Punaoa

Faatuatua ma le Tautinoga

Filifili tofiga ma faatino le vaega lenei.

FAAMATALAUPU 1: Matou te talitonu i le faia ma tausia tautinoga. I a matou vaega o le ola-tutoatasi, o mea uma e fausia faataamilo i le faia o tautinoga ma lipoti.

FAAMATALAUPU 2: I le faaiuga o le fonotaga a se vaega, tatou te iloilo a tatou faatinoga o le vaiaso ma faaopoopo la tatou saini e faaalia ai la tatou tautinoga. Tatou te filifilia foi se paga faatino mo le vaiaso. E saini e le paga faatino la tatou tusi o galuega e folafola atu ai le lagolagoina. Ma o aso uma i le aluga o le vaiaso, tatou te fesootai atu i la tatou paga faatino e lipoti atu a tatou faatinoga ma maua ai le fesoasoani pe a manaomia.

FAAMATALAUPU 3: I le aluga o le vaiaso, tatou te faailogaina la tatou alualu i luma i le tusigaluega ma faaaoga meafaigaluega ua saunia, e pei o pepa o galuega po o isi fomu. Ma afai tatou te manaomia se isi fesoasoani, e mafai ona tatou valaau i o tatou aiga, uo, po o le fautua.

FAAMATALAUPU 4: I le amataga o la tatou fonotaga, tatou te toe foi mai ma lipoti mai ia tatou tautinoga. O lenei mea e tatau ona avea o se aafiaga lagolelei, ma mamana mo tagata uma. Mafaufau e uiga i le ala na maua ai e nei tagata le fesoasoani i le faia o tautinoga ma lipoti mai.

TAGATA O LE VAEGA 1: O le taimi muamua na ou lipoti ai au tautinoga, na ou mafaufau, “E fou lenei mea.” Aisea o le a popole ai tagata o lau vaega i mea ou te faia? Ona ou iloaina lea latou te popole moni lava. Ma o lena mea na fesoasoani ia te au.

TAGATA O LE VAEGA 2: Na ou iloaina ou te le manao e faatoilalo lau vaega. O lea na ou matuai galue malosi ai e tausia au tautinoga. Ou te le mautinoa pe ou te mafai ona alualu i luma i se isi lava auala. O le lipoti mai i vaiaso uma na fesoasoani moni lava ia te au i au mea e faamuamua.

TAGATA O LE VAEGA 3: Pe a ou mafaufau i lau ala i le ola-tutoatasi, sa ou fefe ona o se mea e matuai tele lava. Ae o fonotaga a le vaega na fesoasoani ia te au e vaevaeina i ni laasaga laiti. Ma na ou lipoti atu i laasaga taitasi i lau vaega. Ona ou alualu moni lea i luma. Ou te mafaufau o lenei manuia na maua mai i le fausia o ni uiga fou.

Toe foi i itulau 11

E faapefea ona ou faaaogaina le faafanua o le pisinisi manuia?

O aso uma i lenei vaiaso, matau, toe tepa i tua, ma mafaufau loloto i mataupu faavae o le pisinisi manuia. Asiasi i pisinisi mo le tasi pe lua itula i aso uma e mataituina i latou. Ave lau tusifaamatalaga ma lenei tusi o galuega pe a e asiasi i pisinisi o le lotoifale ina ia mafai ona e faaaogaina fesili nei ma le Faafanua o le Pisinisi Manuia (i le itulau mulimuli o lenei tusigaluega).

GAOIOIGA O ASO UMA:
Aso 1
Tagata Faatau
Mataituina po o a, o afea, ma pe fia e faatau e tagata faatau. Iloilo mataupu faavae o tagata faatau o loo faaalia i le faafanua. Tusi ou manatu iinei:
Aso 2
Faatauga
E faapefea e pisinisi ona faatau atu a latou oloa po o auaunaga? Pe mafai ona latou faaleleia? Iloilo mataupu faavae o faatau o loo faaalia i le faafanua. Tusi ou manatu iinei:
Aso 3
Tau
Mafaufau i tau a pisinisi o i ai. E faapefea ona latou faaitiitia tau? Iloilo mataupu faavae o tau o loo faaalia i le faafanua. Tusi ou manatu iinei:
Aso 4
Tupe Mama
Pe na tausia e pisinisi a latou tupe maua po o tau? Pe ana faapea o lau pisinisi, o le a faapefea ona e faamaumauina au tupe? Iloilo mataupu faavae o loo faaalia i le faafanua. Tusi ou manatu iinei:

Mo le isi lua aso, mafaufau loloto ma tatalo mo le faamautinoaga o le a faamanuia au taumafaiga e le Alii e auauna atu i se faamoemoega paia i lau lava pisinisi. Faamaumau uunaiga e te maua i aso uma ao e mafaufau i vaega taitasi o le Faafanua o Pisinisi Manuia.

Gaoioiga o Aso Taitasi:
Aso 5
Tagata Faatau
Faatau
Aso 6
Tupe Mama
Tau

Toe foi i le itulau 8