Punaoa
SE ISI LOLI E TELE ATU?
Feauauai e faitau parakalafa nei.
E toalua ni alii sa faia se la pisinisi faapaaga. Sa la fauina se tamai fale i tafatafa o se auala pisi. Sa la maua se loli ma malaga atu ai i le faatoaga a le faifaatoaga, ma sa la faatauina mai ai se uta o meleni e ta’i tala i le meleni.
Sa la aveina le loli ma le uta meleni i lo la tamai fale i tafatafa o le auala, ma sa la faatauina atu i le tala i le meleni.
Sa la malaga atu i el faifaatoaga meleni ma toe faatau mai ai foi se isi uta meleni e tala i le meleni.
Ina ua taunuu i le tamai fale i tafatafa o le auala, sa la toe faatauina atu foi i le tala i le meleni.
Ina ua le toe malaga atu i le faifaatoaga meleni e toe faatau mai se isi uta, sa fai atu le tasi o le paaga, “E le o tele se tupe o ta mauaina i lenei pisinisi, a ea?”
“E leai,” o le tali lea a lana paaga.
“Mata e le tatau ona aumai se loli e tele atu?” (Dallin H. Oaks, “Ia Tulimatai Atu i Mea e Faamuamua,” Liahona, Iulai 2001, 99)
Toe foi i leitulau 34
AUA NE’I E TAPUNIA LAU PISINISI
Filifili matafaioi ma faatino mea nei.
JOSEPHINE: O le a le faafitauli, Grace? E te le o foliga fiafia tele.
GRACE: Ou te leiloa le mea o le a fai. Sa faatoa amata lava ona maua ni tupe o lau pisinisi ae tupu loa le mea lenei.
PRISCILLA: O le a le mea na tupu?
GRACE: O le tama ou te faatauina mai ai vai mama sa sii lana tau ananafi, ma o lea o le a ou tapunia ai lau pisinisi.
PRISCILLA: Matuai ou faanoanoa lava, Grace. Aisea laa tapuni ai lau pisinisi?
GRACE: Ia, e na o le 10 i le fagu e mafai ona ou faatauina atu ai le vai. E le toe totogia e tagata faatau se isi tupe. Ma sa ou faatauina atu muamua au fagu vai mo le 7 tala.
GRACE: Ae o lenei ua sii e le faioloa lana tau i le 10. Ma e leai se tupe mama! O le a la’u mea o le a fai?
PRISCILLA: Ua e talanoa i lau faioloa? O oe o se tasi o ana tagata faatau taua tele.
GRACE: Leai ou te le’i talanoa i ai. Ou te manatu e le mafai ona ou faia. O lana tau e le mafai ona ou suia.
PRISCILLA: Leai. E te manaomia ona talanoa ia te ia. E manaomia ona ia iloa o le a maumau ia te ia se tagata faatau taua. E mafai ona ia suia lana tau ina ia tuu ai pea oe. E tatau ona e talanoa pea i le au faioloa e maua ai le tau pau tele e mafai ai.
GRACE: Ia, lelei. O le a ou taumafai.
JOSEPHINE: Ma e tatau ona i ai ia te oe nisi filifiliga. Ou te iloa se tagata e na te faatau atu ia te oe le vai i le 5 tala. Faamalie atu ou te lei vave tauina atu ia te oe. Ou te lei iloa sa e totogia le 7—ma i le taimi nei e 10! Lea o le a ou faalauiloa atu lena tagata ia te oe.
GRACE: E mo’i? Oka, Josephine. Faafetai tele. Ioe, faamolemole faalauiloa i ai maua. Ma, Priscilla, faafetai tele. O le a ou matuai taumafai lava e maua le tau pau lava mo le vai ou te faatauina mai.
Toe foi i le itulau 36