Aoao

Lomiga ua Tuanai

Amataina ma Faaola La’u Pisinisi

Anotusi
Folasaga
Faasino Mataupu
1: E faapefea ona ou amataina pe faaleleia lau pisinisi?
2: O a mea e mananao tagata e faatau?
3: E faapefea ona ou faatau mai lau oloa ma fai tau e faatau atu ai?
4: E faapefea ona ou iloa pe o maua e lau pisinisi se tupe mama?
5: E faapefea ona ou tuu eseese au tupe o le pisinisi ma tupe a le aiga?
6: O faapefea mai le alualu i luma o lau pisinisi?
7: O le a faapefea ona ou faaolaina lau pisinisi?
8: E fia ou te gafatia e faagalue e faaola ai lau pisinisi?
9: E faapefea ona ou iloa pe ua tatau ona ou faaaoga se nonogatupe e faaola ai lau pisinisi?
10: O le a faapefea ona ou faatosina mai nisi tagata faatau ma fai pau talafeagai?
11: O le a faapefea ona ou faateleina au tupe mama?
12: E faapefea ona ou faaauau le faaleleia o lau pisinisi?
Pe o Ou Alualu Ea i Luma?
Tusi Faamaonia o le Faamaeaina
Faafanua o le Pisinisi Manuia

Aoao

Ata

matauila-mumu

O le a faapefea ona tele atu oloa ou faatau atu?

Taimi:Seti le taimi i le 60 minute mo le vaega o le Aoao.

Maimoa:“Made the Sale, Missed the Sale!” (Leai se vitio? Tagai i le itulau 178.)

Faitau:Faigofie lena mea. Na faia e Maria le faatau. Na maua e Silvia le mea na ia manao i ai. Ua fiafia i laua uma. Ae na misi e Maria le faatau e tele atu—le faaopoopoga o le faatau o le auaunaga o le tiliva. O le faaopoopo o le auaunaga o le tiliva o le a tele atu ai le faatau a Maria, pe “siitia ai le faatau,” ia Silvia.

“Siitia ai le Faatau” o lona uiga o le tuuina atu ia tatou tagata faatau o le filifiliga o le faatauina o nisi oloa po o oloa e sili atu le lelei nai lo mea na tuu latou te faatauina.

Mo se faataitaiga:

Sili atu: Ofo atu se vaiinu po o se falaoa i se tagata faatau na okaina se ia falai
Sili atu: Ofo atu se laau suisui e sili atu le tulaga lelei i se tagata faatau o loo mafaufau e faatau se laau suisui e taugofie

Maimoa:“The Upsell” (Leai se vitio? Tagai i le itulau 178.)

Talanoa: Na faapefea e Maria ona mafai ona siitia se auaunaga o le tiliva ia Silvia? O a nisi faataitaiga o le siitia o faatau ua e vaai i ai?

O faipisinisi faamanuiaina e siitia faatau i taimi uma lava.

Faitau:FESILI O LE VAIASO—O le a faapefea ona ou faateleina au tupe mama?

FAATINOGA O LE VAIASO—O le a ou faataitaia auala e lua e siitia ai faatau. O le a ou faataitaia auala e lua e faaitiitia ai au tau.

O A MEA E TATAU ONA OU SIITIA?

Faitau:O tagata faatau o le a le faatauina nisi mea ona ua tatou fautuaina atu. E tatau ona o se mea ua latou matuai mananao ai lava nai lo le uluai oloa.

Atonu latou te naunau e totogi se tau e sili atu mo ni mea e pei o:

Faasaoina o le taimi
Faasaoina o tupe
Tulaga lelei
Aofai
Auauna atu
Sootaga
Saoasaoa
Talitonuina
Matagofie
Tulaga i le vaaiga a tagata

O faipisinisi faamanuiaina e iloa mea e faatauaina e a latou tagata faatau.

Faataitai:O a mea o le a totogi ai e au tagata faatau se tupe e sili atu? E mafai faapefea ona e iloa? Sue sau paga ma talanoaina mea e te manatu e faatauaina e au tagata faatau.

Faaaoga le faatulagaga i lalo e tusi ai ni auala se tolu o le a e iloa ai mea e faatauaina e au tagata faatau (saunia faataitaiga).

