Aoao

E faapefea ona ou fesoasoani i lau pisinisi ma lou aiga?

Taimi:Seti le taimi i le 60 minute mo le vaega o le Aoao.

Faitau:Sa tatau ona tatou amata ona tausia faamaumauga o tupe a la tatou pisinisi ao sau i totonu ma alu i fafo. E lelei lena! O le a le mea e tupu pe a tatou manaomia se tupe mo manaoga patino po o le aiga?

Maimoa:“Don’t Kill the Chickens: Vaega I” (Leai se vitio? Faitau itulau 76.)

Talanoa: E manao le tuagane o Maria na te avatu ia te ia se tupe mai lana pisinisi. Ma e manao o ia e fesoasoani. Ae o lenei mea o le a afaina ai pe faaleaga ai lana pisinisi. Ma le isi foi, ua ia faapaiaina ana taumafaiga faapisinisi ia fesoasoani ia te ia ia ola-tutoatasi. O le a se mea e tatau ona fai e Maria?

Faitau:FESILI O LE VAIASO—E faapefea ona ou tuueseeseina tupe o lau pisinisi ma tupe a le aiga?

FAATINOGA O LE VAIASO—O le a ou tuueseeseina teugatupe ma faamaumauga o aso taitasi mo lau pisinisi ma tupe a le aiga, ma o le a ou totogiina atu lava i se totogi.

I lenei fonotaga, o le a tatou aoao tomai e fesoasoani ia i tatou e tali lenei fesili ma fai nei faatinoga.

Ona, i le aluga o le vaiaso, o le a tatou faia moni lava ni laasaga e tuu eseese ai tupe o le pisinisi ma tupe a le aiga. O lenei mea o le a avea o se faamanuiaga tele ia i tatou ma o tatou aiga! Sei tatou faitau le vaega o Pisinisi Manuia o le Faafanua o Pisinisi Manuia.

Aisea e tatau ai ona ou TUUESEESEINA tupe o lau pisinisi ma tupe a le aiga?

Maimoa:“Don’t Kill the Chickens: Vaega II” (Leai se vitio? Faitau itulau 77.)

Talanoa: Mai mea na e aoaoina i lenei vitio, aisea e taua ai le tuueseeseina o tupe a le pisinisi ma tupe patino ma fai sou lava totogi?

Faitau:O se faipisinisi o se pule ma se tagata faigaluega foi. O lenei mea e mafai ona tulai mai ai ni fesili malie.

O faipisinisi faamanuiaina e totogi muamua a latou sefuluai.

Ua tatou iloa o faamanuiaga maoae e oo mai le totogiina o le sefuluai ia tatou tupe maua. Afai tatou te tuueseeseina a tatou tupe o le pisinisi ma a tatou tupe patino, o le a faigofie atu ona fuafua la tatou sefuluai.

Manatua nei laasaga:

1. Teu tupe o le pisinisi ma tupe patino i ni teugatupe po o ni nofoaga eseese.

2. Tatou te totogi le sefuluai i tupe maua patino (totogi po o komisi) tatou te maua o ni totogi mai le pisinisi.

3. O tupe i totonu o le pisinisi e le faasefuluaiina. O tupe i totonu o le pisinisi e faaaoga e totogi ai tupe faaalu, totogi, ma faaola ai le pisinisi.

Talanoa: Ae a pe a manaomia e uo po o le aiga se tupe, e pei o le tuagane o Maria?

O se tasi mai le vaega e faitau pe otooto le faataoto i taupou e toasefulu mai le Mataio 25:1–13. Pe i ai ni taimi tatou te le mafai ai pe le tatau ai ona faasoa atu i se tasi e fesil mai mo se fesoasoani?

Maimoa:“Don’t Kill the Chickens: Vaega III” (Leai se vitio? Faitau iutlau 78.)

Talanoa: Pe na fai e Maria le mea sao?

O faipisinisi faamanuiaina e le gaoi mai a latou pisinisi.

Faitau:O faipisinisi faamanuiaina e le gaoi mai a latou pisinisi.

E faapefea ona ou tausia ni faamaumauga eseese?

Faitau:Ia, e faapefea la ona tatou tuueseeseina tupe o le pisinisi ma tupe patino? Tatou te tausia faamaumauga eseese! E tausia e Maria ni faamaumauga o aso uma o tupe uma e sau i totonu o lana pisinisi ma na tupe e alu uma i fafo. E tausia foi e ia faamaumauga o tupe uma e sau i totonu i lona aiga ma na tupe e alu uma i fafo. O nei faamaumauga e taua “lisi o tupe maua ma tupe faaalu.” Na te tausia lisi e matuai eseese lava e lua—e tasi mo tupe o le pisinisi ma le tasi mo tupe patino.

O tagata fai nonotupe e masani lava ona mananao e vaai i se lisi o tupe maua ma tupe faaalu o le pisinisi ae lei faia se nonogatupe. O le tausia lelei o faamaumauga o le a fesoasoani ia i tatou e saunia ai pe a tatou filifili e fai se nonogatupe e faaola ai a tatou pisinisi.

