Aoao

Amataina ma Faaola La’u Pisinisi

Anotusi
Folasaga
Faasino Mataupu
1: E faapefea ona ou amataina pe faaleleia lau pisinisi?
2: O a mea e mananao tagata e faatau?
3: E faapefea ona ou faatau mai lau oloa ma fai tau e faatau atu ai?
4: E faapefea ona ou iloa pe o maua e lau pisinisi se tupe mama?
5: E faapefea ona ou tuu eseese au tupe o le pisinisi ma tupe a le aiga?
6: O faapefea mai le alualu i luma o lau pisinisi?
7: O le a faapefea ona ou faaolaina lau pisinisi?
8: E fia ou te gafatia e faagalue e faaola ai lau pisinisi?
9: E faapefea ona ou iloa pe ua tatau ona ou faaaoga se nonogatupe e faaola ai lau pisinisi?
10: O le a faapefea ona ou faatosina mai nisi tagata faatau ma fai pau talafeagai?
11: O le a faapefea ona ou faateleina au tupe mama?
12: E faapefea ona ou faaauau le faaleleia o lau pisinisi?
Pe o Ou Alualu Ea i Luma?
Tusi Faamaonia o le Faamaeaina
Faafanua o le Pisinisi Manuia

Aoao

Mata e lelei pe leaga le nonotupe?

Taimi:Seti le taimi i le 60 minute mo le vaega o le Aoao.

Talanoa: Mafaufau i se tasi e te iloa na fai se nonogatupe. Pe na fesoasoani le nonogatupe ia te ia pe na tigaina ai o ia?

Faitau:O aitalafu patino mo meafale ma aitalafu o le pisinisi e eseese.

O nonogatupe patino e faaaoga e faaalu ai e sili atu nai lo le mea tatou te mafaia. O nonogatupe faapisinisi e faaaoga e faatupu atili ai nai lo le mea tatou te gafatia ona faatupu.

Faitau le upusii i le itu taumatau. Na fautua mai perofeta ia i tatou ia aloese mai aitalafu patino.

O aitalafu o le pisinisi e mafai ona fesoasoani ia i tatou e faaola ai la tatou pisinisi. Ae o aitalafu o pisinisi e le o se filifiliga atamai i taimi uma. E tatau ona tatou iloa le taimi e “lelei” ai, e pei ona saunoa ai Peresitene Benson.

Faitau:FESILI O LE VAIASO—E faapefea ona ou iloa pe tatau ona ou faaaoga se nonogatupe e faaola ai lau pisinisi?

FAATINOGA O LE VAIASO—O le a ou (1) talanoa atu e le itiiti ifo ma le 10 tagata faatau ia iloa ai pe latou te faatau nisi oloa ma (2) asiasi atu e le itiiti ifo i tagata se toafa nonotupe ma fesili atu ia i latou le fesili i le pepa o galuega o aiaiga o nonogatupe.

I le aluga o lenei fonotaga, o le a tatou aoao ma faataitai tomai e fesoasoani ia i tatou ia iloa ai pe o se manatu lelei le nonotupe mo la tatou pisinisi.

O le a faapefea e le “fa sao” ona fesoasoani ia te au e filifili?

Maimoa:“Get a Loan?” (Leai se vitio? Faitau itulau 136.)

Talanoa: O le a faapefea ona e iloa pe o se nonogatupe o le a fesoasoani ia te oe pe olopalaina ai oe?

Faitau:Faitau leotele ma talanoaina vaega taitasi o le “Fa Sao.”

O LE FA SAO
1. Mafuaaga Sao	Faatoa fai se nonogatupe pe afai o le a fesoasoani i lau pisinisi ia faia ni tupe e sili atu.
2. Taimi Sao	Faatoa fai se nonogatupe pe afai ua lava le taimi i le pisinisi e iloa lelei ai le pisinisi ma mafai ona faaalia ai e lava tagata o le a faatau oloa o loo ou faatauina.
3. Aiaiga Sao	Faatoa fai se nonogatupe pe afai ua mafai ona e maua se tagata nonotupe lelei.
4. Aofaiga Sao	Faatoa fai se nonogatupe pe afai ua ou mafai ona faaalia ua ou iloa e mafai ona ou toe totogia.

Faataitai:Ao e maimoa i nei vitio, filifili pe e te manatu o Maria ma Carlos e mafai ona taliina fesili taitasi o le Fa Sao.

Faailoga le “Ioe,” “Leai,” po o “Le Mautinoa” mo Maria ma Carlos.

Maimoa:“Right Reason?” (Leai se vitio? Faitau itulau 137.)

