Lomiga ua Tuanai
Aoao

Aoao

Ata
matauila-viole

E faapefea ona ou iloa le sologa lelei o lau pisinisi?

Taimi:Seti le taimi i le 60 minute mo le vaega o le Aoao.

Maimoa:“I Don’t Know” (Leai se vitio? Faitau le itulau 60.)

Talanoa: A aunoa ma ni faamaumauga, e faapefea ona e iloa pe o maua e lau pisinisi ni tupe mama? O le a faapefea ona e iloaina pe ua totogi oe e au tagata faatau uma? O le a faapefea ona e iloaina lau aofaiga atoa o tupe faaalu?

Faitau:FESILI O LE VAIASO—E faapefea ona ou iloaina pe o maua e lau pisinisi ni tupe mama?

FAATINOGA O LE VAIASO—O le a ou faamaumauina tupe maua ma tupe faaalu uma i se lisi i aso uma e amata atu nei.

I le aluga o lenei fonotaga, o le a tatou aoaoina tomai e fesoasoani ia i tatou e tali lenei fesili ma faatino lenei faatinoga.

Ata
faafanua o le pisinisi manuia

Ona, i le aluga o le vaiaso, o le a tatou faamaumauina moni la tatou tupe maua ma tupe faaalu o le pisinisi e iloa ai poo tatou mauaina se tupe mama. Sei o tatou faitau i le vaega o tupe mama o le Faafanua o le Pisinisi Manuia.

Aisea e tatau ai ona ou tausia faamaumauga tusitusia?

Faataitai:Mo lenei faataitaiga, aua nei tusia i lalo se faamatalaga. Faatasi ai ma se paga, ia faaalu se minute se tasi e faitau ai i le itulau 61 e uiga i le pisinisi meaafale a Daniel. Aua nei tusia i lalo se faamatalaga. Ona toe foi mai lea iinei.

Talanoa: Taumafai e tali fesili nei mai i mea e te manatua:

  • E fia se tupe na faaaluina e le pisinisi i lenei vaiaso?

  • E fia se tupe na maua e le pisinisi i lenei vaiaso?

  • E fia le tupe maua po o le tupe na gau a le pisinisi i lenei vaiaso?

Mata e te manatua le tupe maua, tupe faaalu, ma le tupe mama e aunoa ma le tilotilo i le api? O le a le taua o faamaumauga tusitusia?

Faataitai:I le taimi lenei, faatasi ma lau paga, toe foi i tua i le aotelega o le pisinisi o meaafale a Daniel i le itulau 61 ma faaopoopo tupe faaalu, tupe maua, ma le tupe mama. Mata e faigofie atu pe afai o le tagata fai pisinisi sa faaaogaina se api e faamaumau ai fuainumera?

E faapefea ona ou atiaeina le mausa o le tausiaina o faamaumauga?

Talanoa: O faipisinisi faamanuiaina e tausia faamaumauga i aso uma. E te fiafia e tausi ni faamaumauga? Mata o se mausa mo oe? O le a le mea e taofia ai oe mai le tausiaina o faamaumauga?

O faipisinisi faamanuiaina e tausia faamaumauga i aso uma.

Meafaigaluega mo le tausiaina o faamaumauga:

  • O kopi o faamatalaga o le lisi o tupe maua ma tupe faaalu i le itulau 55

  • Tusi Faamaumau

  • O le tusifaamatalaga i le pusa tupe

Faitau:O nisi taimi e faigata ona amata se uiga fou, e tusa lava pe tatou te iloa e taua. O auala nei e lima mo le tausia lelei o faamaumauga.

  1. Manatua le “aisea”—E mafai ona e maua le uunaiga i le mafaufau i tagata o le a faamanuiaina mai lau faamaumauga, e pei o lau fanau.

  2. Atiina ae tomai—Atonu e te manaomia ni tomai fou ina ia lelei i le tausiga o faamaumauga. O la tatou talanoaga nei o le a fesoasoani ia te oe e aoao ai nei tomai.

  3. Filifili ni uo, ae le o se faaoso—O se uo o se tagata e fesoasoani ia te oe e fai le mea sao. O se faaoso o se tasi e fesoasoani ia te oe e fai le mea leaga. Fai ia i latou o siomia oe, e aofia ai lou toalua, e fesoasoani ia te oe e faaauau le tausia o faamaumauga.

  4. Faaaoga taui ma faasalaga ma le atamai ma faavava—Ia tauia oe lava mo le tausia o faamaumauga.

  5. Aumai meafaigaluega—Pe mafai ona e vaai faalemafaufau i le eliina o se vaieli e aunoa ma se meafaigaluega? Ia mautinoa ua e maua meafaigaluega e fai ai le mea e manaomia le faia. O a meafaigaluega o le a e faaaoga e tausia ai faamaumauga? O le a tatou aoao e uiga i ni meafaigaluega mulimuli ane i lenei fonotaga.

Talanoa: O le a faapefea ona e faaaoga nei auala e fausia ai le uiga taua o le tausia lelei o faamaumauga?

