Lomiga ua Tuanai
Aoao

Aoao

Ata
matauila-moana

Pe o le a ou manao i lenei pisinisi?

Taimi:Seti le taimi i le 60 minute mo le vaega o le Aoao.

Maimoa:“A Bigger Truck?” (Leai se vitio? Faitau itulau 42.)

Faitau:Afai e lauina e nei alii e toalua ni meleni e 200 i se loli, o le numera o le a foliga mai faapea:

Talanoa: Pe o le a fesoasoani ea se loli e tele atu? Aisea pe aisea foi e leai ai?

Faitau:FESILI O LE VAIASO—E faapefea ona ou faatau mai au oloa ma fai tau e faatau atu ai?

FAATINOGA O LE VAIASO—O le a ou sailia se punaoa mo lau oloa ma filifili se tau.

Faitau:I lenei fonotaga, o le a tatou aoao ma faataitai tomai e fesoasoani ia i tatou e taliina nei fesili ma fai nei faatinoga.

Faataitai:Ona, i le aluga o lenei vaiaso, o le a outou aoao pe faapefea ona talanoa atu i faioloa ina ia “faatau mai pau,” pe faatau mai i se tau maualalo. O le a outou aoao foi pe faapefea ona fai se tau ia “faatau atu maualuga”—o lona uiga, fai se tupe mama.

Ata
faafanua o le pisinisi manuia

Sei tatou faitau i le vaega o Tau ma Faatau o le Faafanua o Pisinisi Manuia.

E faapefea ona ou maua se tupe mama?

Faitau:O alii fai meleni e manaomia e amata ona maua ni tupe i le la pisinisi meleni.

E lua auala e maua ai se tupe mama.

Faaitiitia le tau na faatau mai ai (le tau na e totogi i le faioloa).

Sii le tau e faatau atu ai (le tau e te tuu atu i le tagata faatau).

O nisi taimi e mafai ona e faia mea uma e lua: faatau mai i le tau pau ae sii le tau e faatau atu ai!

O faipisinisi faamanuiaina e faatau mai pau ae faatau atu maualuga.

Faitau:E leo ia i tatou se pule e le faatapulaaina i tau e faatau ai po o a tatou tau O loo ia i tatou se faatulagaga. O faipisinisi faamanuiaina e taumafai e faateleina le tau e faatau ai ae faaitiitia le tau e faatau mai ai.

Talanoa: Pe e te manatu o pisinisi o loo faatau mai ai au meaai, kesi, ma lavalava o maua se tupe mama?

Faitau:O le isi mafuaaga lenei e faatau mai ai i le tau pau ae faatau atu i le tau maualuga. O pisinisi uma lava e tele atu tupe faaalu nai lo na o tau o le oloa.

Mafaufau i alii fai meleni. Pe ana faapea la te aoao pe faapefea ona faatau mai i le tau pau ae faatau atu i le tau maualuga. Ma le isi, o loo i ai isi a la tau, e pei o le loli ma totogi. Iloilo lenei mea.

Faitau:E ala i le faatau mai i le tau pau ae faatau atu i le tau maualuga, na mafai e alii ona totogi tau, totogi i laua lava, ae maua pea se tupe mama. O lenei ua amata se pisinisi moni lava!

Talanoa: Afai o loo e i ai i se auaunaga faapisinisi, o le a se mea e mafai ona e fai e pulea ai tau ae ia sili atu tupe maua?

E faapefea ona ou faaitiitia TAU O OLOA?

Maimoa:“Don’t Close Your Business” (Parts I and II) (Leai se vitio? Faitau itulau 43.)

Talanoa: O le a lau mea semanu e fai? E fia ni au faioloa e tatau ona i ai?

E faapefea ona ou galue faatasi ma faioloa?

Faitau:E taua tele mo i tatou le talanoa atu ia tatou faioloa.

Maimoa:“Talking to Suppliers” (Leai se vitio? Faaauau pea le faitau.)

Faitau:O lenei vaiaso, talanoa i tagata e mafai ona sapalaia mai oe i au oloa po o mea e gaosi ai lau oloa. Afai o e ofoina atu se auaunaga, talanoa i tagata o le a fesoasoani ia te oe e saunia lau auaunaga. Tusi mea na e aoaoina i lau tusifaamatalaga o le pisinisi.

Faataitai:Faatasi ai ma se paga, faataitai fesili o le a e fai atu i faioloa i lenei vaiaso. Faamatala i lau paga le ituaiga o faioloa e te manaomia e talanoa i ai mo lau pisinisi. Feauauai i le faiga o fesili ma tuuina atu manatu faaalia aoga. Tusi faamatalaga i lau tusifaamatalaga o le pisinisi. Fai atu fesili faapitoa o le a fesoasoani ia te oe e faaleleia lau pisinisi.

Talanoa: A uma loa ona faataitai uma pe tai faatasi, talanoaina faatasi:

O le a le mea o le a e faia ao e talanoa atu i faioloa i lenei vaiaso? Pe o i ai nisi au fesili e fai atu ia i latou? Tusi ou manatu iinei po o lau tusifaamatalaga:

E faapefea ona ou faia lau tau e maua ai se tupe mama?

Faitau:O pisinisi uma lava e manaomia ia tele atu tupe maua nai lo tupe faaalu. Ua tatou iloa le ala o le a tatou talanoa atu ai i faioloa ia iloa ai oloa lelei i ni tau pau, po o le faatau pau. Ia, o le a faapefea ona tatou fai a tatou tau, pe faatau atu i ni tau maualuluga? Ao tatou faia lenei filifiliga i le vaiaso, e mafai e i tatou taitoatasi ona fesili:

  • O le a le tau sili e mafai ona tatou maua mai a tatou faioloa?

  • O a isi tau o loo ia te au? (Meafaigaluega, sapalai, lisi ma isi.)

  • O a totogi e manaomia lou totogia ai o au lava ia ma isi?

  • E faapefea ona ou faaopoopo le tulaga taua ma faia lau oloa ia ese mai ai? O le faigofie, auaunaga, faauo, ma le tulaga lelei e mafai ona faaopoopoina le tulaga taua ma ese mai ai au.

  • O a tau a pisinisi faatauva? Pe mafai ona ou faateleina le tau e fuafua i le tulaga taua ua faaopoopoina?

  • I le tuuina mai o nei mea moni uma lava, e fia se tupe mama e mafai ona ou maua ina ia mafai ai ona faaolaina ma manuia lau pisinisi? E lelei le tele atu?

Faataitai:Faatasi ai ma se paga, faitau le vaega lenei ma talanoaina pe fia ua naunau tagata faatau a Grace e totogi mo ana vai.

E faatau mai e Grace vai mo:

5 i le fagu

O ana totogi, felauaiga, ma tau o tiliva:

2 i le fagu

O pisinisi faatauva e faatau i tagata faatau mo:

8-10 i le fagu

Na te manaomia ia faia se tupe mama i le tele e mafaia

? i le fagu

Tau i le vaega le tau ua e filifili e tatau ona fai e Grace mo ana vai ma aisea.

Talanoa: E faapefea ona mafai e Grace ona iloa le tau ua naunau tagata faatau e totogi?

E faapefea ona e pulea tau, faaopoopo le tulaga faatauaina, ma fai tau sao ina ia maua ai se tupe mama o le pisinisi?

Lolomi