O OU MANATU E UIGA I MEA E FAATAUAINA E AU TAGATA FAATAU	O LE MEA O LE A OU FESILI ATU AI PE FAI E ILOA AI
Ou te manatu o le a faatauaina e au tagata faatau le tulaga faatauaina o le talitonuina.	Fesili i tagata faatau , “Afai ou te faamautinoa atu le tiliva i le 5:00 i taimi uma, pe o le a e fiafia i ai?”
Ou te manatu o au tagata faatau e ono faatauaina oloa fou.	Tusi i le tasi pusa o fualaau aina “faatoa tau i lenei taeao” ma le isi pusa “na tau i lenei vaiaso.” Maimoa po o fea e filifili e tagata faatau.

A uma ona tusi ou manatu, faasoa mai i le vaega.

O le a le tau e tatau ona i ai lau siitia o le tau?

Faitau:O se tagata faatau atonu e manao e faatau nisi oloa, ae o le a le tau ua ia naunau e totogi?

O le a le tau ua tatou naunau e faatau atu ai? E tatau ona tatou maua se tupe mama.

Mo se faataitaiga, na faataitai e Naomi lona manatu faapea e faatauaina e ana tagata faatau le tulaga lelei. Na masani ona latou filifili fualaauaina na “faatoa tau i lenei taeao.” O le faafitauli o ana tau na maualuga atu i fualaau aina faatoa tau. Na gau moni lava ana tupe.

Na ia filifili e faatau atu ana fualaau aina “na tau i lenei vaiaso” mo le 10 (tupe mama = 1) ma ana fualaau aina “faatoa tau i lenei taeao” mo le 13 (tupe mama = 3) O le a ia faataitai le siitia o fualaau aina faatoa tau i ana tagata faatau.

Faataitai:Sue sau paga. Vaai i tulaga faatauaina o au tagata faatau mai le itulau ua tea. Lisi au oloa po o auaunaga e siitia. Faaaoga le faatulagaga i lalo e lisi ai au tau.

SIITIA	AU TAU E SIITIA
O le a ou faatau fualaauaina “faatoa tau i lenei taeao.”	Fualaauaina “na tau i lenei vaiaso” tau = 10 (tupe mama e 1) Fualaauaina “faatoa tau i lenei taeao” tau = 13 (tupe mama e 3)
O le a ou faamautinoa e uma tagamea i le 5:00.	Tau masani o le aso-e sosoo ai o tagamea = 20 (tupe mama e 4) Tau faamaonia o tagamea = 27 (tupe mama e 8)
O le a ou faatau atu fasimoli mo le pau.	Tau o le fasi moli masani = 12 (tupe mama e 2) Tau o le fasi moli mo le pau = 18 (tupe mama e 6)

Talanoa: A uma ona tusi ou manatu, faasoa mai i le vaega.

O le a faapefea ona ou siitia?

Faitau:O le a le mea o le a mananao ai au tagata faatau e faatau nisi oloa? Tatou te manaomia se “fuaitau e siitia ai.” O se fuaitau e siitia ai e mafai ona faapea: “E tele laitiiti atu le tau, ae____.” Tatou te faatumu le avanoa i le tulaga faatauaina tatou te iloa e taua i le tagata faatau.

Mo se faataitaiga, afai e tilotilo tagata faatau a Naomi i fualaauaina aina “na tau i le vaiaso lenei”, e faapea atu o ia, “E i ai au fualaauaina aina faatoa tau i lenei taeao.”

Ona ia faaopoopo atu lea o le fuaitau e siitia ai, “E tele laitiiti atu le tau, ae e sili atu le fou.”

O faipisinisi faamanuiaina e faia ia faigofie ona faatau mai ia i latou.

Faataitai:Mafaufau i lau lava pisinisi. Mafaufau e uiga i au oloa e siitia. Pe o le a lau tala e fai atu e siitia ai i au tagata faatau? Faaaoga le faatulagaga i lalo e fatu ai lau fuaitau e siitia ai (saunia le faataitaiga).

