Folasaga
Pe mafai e lenei vaega ona fesoasoani ia te au e amataina ma faaola lau pisinisi?
E le faigofie ona amataina se pisinisi, ae o lau vaega o le ola-tutoatasi o le a fesoasoani ia te oe e aoao ai e fai filifiliga atamai o le pisinisi. I fonotaga a le vaega, o le a e tautino ai e fai faatinoga faapitoa. O le a tuu atu e le vaega ia te oe ni manatu fou ma uunaia oe. O le sini a lenei vaega e le na o le fesoasoani ia te oe i lau pisinisi; e fesoasoani foi ia te oe e faatino i le usiusitai e sili atu ma le faatuatua i le Alii ma maua Ana faamanuiaga folafolaina o le ola-tutoatasi faaletino ma faaleagaga.
O le a le vaega o le ola-tutoatasi?
O se vaega o le ola-tutoatasi e ese mai le tele o vasega, lesona, ma vasega faatino o le Ekalesia. E leai ni faiaoga, taitai, po o aoao. O tagata o le vaega e aoao faatasi ma lagolago ma uunaia e le tasi le isi. Tatou te tuu atu i le tasi ma le isi e tali atu mo a tatou tautinoga ma tatou te fefautuaai faatasi e foia faafitauli.
O a mea e fai e tagata o le vaega?
I fonotaga, o tagata o le vaega e tautino atu e faatino. E le gata ina tatou aoao e faapea foi ona faimea na e faia i tatou ia ola-tutoatasi. Tatou te faia tautinoga, fesoasoani le tasi i le isi e tausia tautinoga, ma lipoti lo latou alualu i luma. Ona o le vaega e galulue o se fono faamaopoopo, e taua le auai soo i fonotaga ma i le taimi sao. Ia aumai i taimi uma lenei tusi o galuega ma tamaitusi Lou Faavae: Mataupu faavae, Tomai, Uiga ma Lou Ala i le Ola-Tutoatasi. O fonotaga taitasi a le vaega e tatau ona pe a ma le lua itula le umi. O le faatinoina o a tatou tautinoga o le a faaalu ai le tasi i le lua itula i le aso.
O a mea a se fautua e fai?
O fautua e le o ni tagata faapitoa i pisinisi po o aoaoga. Latou te le taitai pe aoaoina le vaega. Latou te fesoasoani i le vaega e mulimuli tonu lava i mea ua tuuina mai e pei ona tusia. O se tagata faapitoa o le ola-tutoatasi e fautuaina fonotaga a le vaega; ae ui i lea, o tagata o le vaega e mafai ona tofia e fautua pe a uma ni nai vaiaso, pe a manaomia. Ina ia aoao atili, tagai i le Leader Guide ma vitio i le srs.lds.org.
Tusi Faamaonia o le Faamaeaina
O tagata o le vaega e auai i fonotaga ma tausia tautinoga o le a agavaa e maua tusipasi e lua a le LDS Business College: o se tusipasi i le faagasologa o le amataina o se pisinisi (tagai itulau 197–98 mo mea e manaomia) ma se tusi faamaonia o le ola-tutoatasi (tagai itulau 29 i Lou Faavae).