E faapefea ona ou tausia le lisi o tupe maua ma tupe faaalu?

Faitau:O se lisi o tupe maua ma tupe faaalu o se fomu masani faapisinisi. E tatau ona tatou faaaogaina i aso uma e faamaumau ai tupe e sau i totonu ma tupe e alu i fafo o a tatou pisinisi.

Manatua Daniel i le vitio “I Don’t Know”? Na ia amata i le faamaumauina o ana tupe maua ma tupe faaalu i le faaaogaina o laasaga nei.

Faataitai:Faatasi ai ma se paga faatusatusa numera i lenei faatulagaga i numera i le lisi o tupe maua ma tupe faaalu i le itulau lenei.

LAASAGA E FATU AI SE LISI O TUPE MAUA MA TUPE FAAALU

1O loo ia Daniel le 1500 i lana pusa tupe o le pisinisi. Ua ia tuu lena aofai e avea ma lana tupe totoe amata i le amataga o le vaiaso.

Aso Gafua

2Taulia nofoa e 4. I le koluma o tupe maua ua ia tuu i ai 200.

3Faaopoopo i le tupe totoe. Tupe totoe fou =1700.

4Totogi 100 i le lisi. I le koluma o tupe faaalu ua ia tuu i ai -100.

5Toese 100 mai le tupe totoe. Tupe fou o loo totoe =1600.

Aso Lua

6Totogi 500 ia Maxwell. I le koluma o tupe faaalu ua ia tuu i ai -500.

7Toese 500 mai le tupe totoe. Tupe fou o loo totoe =.1100

Aso Lulu

8Taulia se laulau ma le seti nofoa. I le koluma o tupe maua ua ia tuu i ai 400.

9Faaopoopo 400 i le tupe totoe. Tupe fou o loo totoe =1500.

Aso Tofi

10Taulia meafale o le potumoe. I le koluma o tupe maua ua ia tuu i ai 1000.

11Faaopoopo 1000 i le tupe totoe. Tupe fou o loo totoe =2500.

Aso Faraile

12Faatau mea manaomia. I le koluma o tupe faaalu ua ia tuu i ai -1500.

13Toese 1500 mai le tupe o loo totoe. Tupe fou o loo totoe =1000.

Aso Toonai

14Taulia se laulau. I le koluma o tupe maua ua ia tuu i ai 400.

15Faaopoopo 400 i le tupe totoe. Tupe totoe =1400.

16Ua faauma e Daniel le vaiaso ma le 1400 i lana pusa tupe o le pisinisi.

Faitau:Na tusi e Daniel ana tupe maua ma tupe faaalu i aso uma. O lana lisi o tupe maua ma tupe faaalu na foliga mai faapea i le faaiuga o le vaiaso.

LISI O TUPE MAUA MA TUPE FAAALU O MEAFALE A DANIEL: AOKUSO 14-20

Aso

Faamatalaga

Tupe Faaalu

Tupe Maua

Tupe Totoe

Tupe totoe amata o le pisinisi a Daniel

15001

Aso Gafua 14/5

Taulia nofoa e 4

200 2

1700 3

Aso Gafua 15/5

Totogi le lisi

-100 4

16005

Aso Lua 16/5

Totogi ia Maxwell

-5006

11007

Aso Lulu 17/5

Taulia se laulau ma le seti nofoa

400 8

1500 9

Aso Tofi 18/5

Taulia meafale o le potumoe

1000 10

2500 11

Aso Faraile 19/5

Totogi mo mea manaomia

-1500 12

1000 13

Aso Toonai 20/5

Taulia se laulau

400 14

1400 15

Tupe o loo totoe faaiu o le pisinisi a Daniel

140016

Talanoa: I le vitio, o le tagata faigaluega a Daniel, o Maxwell, na fai mai e lei totogia o ia. E faapefea e lenei lisi ona fesoasoani ia Daniel e foia lena mataupu?

O le a le faamatalaga o tupe maua?

Faitau:O se isi fomu taua o le pisinisi o le faamatalaga o tupe maua. Manatua e faigata ona fuafua le tupe mama mai le mafaufau i la tatou gaoioiga? O se faamatalaga o tupe maua o le a fesoasoani! Na te aoteleina le faaaluga o tupe uma i le vaitaimi e pei o se vaiaso, masina, kuata, po le tausaga. O le aotelega e tau maia ia i tatou pe o maua ni tupe mama o le pisinisi i lena vaitaimi.

O se faamatalaga o tupe maua e faaalia:

  • Tupe Maua.

  • Tupe Faaalu.

  • Tupe mama (pe gau).

Faataitai:Faatasi ai ma se paga faatusatusa numera i lenei faatulagaga ma numera i le faamatalaga o tupe maua i le itulau lenei.

LAASAGA E FATU AI SE FAAMATALAGA O TUPE MAUA

Tupe Maua

1Mo le aofai o faatau o nofoa ua ia tuu i ai le 200.

2Mo le aofai o faatau o laulau ua ia tuu i ai le 400.

3Mo le aofai o faatau o seti o le potu ai ua ia tuu i ai le 400.

