Mo Fautua

Aso o le fonotaga:

• Tesi pe valaau i tagata o le vaega, pe a o ia te oe a latou faamatalaga e faafesootai ai. Fesili atu pe latou te o mai i le fonotaga. Valaaulia i latou e taunuu vave mai i le 10 minute e saini le tauvalaauga.

• Saunia mea e manaomia o le fonotaga:

  • Aumai se kopi o lenei tusigaluega ma le tamaitusi O Lou Faavae: Mataupu Faavae, Tomai, Uiga mo tagata taitoatasi o le vaega.

  • Aumai nisi kopi se lima o le tamaitusi O Lou Ala i le Ola-Tutoatasi nei le maua e tagata o le vaega se kopi.

  • Saunia se ala e faaali ai vitio, pe a mafai.

  • Leai ni tusi po o vitio? E mafai ona e maua i le initoneti i le srs.lds.org.

30 minute ae lei amataina le fonotaga:

• Seti nofoa faataamilo i se laulau ina ia mafai e tagata uma ona felatai.

  • O le fautua e le tu i le taimi o le fonotaga ma e le nofo foi i le ulu o le laulau. O le fautua e le tatau ona totonugalemu i ai le taulai ae e tatau ona fesoasoani i tagata o le vaega ia taulai le tasi i le isi.

10 minute ae lei amataina le fonotaga:

• Faafeiloai tagata o le vaega ma le filemu ao latou taunuu mai. Aoao o latou igoa.

• Pasi atu se fasi pepa ma fai atu i tagata o vaega e tusi o latou igoa atoa, uarota po o paranesi, ma aso fanau (aso ma masina, e le o le tausaga).◦

  • A uma fonotaga a vaega, alu i lesrs.lds.org/report ma mulimuli i faatonuga e resitala tagata uma o vaega.◦

  • A uma le fonotaga muamua, fai se lisi e faafesootai ai e faasoa atu i le vaega.

• Tofi se tasi e vaaia le taimi ina ia tumau ai le vaega i le faatulagaga. Fai ia te ia e seti le taimi e pei ona faatonuina i le tusi.◦

  • Mo se faataitaiga, o le a e vaai i faatonuga ua faapea mai “Taimi: Seti le taimi i le 60 minute mo le vaega o le Aoao.” O le tagata e vaaia le taimi o le a setiina le taimi i se telefoni po o se uati, po o se isi masini ma o le a tau maia i le vaega pe a uma le taimi. Ona filifili lea o le vaega pe amata le isi vaega pe faaauau la latou talanoaga mo ni nai minute.

I le taimi amata:

• Fai atu: “Afio maia i lenei vaega o le ola-tutoatasi.”

• Fai i tagata e tape a latou telefoni ma nisi masini.

• Fai atu le mea lenei:

  • “O se vaega lenei o le ola-tutoatasi e taua ‘Amataina ma Faaola Lau Pisinisi.’ Pe o outou uma ua iinei e amata pe faaola se pisinisi?

  • “O le Tupe Faaagaga mo Aoaoga e le faia ni nonogatupe mo pisinisi. Ae e oo atu i le faaiuga o nei fonotaga, o le a sili atu lou saunia e fai filifiliga e uiga i nonogatupe mai tagata fai nonotupe o le lotoifale.◦

  • “O le a tatou fono faa 12. O fonotaga taitasi o le a alu ai pe a ma le lua itula. O le a tatou faaalu foi le tasi i le lua itula o aso uma e tausia a tatou tautinoga lena o le a fesoasoani i la tatou pisinisi. Pe o le a e faia lenei tautinoga o le taimi?”

• Fai se tatalo amata (ma se pese, pe a manaomia ).

• Fai atu upu nei:

  • “O taimi uma lava tatou te fono ai, tatou te amata i se autu mai le tamaitusi e taua Lou Faavae: Mataupu Faavae, Tomai, Uiga. O lenei mea o le a fesoasoani ia i tatou e aoao ma ola i mataupu faavae, tomai, ma uiga na e taitai atu i le ola-tutoatasi faaleagaga ma le faaletino.◦

  • “O le a tuu atu e le Agaga Paia ia te oe manatu i le vaiaso atoa. Tusi ou manatu ma faia loa. Ao e faia, o le a faamanuia oe e le Alii ma faia Ana vavega i lau pisinisi.”

• Seti le taimi i le 20 mo Lou Faavae.

• Faitau le tusi o le folasaga a le Au Peresitene Sili i le itulau 2 o Lou Faavae. Ona faauma lea mataupu faavae 1 i lena tamaitusi ma toe foi i lenei tusigaluega.