Aoao

O a mea e mananao tagata e faatau?

Taimi:Seti le taimi i le 60 minute mo le vaega o le Aoao.

Faitau:O le a faapefea ona tatou filifili pisinisi e mafai ona faamanuiaina? Afai ua i ai nei sa tatou pisinisi, e faapefea ona tatou iloa o le pisinisi sao lea?

O lenei lesona o le a taulai atu i le vaega o Tagata Faatau o le Faafanua o Pisinisi Manuia.

Maimoa:“Business on a Stick” (Leai se vitio? Faitau itulau 26.

Talanoa: O le a se mea na e aoaoina mai lenei vitio?

Faitau:FESILI O LE VAIASO—O a mea e mananao tagata e faatau?

FAATINOGA O LE VAIASO—O le a ou talanoa atu i faipisinisi ma tagata faatau ma filifili se oloa po o se auaunaga e foia ai faafitauli o tagata faatau.

Mo le vaega o totoe o lenei fonotaga, o le a e aoao ma faataitai tomai e fesoasoani ia te oe e tali lenei fesili ma fai nei faatinoga. O lenei vitio o le a fesoasoani ia te oe e amata ai ona fai fesili sao.

Maimoa:“Selecting the Right Business” (Leai se vitio? Faitau itulau 28.)

Faitau:Sei tatou faitau i lenei ata ma fai faataitaiga i le isi itulau.

FILIFILIINA O LE PISINISI SAO

¹ O a mea e mananao tagata e faatau?

TAGATA FAATAU, OLOA

² E mafai ona ou saunia?

TOMAI, MEA E FIAFIA AI, AAFIAGA

³ E faatagaina “faigofie ona ulufale”?

TAUVAGA, FAIOLOA, TUPE

⁴ O le a faateleina lau tupe maua?

LAVA TUPE MAUA/TUPE MAMA

LELEI PISINISI MO AU!

E faapefea ona ou filifilia le pisinisi sao?

Faataitai:O le a le ituaiga ua e mafaufauina: meaai, talimalo, soifua maloloina, lipea, falegaosi oloa, auaunaga, po o se isi mea?

Faaaoga fesili e fa i le ata i le itulau talu ai e fesoasoani ia te oe e faaititia au filifiliga. Mataituina faataitaiga i le itu taumatau. Tusi le tasi po o le lua ituaiga o pisinisi e te fiafia i ai:

O faipisi faamanuiaina e mafaufau i mea tetele ae amata laitiiti.

Faataitaiga:

Meaai, Faatau

Faatasi ai ma le tagata o loo lua sosoo, fai atu i ai fesili taitasi nei ma le manino. Tusi au tali.

1. I lau lava pisinisi, po o totonu o le vaega o pisinisi e te fiafia i ai, o a mea e manaomia faapitoa e tagata faatau ua e vaai i ai? O a mea o lea faatau e tagata faatau?

   Meaai mama suamalie po o vaiaiga

   Meaai mama taugofie i le aoauli, afiafi

2. O a manaoga e mafai e lau pisinisi ona faatinoina? O le a se mea e te lelei ai, pe o le a se mea e te fiafia e fai?

   Ou te fiafia e fai meaai

   Ou te lelei i le faiga o faatau

3. O le a se pisinisi faapitoa e mafai ona faigofie ona e amataina, po o le a faapefea ona e faaolaina pe suia lau pisinisi o i ai nei ina ia sili atu tupe mama e maua ai? Mafaufau i tauvaga, faioloa, ma le tupe e manaomia.

   Oloa faigofie

   Pau le tau amata

   Laitiiti le tauvaga

4. O le a faapefea e lau pisinisi ona faatagaina oe e faateleina lau tupe maua ma ia ola-tutoatasi? O fea e mafai ona e maua ai se tupe mama?

   Tele tagata faatau

Ia, lisi ni nai pisinisi faapitoa e te manao e aoao i ai:

Meaai mama e feaveai?

