបស់ទ្រង់…នោះយើងដឹងថាការណ៍នេះនាំយើងឲ្យនៅលើផ្លូវសុវត្ថិភាពអស់កល្បជានិច្ច » ( ដាល្លិន អេក អូក « As He Thinketh in His Heart » [ ល្ងាចមួយជាមួយអែលឌើរ ដាល្លិនអេច អូក ថ្ងៃ ទី ៨ ខែ កុម្ភៈ ឆ្នាំ ២០១៣ ], lds.org/broadcasts) ។

រូបភាព
អែលឌើរ ជែហ្វ្រី អ័រ ហូឡិន

« ក្នុងវេលានៃការភ័យខ្លាច ឬការសង្ស័យ ឬពេលដែលមានបញ្ហា សូមកាន់ខ្ជាប់ទៅនឹងទីតាំងដែលអ្នកបានឈ្នះរួចហើយ បើទោះបីជាទីតាំងនោះមានកំណត់ក្ដី ។ …ពេលគ្រាទាំងនោះមកដល់ ហើយ បញ្ហាបញ្ចេញនៅផ្ទៃខាងលើ ដំណោះស្រាយមិនកើតភ្លាមទេ សូមកាន់ខ្ជាប់ទៅនឹងអ្វីដែលអ្នកបានដឹងរួចហើយ ហើយឈរយ៉ាងរឹងមាំ រហូតដល់ចំណេះដឹងបន្ថែមទៀតមកដល់ » ( ជែហ្វ្រី អ័រ ហូឡិន « ខ្ញុំជឿហើយ លោកម្ចាស់អើយ » Ensign ឬ Liahona, ខែ ឧសភា ឆ្នាំ ២០១៣ ទំព័រ ៩៣–៩៤ ) ។

រូបភាព
អែលឌើរ នែល អិល អាន់ឌើរសិន

« យើងអានរំឭកដល់អ្នកសួរដោយស្មោះនោះថា ព័ត៌មានលើអ៊ិនធើរណិត ពុំបានចម្រាញ់ភាពមិន ‹ ពិត › ចេញទេ ។ ព័ត៌មានមួយចំនួន មិនថាវាមានការបញ្ចុះបញ្ចូលយ៉ាងណាទេ វាមិនពិតឡើយ » ( នែល អិល អាន់ឌើរសិន « យ៉ូសែប ស៊្មីធ » Ensign ឬ Liahona, ខែ វិច្ឆិកា ឆ្នាំ ២០១៤ ទំព័រ ២៩ ) ។

រូបភាព
អែលឌើរ ប៉ុលវី ចនសុន

« ចម្លើយទៅនឹងសំណួរខាងវិញ្ញាណ ត្រូវបានផ្ដល់ដល់បុគ្គលទាំងឡាយដែលគ្មានភាពរឹងទទឹងនៅក្នុងដួងចិត្ត អ្នកដែលទូលសូមដោយសេចក្ដីជំនឿ ជឿថាពួកគេនឹងទទួលបាន និងអ្នកដែលព្យាយាមគោរពប្រតិបត្តិតាមព្រះបញ្ញត្តិទាំងឡាយ » ( ប៉ុលវី ចនសុន « A Pattern for Learning Spiritual Things » [Church Educational System address to religious educatorsថ្ងៃទី ៧ ខែ សីហា ឆ្នាំ ២០១២ ], si.lds.org) ។

រូបភាព
អែលឌើរ ណែល អេ. ម៉ាកស្វែល

« ការសិក្សាអំពីសាសនាចក្រ…តាមរយៈកែវភ្នែកបះបោររបស់ខ្លួន [ គឺ ] ដូចជាការសម្ភាសន៍សាសន៍យូដាដើម្បីបានយល់ពីព្រះយេស៊ូវគ្រីស្ទ »( នែល អេ. ម៉ាកស្វែល « All Hell Is Moved » [ ការប្រជុំធម្មនិដ្ឋានសាកលវិទ្យាព្រិក ហាំ យ៉ង់ ថ្ងៃទី ៨ ខែ វិច្ឆិកា ឆ្នាំ ១៩៧៧ ], ទំព័រ ៣ speeches.byu.edu) ។