Burimet

Veprim dhe Zotim

Zgjidhini dhe interpretojini rolet në vijim.

ANËTARI 1 I GRUPIT: Ne besojmë te bërja dhe mbajtja e zotimeve. Në grupet tona të mbështetjes te vetja, çdo gjë që bëjmë ndërtohet rreth bërjes së zotimeve dhe raportimit.

ANËTARI 2 I GRUPIT: Në fund të një mbledhjeje të grupit, ne i shqyrtojmë veprimet tona për javën dhe shtojmë nënshkrimin tonë për të treguar zotimin tonë. Ne zgjedhim edhe një “partner në veprim”. Partneri në veprim e nënshkruan fletoren tonë të punës për të na dhënë mbështetje. Dhe çdo ditë ndërmjet mbledhjeve, ne komunikojmë me partnerin tonë në veprim, për të raportuar për veprimet tona dhe për të marrë ndihmë kur na nevojitet.

ANËTARI 3 I GRUPIT: Ndërmjet mbledhjeve, ne e shenjojmë përparimin tonë te fletorja e punës dhe i përdorim mjetet e dhëna, të tilla si fletët e punës ose formularë të tjerë. Dhe nëse na nevojitet ndihmë shtesë, ne mund të komunikojmë me familjarët, miqtë tanë ose ndërmjetësit.

ANËTARI 4 I GRUPIT: Në fillim të mbledhjes sonë të radhës, ne kthehemi dhe raportojmë për zotimet tona. Kjo duhet të jetë një përvojë e rehatshme, e fuqishme për çdokënd. Teksa çdo anëtar i grupit raporton, mendoni se si ai ose ajo u ndihmua nga bërja e zotimeve dhe nga raportimi i përparimit.

ANËTARI 1 I GRUPIT: Herën e parë që raportova për zotimet e mia, mendova: “Kjo është e çuditshme”. Përse anëtarëve të mi të grupit u intereson ajo që bëra unë? Por më pas zbulova se ata interesoheshin njëmend. Dhe ajo më ndihmoi.

ANËTARI 2 I GRUPIT: Unë kuptova se nuk doja ta zhgënjeja grupin tim. Prandaj punova fort që t’i mbaja zotimet e mia. Nuk jam i sigurt nëse do të kisha përparuar sistematikisht në ndonjë mënyrë tjetër. Raportimi në çdo mbledhje vërtet më ndihmoi mua për përparësitë e mia.

ANËTARI 3 I GRUPIT: Kur mendova për shtegun tim drejt mbështetjes te vetja, u frikësova sepse ishte diçka kaq e madhe. Por mbledhjet e grupit më ndihmuan ta ndaj atë në hapa të vegjël. Dhe unë në çdo hap i raportoja grupit tim. Më pas pata një përparim të vërtetë. Mendoj se ky sukses rrodhi nga krijimi i zakoneve të reja.

Kthehuni te faqja 13.

Kërkimi i Përshpejtuar për Vend Pune (Veprimtari me Dëshirë)

Studiojini dhe vërini në zbatim këto materiale për ta nxituar kërkimin tuaj për vend pune! Ju mund të punoni për këtë me familjen tuaj, një anëtar të grupit ose një mik tjetër apo këshilltar.

Shihni:“Rafael: Job in 6 Days!” [“Rafaeli: Vend Pune brenda 6 ditësh!”] (Për ta parë materialin filmik, shkoni te srs.lds.org.)

Diskutoni:Çfarë e ndihmoi Rafaelin që të kishte sukses në kërkimin e tij për vend pune?

Lexoni:Kërkimi i Përshpejtuar për Vend Pune është një strategji e fuqishme dhe e përditshme kërkimi për vend pune. Në disa zona, kjo qasje e ka pakësuar kohën për të gjetur një vend pune nga 200 ditë në 20 ditë! Ajo kërkon përpjekje të mëdha. Ajo përfshin tri veprimtari të përditshme:

• Përcaktoni 15 burime të reja.

• Krijoni 10 kontakte.

• Bëni 2 takime ose intervista ballë për ballë.