Aisa kulimi? Fualaau aina?

Se mea malie?

E faapefea ona ou aoao mai faipisinisi?

Faitau:O lea la ua i ai ni o tatou manatu e uiga ia tatou lava pisinisi, o le a tatou fai loa ni suesuega faamaketi e faataitai ai o tatou manatu ma aoao atili ai. O le a tatou matauina tagata, talanoa i tagata faatau, talanoa i pisinisi tauva, ma faataitai oloa. Ma o le a tatou maua manaoga moni ma tali.

Maimoa:“Talking to Business Owners” (Leai se vitio? Faaauau le faitau.)

Faataitai:Faatasi ai ma le tagata o loo lua sosoo, faataitai fesili o le a e fai atu i faipisinisi i lenei vaiaso. Faamatala e le tasi i le isi lau oe lava pisinisi po o le ituaiga pisinisi e te faamoemoe e amata. Feauauai i le faailoaina atu o oe lava ia ma fai atu fesili o i lalo. Tuu atu i le isi manatu faaalia ma toe faataitai.

FAAFEILOAIGA: Talofa, o au o___ (igoa). Ma lau susuga? O loo ou i ai i se vasega faapisinisi ma o loo matou taumafai e aoao pe faapefea ona manuia pisinisi. Pe mafai ona ou fai atu ni fesili?

MANAOGA O TAGATA FAATAU, OLOA

• O a mea e sili ona faatau e au tagata faatau?

• Aisea i lou manatu e faatau ai e au tagata faatau oloa o loo e faatauina atu?

• O ai au pisinisi tauva? O le a le mea e sili atu ai lau pisinisi ia i latou?

FAIOLOA, TUPE MAMA

• O fea e te aumaia ai au oloa? Pe o i ai nisi faioloa?

• Pe e te manatu e mafai ona e maua se tau e pau atu pe a e faamaualugaina le tau i le taimi e tasi?

• O le a lau tau? Na faapefea ona e filifili i lenei tau? O e maua se tupe mama?

• O le a le mea e tupu pe a e sii pe faaitiitia lau tau?

FAATAU

• Mata e fia e te faatauina atu i aso taitasi?

• E faapefea ona maua ni tagata faatau fou?

• O le a le taua o lou tulaga?

• O a nisi o ki i lou manuia? Faafitauli sili?

Talanoa: A uma loa ona faataitai uma e le itiiti ifo ma le tasi, talanoaina ma le vaega: O afea e te alu ai e talanoa i faipisinisi, o le a le mea o le a e fesili atu ai ia i latou? Tusi mea na e aoaoina iinei:

Faitau:

O aso uma i lenei vaiaso, ao e talanoa atu i faipisinisi, tusi mea na e aoaoina i lau tusifaamatalaga o le pisinisi.

Maimoa:Vaai le ala na amata ai se pisinisi fou a Joseph ma John. Maimoa “Joseph and John: Medical Products.” (Leai se vitio? Alu i le isi itulau.)

E faapefea ona ou aoao mai tagata faatau?

Faitau:O faipisinisi faamanuiaina e aoao mai tagata faatau i aso taitasi. E mafai ona tatou aoaoina le tele o mea i le matauina o a tatou tagata faatau ma le talanoa atu ia i latou. Latou te faia pe faamalepeina la tatou pisinisi. Sei tatou faalogo ma aoao!

O faipisinisi faamanuiaina e aoao mai tagata faatau i aso uma.

Maimoa:“Talking to Customers” (Leai se vitio? Faaauau le faitau.)

Faataitai:Faatasi ai ma se tagata ese o le vaega, faataitai fesili o le a e fai atu i tagata faatau i lenei vaiaso. Talanoaina nisi o fesili i lalo ao latou fesootai i lau pisinisi po o manatu faapisinisi. Tusi ni faamatalaga! Ona sui lea o tofiga. Tuu atu e le tasi i le isi ni manatu faaalia aoga ma faataitai ni vaivaiga.