Talanoa: Pe o fai e Maria ma Carlos se nonogatupe mo mafuaaga sao? Aisea pe aisea e leai ai?

MAFUAAGA MO LE NONOGATUPE	MARIA			CARLOS
MAFUAAGA MO LE NONOGATUPE	Ioe	Leai	E le Mautinoa	Ioe	Leai	E Le Mautinoa
Pe o ou nonotupe mo mafuaaga o le pisinisi ola (e le o ni mafuaaga patino)?
Pe o mea ou te faatauina i le nonogatupe o le a ou maua ai ni tupe i le taimi lava lea?
Pe sili atu le faia o se nonogatupe nai lo le teuina o le tupe e faaola ai lau pisinisi?
Pe ua ou mafaufau i tulaga lamatia uma?

Maimoa:“Right Time?” (Leai se vitio? Faitau itulau 138.)

Talanoa: Pe o nonotupe Maria ma Carlos i le taimi sao? Aisea pe aisea e leai ai?

TAIMI MO LE NONOGATUPE	MARIA			CARLOS
TAIMI MO LE NONOGATUPE	Ioe	Leai	E Le Mautinoa	Ioe	Leai	E Le Mautinoa
Pe ua lava lou taimi i le pisinisi e iloa lelei ai lau pisinisi?
Pe o se vaega lenei o le fuafuaga ua ou faia e faaola ai lau pisinisi?
Pe mafai ona ou faaalia faapea o tagata faatau o le a sili atu faatau pe a ou faatauina atu le tele o oloa?
Afai ou te faatauina se mea mo lau pisinisi (e pei o se moa po o se loli), pe o le a umi atu lona aoga nai lo le nonogatupe?

Maimoa:“Right Terms?” (Leai se vitio? Faitau itulau 139.)

Talanoa: Pe o sao aiaiga o loo nonotupe ai Maria ma Carlos? Aisea pe aisea e leai ai?

AIAIGA MO NONOGATUPE	MARIA			CARLOS
AIAIGA MO NONOGATUPE	Ioe	Leai	E Le Mautinoa	Ioe	Leai	E Le Mautinoa
Pe mafai ona ou lisiina ni tagata nonotupe se tolu i le lima?
Pe ou te iloa le tau moni o le nonogatupe?
Pe mafai ona ou faamatalaina aiaiga uma o le nonogatupe?
Pe mafai ona ou faamatalaina pe aisea e sili ai le tasi tagata nonotupe nai lo le isi?

Maimoa:“Right Amount?” (Leai se vitio? Faitau itulau 140.)

Talanoa: Pe o nonotupe Maria ma Carlos mo le aofaiga sao? Aisea pe aisea e leai ai?

AOFAIGA MO LE NONOGATUPE	MARIA			CARLOS
AOFAIGA MO LE NONOGATUPE	Ioe	Leai	E Le Mautinoa	Ioe	Leai	E Le Mautinoa
Pe ua ou faia se faamatalaga o le faaaluga o tupe mo le ono masina?
Pe mafai ona ou faia se peimeni ma maua pea ni tupe?
Afai ou te le maua ni faatau faaopoopo, pe mafai ona ou faia pea peimeni?

Faitau:Na tatou aoao pe faapefea ona faaaoga se faamatalaga o le faaaluga o tupe e iloa ai pe o lava a tatou tupe o loo i ai e fai ai peimeni. O lenei mea o le a fesoasoani ia i tatou e iloa ai pe o tatou nonoina le aofai sao.

Faataitai:A uma ona outou feiloai ma tagata nonotupe i lenei vaiaso, faaaoga le pepa o galuega i le itulau 143 e mautinoa ai e te gafatia peimeni. (Vaai i mea na tatou aoaoina i le vaiaso ua tuanai pe o e manaomia se fesoasoani e fatuina ai se faamatalaga o le faaaluga o tupe.)

Pe a le mautinoa e Maria le tali i se tasi o fesili o le Fa Sao, e fuafua o ia e saili le tali.

Ae tatou te lei nonoina ni tupe, e tatau foi ona tatou saili tali pe afai tatou te leo mautinoa. Fai i tagata o le vaega po o isi mo le fesoasoani pe a manaomia.

Pe tatau ona ou nonoina ni tupe mo lau pisinisi?

Faataitai:O ni meafaigaluega nei e faaaoga i le aluga o le vaiaso e ao mai faamatalaga e fai filifiliga. Alu i itulau 141–43. Faaalu le lima minute e vaai ai i le Lisi Siaki o le Fa Sao ma le Pepa o Galuega o Aiaiga o Nonogatupe ma talanoaina pe faapefea ona faaaogaina.