TUSI SE FUAITAU E SIITIA AI
Oloa muamua po o le Auaunaga	Oloa siitia po o le Auaunaga	Mea e Faatauaina e Au Tagata Faatau	Fuaitau e Siitia ai
Fualaau aina “Na tau i lenei vaiaso”	Fualaau aina “Faatoa tau i lenei taeao”	Tulaga (fou)	E tele laitiiti atu le tau, ae sili atu le fou.
Afa lita o le susu mo le 3	Lita o le susu mo le 5	Faasao le tupe	E tele laitiiti atu le tau, ae e te maua le faaluaina i le na o le 2 e sili ai.
Fasi moli masani	Fasi moli mo le pau	Tulaga	E tele laitiiti atu le tau, ae e sili atu mo lou pau.
Auaunaga o tagamea	Auli ofutino	Faasao le taimi	E tele laitiiti atu le tau, ae faasao ai le tele o lou taimi.

O le a faapefea ona vave atu ona taulia au oloa?

Faitau:O faipisinisi faamanuiaina e tele atu oloa e faatau i tagata faatau taitoatasi ina ia mafai ona vave ona latou “suia oloa”. Ina ia “suia oloa” o lona uiga o le faatau atu o oloa uma na tatou faatau mai ia tatou faioloa. E mafai ona tatou faaaoga tomai e siitia ai e faatau atu ai ia tele atu i tagata faatau taitoatasi.

O faipisinisi faamanuiaina e suia soo oloa.

Maimoa:“Turn Inventory Quickly” (E leai se vitio? Faitau le itulau e 179.)

Talanoa: O le a faapefea e Maria ona vave atu ona suia ana oloa? E faapefea e lenei mea ona faateleina ai ana tupe mama?

A O LEI FAIA	O LE MEA NA FAI E MARIA	MULIMULI ANE
Na totogi e Maria i lana faioloa le 17 mo se lita o le susu.	Na ia talanoa i lana faioloa e uiga i se pau pe a ia faatauina mai le tele o oloa.	Ua ia totogi nei le lita mo le 15.
Na faateleina e Maria lana oloa i ana faatau tetele. Na te lei suia ana tau. Na umi atu ona suia ana oloa ma na leaga nisi o ana susu.	Na ia faaaoga se tomai e siitia ai: afai latou te faatau le lua lita pe sili atu latou te maua se pau.	Ua ia suia nei ana oloa i le lua aso. Leai se susu e leaga. Ua i ai ni tupe e faatau ai nisi susu. Ma ua tele atu ana tupe maua.

Faitau:O nisi oloa faapitoa e umi se taimi e faatau ai, ma e le afaina lena. Ae, afai e i ai ni a tatou oloa e leo taulia lava, o lona uiga o tupe taua o la tatou pisinisi ua mau ai i na oloa seia taulia.

Talanoa: Faatasi ai ma se paga, talanoaina fesili nei e lua. Tusi i lalo ou manatu.

E mafai faapefea ona vave atu ona ou suia au oloa?
E mafai faapefea ona ou faaitiitia au sapalai o oloa e leo taulia lava?

O le a faapefea ona ou faaitiitia au tau?

Faitau:O le suia vave o oloa e faateleina ai a tatou tupe mama. E mafai foi ona tatou faia a tatou pisinisi ia tele atu tupe mama i le faaitiitia o tupe faaalu.

Faataitai:Sue se paga. Feauauai i le faitauina o auala e faaitiitia ai tupe faaalu i lalo. Tusi isi auala e mafai ona e faaitiitia ai tupe faaalu.

TUMAU	FETUUNAI
Faaaoga mea ua tatou maua Lisi	Fetuunai tau ma faioloa Faaaoga le tele o faioloa

Toe foi i le vaega atoa ma faasoa atu ou manatu.

Faitau:E mafai foi ona tatou mafaufau i auala e mafai ona tatou aloese ai mai tupe faaalu.

Faataitai:Ua mafaufau Naomi e faaaoga ni fesoasoani se toalua: Samuelu ma Iosefa.

O le a ia faagalue Samuelu e faigaluega i lana tulaga mo le fa itula i aso uma (tau tumau). O le a ia le faagalueina Iosefa, ae faatoa ia valaau ia te ia e fai tiliva pe a manaomia (tau fetuunai).

Faatasi ma nisi tagata se toalua ma talanoaina auala e aloese ai pe faaitiitia ai tau tumau a Naomi ma tau fetuunai.

Faataitai:O Lou Taimi lenei. Lisi tau tumau ma tau fetuunai o lau pisinisi. Sue se paga ma talanoaina auala e faaitiitia ai nei tau.

TUMAU	FETUUNAI