Shihni:“Daily Job Search: Resources” [“Kërkimi i Përditshëm për Vend Pune: Burimet”] (Për ta parë materialin filmik, shkoni te srs.lds.org ose lexoni sa vijon.)

• Nëpërmjet shkrimeve, ne marrim mësimin se “njerëzit duhet të përfshihen me zell në një kauzë të mirë dhe të bëjnë shumë gjëra me vullnetin e tyre të lirë. … Sepse është në ta fuqia, me anë të së cilës ata janë veprues për veten.” Dhe ky urdhërim vjen me një premtim: “Për aq sa njerëzit të bëjnë mirë, ata në asnjë mënyrë s’do ta humbasin shpërblimin e tyre” (DeB 58:27–28).

• Kërkuesit e efektshëm për vend pune e kuptojnë se “është në ta fuqia” dhe se Perëndia do t’i ndihmojë teksa ata “përfshihen me zell”. Konkretisht, ne do të diskutojmë për një strategji të vërtetuar kërkimi për vend pune me tri pjesë. Quhet Kërkimi i Përshpejtuar për Vend Pune.

• E para, kërkuesit e suksesshëm për vend pune mësojnë të përcaktojnë 15 burime të reja përditë. E dyta, ata bëjnë 10 kontakte çdo ditë. Dhe e treta, ata mbajnë së paku 2 takime ose intervista ballë për ballë çdo ditë.

• Në fillim Kërkimi i Përshpejtuar për Vend Pune mund të duket dërrmues. Por teksa e diskutojmë çdo element, do ta shihni se është me të vërtetë i mundur – dhe i suksesshëm!

• Le të fillojmë me burimet. Çfarë është një burim? Një burim është një njeri, vend apo gjë që mund të ndihmojnë për ta drejtuar një kërkues për vend pune drejt një mundësie të mundshme.

• Njerëzit mund të përfshijnë miqtë dhe familjen, anëtarët dhe udhëheqësit e Kishës, punëdhënësit apo kolegët, mësuesit e shkollave dhe këshilluesit për karrierën, njerëzit në dyqan – pothuaj cilindo që mund t’ju japë informacion të dobishëm, dhe burime të tjera.

• Vendet përfshijnë dhomat e tregtisë, dikasteret vendore të punësimit dhe shoqatat qytetare ose profesionale. Secila prej këtyre ofron informacion që mund të ndihmojë.

• Dhe gjërat që do ta zgjerojnë kërkimin tuaj, përfshijnë numëratorët e biznesit dhe ata telefonikë, faqet e kompanive në internet, interneti, botimet dhe revistat tregtare, gazetat dhe mjete të tjera informacioni.

• Bëni një listë me së paku 15 prej këtyre çdo ditë!

Ushtrohuni:Ndajeni një fletë letre në tri kolona. Shkruani “Burimet”, “Kontaktet” dhe “Takimet” në krye të kolonave. Filloni ta plotësoni këtë letër që tani duke renditur sa më shumë burime që të mundeni në kolonën e parë. Këto janë njerëz, vende dhe gjëra që kanë informacion për t’ju ndihmuar! Këtu janë disa shembuj. Do t’i plotësoni kolonat e tjera më vonë.

BURIMET (bëni një listë)	KONTAKTET (telefoni, adresa e postës elektronike)	TAKIMET (ballë për ballë)
Faqet e Internetit	Anëtarët e Kuorumit ose të Shoqatës së Ndihmës	Punëdhënësit e mundshëm
Gazetat	Njerëzit me të cilët keni punuar	Mësuesit e shtëpisë
Punësimi	Mësuesit	Anëtarët e Kishës
Qendra për mbështetjen te vetja	Njerëzit që i takoni në një dyqan

Shihni:“Daily Job Search: Contacts” [“Kërkimi i Përditshëm për Vend Pune: Kontaktet”] (Për ta parë materialin filmik, shkoni te srs.lds.org ose lexoni sa vijon.)

• Tani le të flasim rreth kontakteve. Një kontakt nuk është thjesht dërgimi i një jetëshkrimi apo plotësimi i një kërkese. Nga të gjitha burimet që keni përcaktuar, do t’ju duhet thjesht të bëni 10 kontakte të lidhura me punësimin.