Faataitai:Vaai i lenei faataitaiga o lana lisi o tupe maua ma tupe faaalu o le pisinisi. Matau ia Aokuso 16 (le aso na fesili atu ai le tuagane o Maria mo se tupe), na i ai le 3200 o le pisinisi a Maria i lana teugatupe i le faletupe.

Lisi o Tupe Maua ma Tupe Faaalu o le PISINISI a Maria: Aokuso 14-20
Aso	Faamatalaga	Tupe Faaalu	Tupe Maua	Tupe o loo Totoe
Tupe o loo Totoe pisinisi a Maria				2600
Aokuso 14	Faatau Meaai	-300		2300
Aokuso 15	Faatauga o Fuamoa		500	2800
Aokuso 16	Faatauga o Fuamoa		400	3200
Aokuso 17	Totogi a Maria	-3000		200
Aokuso 18	Faatauga o Fuamoa		600	800
Aokuso 19	Faatauga o Meaai	-600		200
Aokuso 20	Faatauga o Fuamoa		700	900

Lisi o Tupe Maua ma Tupe Faaalu PATINO a Maria: Aokuso 14-20
Aso	Faamatalaga	Tupe Faaalu	Tupe Maua	Tupe o loo Totoe
Tupe o loo Totoe patino a Maria				600
Aokuso 14	Meaai	-100		500
Aokuso 15	Lavalava	-200		300
Aokuso 16	Pepa o le Pasi	-200		100
Aokuso 17	Totogi		3000	3100
Aokuso 17	Sefuluai	-300		2800
Aokuso 19	Meaai	-1500		1300
Aokuso 20	Lisi	-600		700

Talanoa: O le a le mea o le a tupu i tupe o le pisinisi a Maria pe a tuu atu e lana pisinisi le 1000 i lona tuagane? Pe o le a mafai ea ona ia totogia o ia lava i le 3000 i le aso e sosoo ai?

Pe tatau ona lagona e Maria le nofosala pe a le tuuina atu e lana pisinisi tupe i se tagata o le aiga o loo manaomia?

Vaai i ana lisi o le pisinisi ma lisi patino ma sue laina na e faaalia ai lona totogi. Pe mafai ona e vaai o lona totogi o se tupe faaalu i le pisinisi ae o se tupe maua i lana tupe patino?

Totogi po o le Komisi?

Afai e le lava tupe o le pisinisi a Maria e fai ai lona totogi masani, e mafai ona ia totogi ia lava i se komisi e fuafua i faatau.

Faitau:E pei ona tatou aoao muamua, e sao Maria i le totogiina o lana sefuluai i lana tupe maua patino.

O faipisinisi faamanuiaina e tausia faamaumauga o aso uma.

E faapefea ona ou TUUESEESEINA au tupe?

Faitau:Sei tatou tuueseeseina tupe o la tatou pisinisi ma tupe patino. Mo le faataitaiga, vaai faalemafaufau e i ai sau pisinisi e faatau ai vai inu.

Maimoa:“Your Water Business” (Leai se vitio? Faaauau pea.)

Faataitai:Mulimuli i nei laasaga e lima, ma faaaoga fomu i le isi itulau e tuu eseese ai au tupe o le pisinisi ma tupe patino.

1. Vaai i tupe maua ma tupe faaalu patino ma le pisinisi mo aso taitasi o le vaiaso.

2. Faamaumau tupe o le pisinisi i lau lisi o tupe maua ma tupe faaalu o le pisinisi.

3. Faamaumau tupe patino i lau lisi o tupe maua ma tupe faaalu patino.

4. Fatu sau faamatalaga o tupe maua a le pisinisi mai faamatalaga i lau lisi o le pisinisi.

5. Fatu sau faamatalaga o tupe maua patino mai faamatalaga i lau lisi patino.

Siaki lau galuega i le pepa o tali iitulau 79.

Aso Gafua 2/9 Taulia 100 fagu i le 10 i le tasi. Faatau meaai mo le aiga i le 300.

Aso Lua 3/9 Totogi 800 mo sapalai o le pisinisi. Taulia 30 fagu i le 10 i le tasi.

Aso Lulu 4/9 Totogi 500 mo pili o tamaiti aoga. Fai lou totogi i le 1000. Totogi 100 mo le sefuluai.

Aso Tofi 5/9 Totogi 500 mo le lisi patino. Faatau 10 poloka aisa i le 10 i le tasi.

Aso Faraile 6/9 Taulia 100 fagu i le 10 i le tasi. Totogi pili o le pisinisi e 200.

Aso Toonai 7/9 Taulia 20 fagu i le 10 i le tasi. Faatau ofu fou mo le 100.