FAAFEILOAIGA: Talofa, o au o___ (igoa). Lau susuga? O loo ou i ai ise vasega faapisinisi ma o loo matou aoao e uiga i tagata faatau. Pe mafai ona ou fai atu ni nai fesili?

MANAOGA O TAGATA FAATAU, OLOA

• O a mea e te faatau mai lenei pisinisi?

• Pe ana e mafaia, o le a le mea o le a e suia e uiga i lenei oloa? E uiga i le pisinisi?

• Pe na e faatauina lenei oloa i se isi nofoaga? Pe na sili atu lo latou lelei po le leaga? Aisea?

FAATAU, TUPE MAMA

• O le a le mea e te fiafia ai e faatau lenei oloa iinei?

• O le a le mea o le a e manao ai e faatau nisi oloa?

• Pe o tau talafeagai le tau? Pe o le a e faatau nisi oloa i se tau e pau atu?

• Pe o le a e faatauina pea le tele lena pe afai latou te sii le tau?

• Pe taua le nofoaga?

MEA NA MATAUINA (Aua le faia fesili nei; matau tagata faatau e iloa ai tali.)

• Pe o le tele lava o i latou o ni tamaitai po o alii pe fefiloi?

• Pe laiti pe matutua atu i latou?

• Pe foliga mai e tele atu pe laiti a latou tupe?

• O le a le taimi o le aso latou te faatau ai?

• E fia latou te faatauina?

Faitau:

O aso uma i lenei vaiaso, ao e talanoa atu i tagata faatau, tusi mea e te aoaoina i lau tusifaamatalaga o le pisinisi.

Talanoa: O le a le mea o le a e fesili atu ai i tagata faatau i lenei vaiaso? Tusi ou manatu iinei po o totonu o lau tusifaamatalaga o le pisinisi:

E faapefea ona ou faaaogaina suesuega faamaketi?

Faitau:O le taimi lava e fai ai a tatou suesuega faamaketi, o le a tatou manaomia e iloilo mea na tatou aoaoina. Sei tatou faataitai le faagasologa o le iloiloga.

Faataitai:Filifili se isi tagata o le vaega lua te galulue faatasi. Vaai faapuupuu lava i tupe mama, tauvaga, ma faioloa o pisinisi nei e lua.

TULAGA O FUALAAU AINA		ILOILOGA
Aofai na taulia (averesi o aso uma)	200	Iunite / Masina	5000
Tau e faatau atu ai	5 i le tasi (averesi)	Faatau / Masina	25000
Tau e faatau mai ai	4 i le tasi (averesi)	Tau / Masina	(20200)
Tauvaga	6 tulaga o fualaau aina	TUPE MAMA	4800
Faioloa	2 faioloa, mamao

LAVALAVA O TAMAITI		ILOILOGA
Aofai na taulia (averesi o aso uma)	20	Iunite / Masina	500
Tau e faatau atu ai	100 i le tasi (averesi)	Faatau / Masina	50000
Tau e faatau mai ai	80 i le tasi (averesi)	Tau / Masina	(40000)
Tauvaga	Leai se lata mai	TUPE MAMA	10000
Faioloa	3 faioloa, lata mai

Talanoa: O fea pisinisi o le a e filifilia? Aisea?

Mai mea na tatou talanoaina i le aso, o a isi fesili o le a e fai atu e uiga i nei pisinisi po o a latou tagata faatau?

Faitau:Ao tatou i ai i lenei vaiaso, o le a tatou saunia e filifili a tatou pisinisi! I lenei vaiaso, o le a tatou iloiloina mea uma na tatou aoaoina ma o mai i le isi fonotaga ma se manatu faapisinisi (a le o se pisinisi fou po o le faaleleia o le pisinisi). Afai ua i ai se tatou pisinisi, o le a tatou filifili pe o se filifiliga sili lea mo i tatou.