Lipoti

Pe na ou tausia a’u tautinoga?

Taimi:Seti le taimi i le 20 minute mo le vaega o le Lipoti.

Faitau:Se’i o tatou faia se lipoti i o tatou tautinoga. O i latou o e na tausia a latou tautinoga uma, faamolemole ia tutulai i luga. (Patipati mo i latou na tausia a latou tautinoga uma.)

I le taimi lenei, tutulai i luga tagata uma. Sei o tatou toe fai faatasi la tatou faamatalaga autu:

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Ma le faatuatua i le Alii, o loo tatou galulue faatasi ina ia ola-tutoatasi.

Faitau:Tatou nonofo i lalo.

Talanoa: O le a le mea na e aoaoina a o e tausia ni faamaumauga eseese mo tupe patino ma tupe o le pisinisi? E faapefea ona fesoasoani lenei mea i lau pisinisi?

I lau api pisinisi, tusi mea sa e aoaoina e ala i le tausiaina o au tautinoga.

O le a le mea sa e aoaoina a o e totogia oe lava i se totogi ma tausia ia ese mai i lau pisinisi? O le a faapefea ona fesoasoani lenei mea i lau pisinisi?

O le a le mea ua e aoaoina e ala i le galue i lau sini faalevaiaso o lau pisinisi?