4Mo le aofai o faatau o seti o potumoe ua ia tuu i ai le 1000.

5Ua ia faaopoopo le aofai o ana faatau. O le aofai o lana tupe maua o le vaiaso: 2000.

Tupe faaalu

6Mo le lisi ua ia tuu i ai le -100.

7Mo le tau o mea manaomia ua ia tuu i ai le -1500.

8Mo totogi o tagata faigaluega ua ia tuu i ai le -500.

9Ua ia faaopoopo le aofai o ana tupe faaalu. Aofai o tupe faaalu o le vaiaso: -2100.

Tupe mama (pe gau)

10Ua ia toese ana tupe faaalu mai ana tupe maua: 2000-2100=-100.

Talanoa: O le a le mea ua tau mai e lenei faamatalaga o tupe maua ia i tatou e uiga i le pisinisi a Daniel?

O le a le vaitaimi o loo aofia i lenei faamatalaga o tupe maua?

Pe na maua se tupe mama a Daniel i lenei vaiaso?

Pe mafai e Daniel ona faagaoioia lana pisinisi faapea i vaiaso uma? Aisea pe aisea e leai ai?

O faipisinisi faamanuiaina e saili se tupe mama i aso uma.

Faamatalaga o tupe maua o le PISINISI Meafale a Daniel (Aso Gafua-Aso Toonai)

Tupe Maua

Faatauga o nofoa

200

1

Faatauga o laulau

400

2

Faatauga o seti o potu ai

400

3

Faatau o seti o potumoe

1000

4

Aofaiga o Tupe Maua

2000

5

Tupe Faaalu

Lisi

-100

6

Mea e Manaomia

-1500

7

Totogi o tagata faigaluega

-500

8

Aofai o Tupe Faaalu

-2100

9

Tupe Mama (pe Gau)

-100

10

E faapefea ona ou fatuina se lisi o tupe maua ma tupe faaalu ma se faamatalaga o tupe maua?

Faitau:Ina ia iloa pe o maua e la tatou pisinisi se tupe mama, tatou te manaomia se faamatalaga o tupe maua. Ina ia fatuina se faamatalaga o tupe maua, tatou te manaomia le lisi o tupe maua ma tupe faaalu.

Faataitai:Ua e vaai i le ala na tausia ai e Daniel se lisi o tupe maua ma tupe faaalu ma le ala na ia faaaogaina ai e fai se faamatalaga o tupe maua. O le taimi lenei, galulue ma se paga e fai se faamatalaga o tupe maua mo Iosefa. Faauma le lisi o tupe maua ma tupe faaalu ma le faamatalaga o tupe maua i le isi itulau.

  1. Fatu se lisi o tupe maua ma tupe faaalu mo le pisinisi fau fale a Iosefa.

  2. Fatu se faamatalaga o tupe maua mo le pisinisi fau fale a Iosefa.

  3. E te faia loa lenei mea, afai e te manaomia le fesoasoani i le fatuina o le lisi o tupe maua ma tupe faaalu po o le faamatalaga o tupe maua, sue i le itulau 56 mo le pepa o tali.

Lisi o Tupe Maua ma Tupe Faaalu mai le Aso Gafua-Aso Toonai

Aso

Faamatalaga

Tupe Faaalu

Tupe Maua

Tupe o loo Totoe

Tupe Totoe Amata o le Pisinisi

3000

Aofai e Tupe Faaalu ma Tupe Maua

Faamatalaga o Tupe Maua o le PISINISI Fau Fale a Iosefa (Aso Gafua-Aso Toonai)

Tupe Maua

Aofaiga o Tupe Maua

Tupe Faaalu

Aofaiga o Tupe Faaalu

Tupe Mama (pe Gau)

Talanoa: O a mea na e aoao e uiga i le pisinisi a Iosefa mai le vaai i lana faamatalaga o tupe maua?

O faipisinisi laiti i soo se mea e faalagolago i le malosi o nei fomu. Pe i ai nisi o outou e tausia ni lisi o tupe maua ma tupe faaalu po o faamatalaga o tupe maua? Afai e i ai, na faapefea ona fesoasoani lenei mea?

Faataitai:Afai e te lei tausia lava ni faamaumauga, kopi le lisi o tupe maua ma tupe faaalu ma le faamatalaga o tupe maua mai luga i lau tusifaamatalaga o le pisinisi.

Faitau:Faamaumau au tupe maua ma tupe faaalu o aso uma, ma i le faaiuga o le vaiaso, fatu se faamatalaga o tupe maua. Faaauau le faia o lenei mea i aso uma ma vaiaso ao faaolaina lau pisinisi. O le a e manaomia nei faamaumauga o le pisinisi mo fonotaga a le vaega i vaiaso lona fitu ma le valu.

Maimoa:Aoao le ala na fesoasoani ai le tausia o faamaumauga ia Vagelia e faaola lana pisinisi. Maimoa i le tala manuia “Vangelis: Street Magician.” (Leai se vitio? Faaauau le faitau.)

Lolomi