Tupe Maua ma Tupe Faaalu o lau PISINISI: 2/9-7/9
Aso	Faamatalaga	Tupe Faaalu	Tupe Maua	Paleni
Tupe o loo Totoe o le Pisinisi				1000
Aofai o Tupe Faaalu ma Tupe Maua

Faamatalaga o Tupe Maua o lau PISINISI 2/9-7/9)
Tupe Maua
Faatauga o fagu vai
Faatauga o poloka aisa
Aofaiga o tupe maua a le pisinisi
Tupe Faaalu
Sapalai
Pili o le pisinisi
Totogi
Aofai o tupe faaalu o le pisinisi
Tupe mama o le pisinisi (pe gau) (Tupe Maua - Tupe Faaalu = )

Au Tupe Maua & Tupe Faaalu PATINO: 2/9-7/9
Aso	Faamatalaga	Tupe Faaalu	Tupe Maua	Paleni
Tupe Patino o loo Totoe				1000
Aofai o Tupe Faaalu ma Tupe Maua

Lau Faamatalaga o Tupe Maua PATINO (2/9-7/9)
Tupe Maua
Totogi
Aofai o tupe maua patino
Tupe Faaalu
Sefuluai
Lisi
Meaai
Isi
Aofai o tupe faaalu patino
Tupe mama patino (pe gau) (Tupe Maua - Tupe Faaalu = )

Talanoa: O le a se mea na e aoaoina mai lenei gaoioiga? Afai na e faia ni measese, pe ua e malamalama pe aisea? O i latou e malamalama e mafai ona fesoasoani i e o loo le mautonu.

Faitau:O faipisinisi faamanuiaina e tausia faamaumauga o aso uma ma faaaoga e fai ai filifiliga atamai o le pisinisi.

A o fiafia Maria e tausia ni faamaumauga, ua ia faia ia lava e tausia ni faamaumauga eseese mo lana pisinisi ma tupe patino o aso uma. O le auala atamai lenei e fai ai le pisinisi!

Ma ua ia iloa afai e i ai se taimi na te manaomia ai se nonogatupe mo le pisinisi, o le a mananao tagata fai nonotupe e vaai i faamaumauga o aso taitasi.

O faipisinisi faamanuiaina e tuu eseese a latou faamaumauga o le pisinisi ma faamaumauga patino.

Maimoa:Vaai i le ala na faaleleia ai e Daniel lana pisinisi i le faaaogaina o mataupu faavae o le ola-tutoatasi, e aofia ai le tausia o faamaumauga. Maimoa i le tala manuia “Daniel & Christiana: General Store.” (Leai se vitio? Alu i le isi itulau.)

Faitau:Ua tatou aoao nisi o tomai taua i le aso o le a fesoasoani ia i tatou ia manuia. Sei tatou galulue malosi i lenei vaiaso e faia nei tomai o se uiga. Sei tatou tuu eseese teugatupe ma faamaumauga o aso taitasi!

Talanoa: O ai ma o le a le mea e ono faigata ai mo oe ona tuu eseese faamaumauga o aso taitasi? E mafai ona e faia se fuafuaga ia sili ai ona faigofie. E mafai ona e faia i le taimi lava e tasi i aso uma. E mafai ona e tausia faamaumauga i se nofoaga faapitoa. E mafai ona e fatuina ni manatuaga mo oe lava ia. Tusi lau fuafuaga i lalo.

E faapefea ona ou tuuina atu lau aoaoga?

Faitau:O le vaiaso a sau o le a tatou faia ai aoaoga ia tatou vaega e uiga ia tatou pisinisi. Tatou te mananao ia mafai ona tatou faamatalaina a tatou pisinisi i isi. Tatou te mananao e faalogo i fautuaga e uiga ia tatou pisinisi.

Faitau:Mulimuli i nei faatonuga pe tuuina atu le aoaoga i se auala e sili ona lelei ia te oe.

LAU PISINISI I LE TOLU MINUTE—FAATONUGA
Vaega 1	I le itiiti ifo ma le tasi le minute, faamatala lau pisinisi.
Vaega 2	I le itiiti ifo ma le tasi le minute, faamatala pe faapefea e le taliina o se tasi o nei fesili ona maoae ai le faaleleia o lau pisinisi. 1. O a mea e mananao tagata e faatau? 2. E faapefea ona ou faatauina? 3. E faapefea ona ou puleaina tau? 4. E faapefea ona ou faateleina tupe mama? 5. E faapefea ona ou faagaoioia lau pisinisi?
Vaega 3	I le itiiti ifo ma le tasi le minute, faamatala se mea se tasi o le a e faia e faaauau ai le faaleleia o lau pisinisi.

Faitau:I le aluga o le vaiaso, mafaufau e uiga i mea o le a e manao e faasoa atu. Faamatala lau pisinisi i lau tusifaamatalaga o le pisinisi. Afai e te manao ai, faataitai le tuuina atu o lau aoaoga i lou aiga po o uo. O mai i le vaiaso e sosoo ai ua saunia e faasoa atu a outou aoaoga o le pisinisi.