Lipoti

Pe na ou tausia au tautinoga?

Taimi:Seti le taimi i le 20 minute mo le vaega o le Lipoti.

Faitau:Sei tatou lipoti mai ia tatou tautinoga. O i latou na tausia uma a latou tautinoga, faamolemole tulai mai. (Patipati mai mo i latou na tausia uma a latou tautinoga.)

Ia, tulai mai tagata uma. Sei tatou toe faia faatasi a tatou fuaitau autu:

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, ua tatou galulue ia ola-tutoatasi.

Faitau:Sei tatou alala mai lalo.

Talanoa: O a mea na e aoaoina ao e tausia se lisi o tupe maua ma tupe faaalu? E faapefea ona fesoasoani lenei mea i lau pisinisi?

I lau tusifaamatalaga o le pisinisi, tusi mea na e aoaoina i le tausia o au tautinoga.

O a mea na e aoaoina ao e fatuina se faamatalaga o tupe maua a le pisinisi? E faapefea ona fesoasoani lenei mea i lau pisinisi?

O a mea na e aoaoina i le galue ai i lau sini faalevaiaso o le pisinisi?