Punaoa
Aua le Tapeina Moa: Vaega I
Filifili tofiga ma faatino le vaega lenei.
FAATULAGAGA: O Maria ua i ai ni nai ana moa ma ua mafai ona tausia lona aiga ma faatau atu fuamoa i faleoloa o le lotoifale ma faleaiga. O Mateo, le tuagane o Maria, ua asiasi mai.
MATEO: Maria!
MARIA: Talofa, Mateo. O a mai oe?
MATEO: Lelei a mea uma. Oka! Vaai i nei mau fuamoa. Ua lelei lava lau pisinisi!
MARIA: Ioe, ma ou te faafetai ai lava. O loo ou faaaogaina mea na ou aoao i lau vaega o le faigaluega tu-toatasi. Na ou tausia uma au tautinoga ma ua aoga lava! Ua faamanuiaina moni lava i matou e le Alii. Ua tauia uma lava galuega mamafa.
MATEO: Matuai manaia tele! Atonu e tatau ona ou auai foi i se vaega. Ae ui i lea, e i ai sau tala fiafia, foi! Ua ou maua se fale mautotogi mo lou aiga! Ua iu lava ina mafai nei ona matou maua se vai paipa—ma se faamalama! Sei vagana ai e leo atoa lelei sau tupe i le taimi nei. Ou te manaomia se 1000 e o ai i le fale. Ou te le manao e misi lenei nofoaga, Maria. E fetaui lelei mo i matou. E mafai ona e fesoasoani mai ia te a’u?
MARIA: Mateo, ou te fia fesoasoani ia te oe, ma atonu e mafai ona ou tuuina atu ia te oe se 1000, ae e tatau la ona ou faatau atu au moa.
Toe foi i itulau 66
Aua le Tapeina Moa: Vaega 11
Feauauai i le faitauina o parakalafa nei.
Vaai faalemafaufau o loo e faigaluega i se faletalimalo. Pe mafai ona e ave ni tupe mai le faletalimalo i soo se taimi e te manao ai? Pe mafai e lou tuagane ona ave ni tupe i soo se taimi na te manao ai? Atonu latou te tuu o ia i le falepuipui!
Ia mafaufau nei i lau pisinisi. E manaomia e lau pisinisi ona faaola ma manuia ina ia mafai ona e tausia le poloaiga ia ola-tutoatasi. O lau pisinisi o se mea faigaluega e mafai ona faaaoga e le Alii e faamanuia ai oe. Afai e manuia, o le a mafai ona e faamanuia ai isi e toatele. Ma, e faapefea ona e puipuia lau pisinisi ina ia manuia? Pe tatau ona e ave tupe mai lau pisinisi i soo se taimi mo manaoga patino? Pe tatau i lou tuagane po o se tuaoi?
O le ki lenei: o oe ma lau pisinisi e eseese! E tatau ona eseese nofoaga e teu ai tupe o le pisinisi ma tupe patino. E mafai ona e faaaoga ni pusa eseese po o teugatupe eseese i le faletupe. E te manaomia foi le tausia o faamaumauga eseese mo le pisinisi ma tupe patino: eseese nofoaga ma eseese faamaumauga.
Ae, faapefea la ona e ave tupe mai lau pisinisi mo lou aiga?
Ia, e faapefea ona fai lenei mea pe afai e te faigaluega i se isi? O lena tagata po o le pisinisi o le a totogi oe i se totogi, e sao? Pe afai o oe o se faatauoloa, atonu e totogi oe e le pisinisi i se komisi. O lou totogi po o le komisi o le a avea ma au tupe maua—ma o le a e totogi lau sefuluai i lenei tupe maua. Ona e faaalu lea o le vaega o totoe mo ou manaoga patino, e pei o meaai po o lavalava—pe oo lava i le fesoasoani i lou tuagane.
I le avea ai ma se faipisinisi, e tatau ona e totogia oe lava ia i se totogi—o se aofaiga faapitoa i vaiaso uma, mo se faataitaiga. Afai e le lava tupe i lau pisinisi e totogi ai se totogi masani, e mafai ona e totogi pea oe lava i se komisi—o se pasene o faatau. Soo se auala, le totogi po o se komisi e avea ma au tupe maua patino. E te totogia lau sefuluai i lenei tupe maua. Ona e mafai lea ona faaaoga le isi vaega i meaai, lisi, vai o le falemai, ma teugatupe.
O se laasaga faigofie lenei—tuu eseeseina o tupe o lau pisinisi ma tupe patino—o le a puipuia uma oe ma lau pisinisi. O lau pisinisi e mafai ona ola ma manuia. Ma o le a e iloa po o a tupe mai lau tusi tupe patino e mafai ona e faaaoga ma faasoa atu.
Toe foi i itulau 67
Aua le Tapeina Moa: Vaega 111
Filifili tofiga ma faatino lenei vaega.
MARIA: Mateo, afai ou te faatauina atu au moa, ua e iloa le mea o le a tupu i lau pisinisi, a ea? O le a leai ni au fuamoa e faatau atu. Ona pe ai lea o lau pisinisi. Ona faapefea lea ona ou fafagaina lou aiga? Ou te faamalie atu. Ou te faamoemoe e mafai ona e malamalama e le mafai ona ou aveese ni tupe mai le pisinisi i soo se taimi ou te manao ai. Ua na ona ou totogia au lava i se totogi masani. O le isi vaega o le tupe e mo le faatumauina o le pisinisi ma fesoasoani ia ola, ina ia mafai ona matou ola-tutoatasi. Ua mafai ona matou ola-tutoatasi ina ia mafai ona matou faamanuia ai isi.
MATEO: Ou te malamalama.
MARIA: Ae ui i lea, e i ai lau 200 mai lau teugatupe patino e mafai ona ou avatu ia te oe, pe afai o le a fesoasoani ia te oe.
MATEO: O le mea moni lava, o le a fesoasoani tele lena. Faafetai lava, Maria.
MARIA: E le afaina. Ou te faafetai ua mafai ona i ai si au fesoasoani laitiiti.
Toe foi i itulau 67
Lau Pisinisi Vai: Tali Autu
Toe foi i itulau 70