• Kontaktet përfshijnë çdo ndërveprim të lidhur me punësimin që keni me njerëzit: bërja e kërkesës për një punë; dërgimi i një jetëshkrimi apo i një pusulle falënderimi; njoftimin e miqve, familjes dhe të anëtarëve të Kishës që po kërkoni punë – mesazhet me celular ose mesazhet elektronike funksionojnë. Mund të ndërveproni edhe me kontakte të tjera rrjeti dhe, sigurisht me punëdhënës të mundshëm. Kërkoni mundësi të ndryshme për të ndërvepruar me njerëzit dhe për t’i vënë ata në dijeni se po kërkoni punë. Shumica e njerëzve do t’ju njohin me kënaqësi me njerëz të tjerë që njohin. Këto lidhje çojnë në intervista, të cilat çojnë në vende pune!

Ushtrohuni:Tani, përdoreni letrën tuaj për të renditur sa më shumë njerëz të jetë e mundur, me të cilët mund të viheni në kontakt përpara mbledhjes së radhës. Kujtohuni – mos kini siklet! Gjeni një mënyrë për të bërë 10 në ditë!

Shihni:“Daily Job Search: Meetings” [“Kërkimi i Përditshëm për Vend Pune: Takimet”] (Për ta parë materialin filmik, shkoni te srs.lds.org ose lexoni sa vijon.)

• Së fundi, kërkuesit e efektshëm për vend punë e kanë mësuar vlerën e takimit të njëmendtë me së paku 2 njerëz ballë për ballë çdo ditë. Ky mund të jetë veprimi juaj më me vlerë i çdo dite. Përse? Takimet ose intervistat ballë për ballë lejojnë komunikim dhe mirëkuptim më të mirë. Njerëzit shpesh “flasin” më së shumti nëpërmjet gjuhës së trupit dhe shprehive të fytyrës. Dhe këto mesazhe që nuk thuhen me gojë, nuk shkojnë dot nëpërmjet mesazhit elektronik apo telefonit. Nga afër, njerëzit mund ta shohin dhe ta ndiejnë sa i mrekullueshëm jeni!

• Gjithashtu, takimet ballë për ballë shpesh ju lejojnë juve ta shihni dhe ndieni mjedisin ku mund të punoni. Mund të vëzhgoni se si ndërveprojnë njerëzit, sa miqësorë apo të lumtur janë, suksesin e organizatës, çfarë nevojash apo mundësish gjenden dhe si mund t’i përmbushni ato nevoja. Intervistat e çdo lloji janë mundësi të shkëlqyera!

• Tani, jo të gjitha takimet ballë për ballë duhet të jenë me punëdhënës të mundshëm. Ju mund të takoheni edhe me kontakte të tjera, përfshirë miqtë, familjen dhe miqtë e miqve, si dhe sekretaret, mësuesit, këshilluesit ose njerëzit e tjerë që bëjnë atë lloj pune që ju doni të keni. Thjesht takohuni me njerëz! Thuajuani atyre deklaratën tuaj “unë në 30 sekonda” dhe përdoreni pyetjen përmbyllëse për të pyetur për udhëzime për vendin e punës dhe për njerëz të tjerë me të cilët të takoheni. Vazhdoni ta provoni, ta shitni vlerën tuaj dhe të kërkoni ndihmë dhe këshilla. Gjëra të mrekullueshme do të ndodhin!

• Ky është Kërkimi i Përshpejtuar për Vend Pune! Çdo ditë, po të përcaktoni 15 burime dhe të bëni 10 kontakte, pasja e 2 takimeve ballë për ballë do të jetë e lehtë. Do të mahniteni nga fakti se sa e nxiton kjo kërkimin tuaj për vend pune! Bëjeni atë me besim të madh dhe do t’ju hapen dyer që nuk i menduat kurrë të mundura.

Ushtrohuni:Tani përdoreni letrën tuaj për të renditur sa më shumë njerëz të jetë e mundur, me të cilët mund të takoheni ballë për ballë përpara mbledhjes sonë të radhës. Mendoni për kohën dhe vendin ku mund t’i takoni. Kujtohuni që ta përdorni deklaratën tuaj “unë në 30 sekonda” në çdo mbledhje.

Shihni:“Daily Job Search: Putting It All Together” [“Kërkimi i Përditshëm për Vend Pune: Vënia e të Gjithave së Bashku”] (Për ta parë materialin filmik, shkoni te srs.lds.org ose lexoni sa vijon.)

• Tri pjesët e Kërkimit të Përshpejtuar për Vend Pune nuk janë veprimtari të ndara. Teksa veproni, do ta shihni se burimet janë gjithandej. Niseni çdo ditë duke i shtuar emra listës suaj. Dhe ndërsa bëni kështu, do të mendoni mënyra për t’u vënë në kontakt me njerëz dhe kontaktet do të çojnë natyrshëm drejt takimeve.

• Grupi juaj i mbështetjes te vetja është një vendburim i shkëlqyer burimesh, kontaktesh dhe takimesh. Kështu janë dhe bashkanëtarët e Kishës, fqinjët ose kolegët në punë. Vazhdoni t’i shtoni burimet tuaja ndërsa bëni kontakte. Kërkoni më shumë kontakte kur të keni takime ballë për ballë. Kërkoni më shumë intervista me çdokënd që takoheni.

• Përdoreni deklaratën tuaj “unë në 30 sekonda”. Kërkimi i Përshpejtuar për Vend Pune është i mundur dhe mund të jetë zbavitës pasi të keni filluar. Ndaj, mos prisni. Bisedoni me të gjithë. Kërkojeni gjithnjë udhërrëfimin e Frymës së Shenjtë dhe qëndroni të denjë. Mbani shënime të mira dhe ndiqeni ecurinë. Teksa lëvizni, Zoti do t’jua tregojë udhën.

Ushtrohuni:Tani vështrojeni letrën tuaj. Çfarë do të bëni fillimisht? Bëni një plan për të gjetur burime, për të bërë kontakte dhe për të mbajtur takime ballë për ballë çdo ditë. Vendosni kur mund ta bëni atë dhe kërkojini familjes ose partnerit tuaj në veprim që t’ju ndihmojë.

Gjurmojeni përparimin tuaj me tabelën në faqen tjetër. Gjurmojini kontaktet tuaja me Formularin e Ndjekjes së Ecurisë së Kontakteve në faqen 20. Bëni plot kopje.

Formulari i Kërkimit të Përshpejtuar për Vend Pune

Shenjojini kutitë teksa e plotësoni çdo veprim dhe shtoni shënime.

DITA 1
Burimet: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Kontaktet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Mbledhjet: ☐ ☐	Gjithsej në Ditë
Shënime:

DITA 2
Burimet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Kontaktet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Mbledhjet: ☐ ☐	Gjithsej në Ditë
Shënime:

DITA 3
Burimet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Kontaktet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Mbledhjet: ☐ ☐	Gjithsej në Ditë
Shënime:

DITA 4
Burimet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Kontaktet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Mbledhjet: ☐ ☐	Gjithsej në Ditë
Shënime:

DITA 5
Burimet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Kontaktet: ☐ ☐ ☐ ☐ ☐ ☐ ☐ ☐ ☐ ☐	Gjithsej në Ditë
Mbledhjet: ☐ ☐	Gjithsej në Ditë
Shënime:

Formulari për Ndjekjen e Ecurisë me Kontaktin
Kontakti

Personi ose organizata:

Telefoni:

Adresa:

Posta Elektronike:

Më rekomandoi:

U vura në kontakt me këtë person

• Po

• Jo

Data:

Çështjet e diskutuara:

1.

2.

3.

Veprimtari për ndjekjen e ecurisë:

1.

Të plotësohet deri më (data)

2.

Të plotësohet deri më (data)

3.

Të plotësohet deri më (data)

Rekomandime të reja:

1. Emri:

Telefoni:

Faksi:

Adresa e Postës Elektronike:

Adresa:

2. Emri:

Telefoni:

Faksi:

Adresa e Postës Elektronike:

Adresa: