Aoao

Amataina ma Faaola La’u Pisinisi

Anotusi
Folasaga
Faasino Mataupu
1: E faapefea ona ou amataina pe faaleleia lau pisinisi?
2: O a mea e mananao tagata e faatau?
3: E faapefea ona ou faatau mai lau oloa ma fai tau e faatau atu ai?
4: E faapefea ona ou iloa pe o maua e lau pisinisi se tupe mama?
5: E faapefea ona ou tuu eseese au tupe o le pisinisi ma tupe a le aiga?
6: O faapefea mai le alualu i luma o lau pisinisi?
7: O le a faapefea ona ou faaolaina lau pisinisi?
8: E fia ou te gafatia e faagalue e faaola ai lau pisinisi?
9: E faapefea ona ou iloa pe ua tatau ona ou faaaoga se nonogatupe e faaola ai lau pisinisi?
10: O le a faapefea ona ou faatosina mai nisi tagata faatau ma fai pau talafeagai?
11: O le a faapefea ona ou faateleina au tupe mama?
12: E faapefea ona ou faaauau le faaleleia o lau pisinisi?
Pe o Ou Alualu Ea i Luma?
Tusi Faamaonia o le Faamaeaina
Faafanua o le Pisinisi Manuia

Aoao

Aisea o le a mananao ai tagata e faatau mai ia te au?

Taimi:Seti le taimi i le 60 minute mo le vaega o le Aoao.

Faitau:Ina ia faatupulaia a tatou pisinisi, tatou te manaomia e faatosina mai nisi tagata faatau ma tele atu oloa e faatau atu! O tagata e faaalu a latou tupe mo se mea latou te faatauaina. O le tele lava ina latou faatauaina se mea, o le tele foi lea o le a latou totogia mo lena mea.

Ina ia faatau atu ma le manuia, tatou te manaomia ona iloa mea e faatauaina e a tatou tagata faatau, faatosina mai na tagata faatau, ma faatau atu ia i latou le tulaga faatauaina! Ma e manaomia lo tatou ofoina atu o le faatauaina sili atu nai lo la tatou tauvaga.

Maimoa:“Sell, Sell, Sell” (Vaega I ma le II) (Leai se vitio? Faitau itulau 160.)

Talanoaina: Na faapefea e Kwame ona aoao e uiga i mea e faatauaina e tagata faatau?

Faitau:FESILI O LE VAIASO—O le a faapefea ona ou faatosinaina mai tagata faatau ma fai pau talafeagai?

FAATINOGA O LE VAIASO—O le a ou faataitaia ou manatu faamaketi ma faamaumau taunuuga. O le a ou aoao mai tagata faatau ma faataitai fofo i faafitauli o tagata faatau.

Faataitai:Talanoaina ma se tagata o le vaega le vaega lenei:

Faamatala au tagata faatau i le tasi ma le isi. Ia tuusao. Ua fia o latou tausaga? Itupa? Tupe Maua? O afea latou te faatau ai lau oloa? O fea?
Aisea o le a latou faatau ai lau oloa? O le a le tulaga faatauaina o le a latou maua ai? Lisi le tele o mea e te mafaia, e pei:
- O lau vai e malulu
- E faamamaina lau vai
- Ou te faia ia faigofie ona faatau atu au vai
- Ou te faauo ma e valaau tagata faatau i o latou igoa
O le a le tulaga faatauaina o le a e saunia e le maua e le au pisinisi tauva. Pe i ai sau tau e sili atu, nofoaga, po o se filifiliga o oloa? E ta’ua lenei mea ua e i luma i le tauvaga. O lenei mea e mafai ai e au tagata faatau ona filifili lau pisinisi nai lo isi pisinisi tauva.

Faitau:O faipisinisi faamanuiaina e malamalama ia latou tagata faatau i le fai atu lea ia i latou o fesili lelei e aoao atili ai e uiga i o latou faafitauli ma pe faapefea ona latou fesoasoani .

Faataitai:Sue sau paga. Faitau faatasi lenei vaaiga:

Faaaoga le faatulagaga i lalo e tusi ai ou manatu pe faapefea e Martin ona fai atu ni fesili lelei ia Felix (ua saunia se faataitaiga).

FAIA O FESILI LELEI
1. O le a se mea ou te fia iloa e uiga i le tagata faatau?	2. O le a se mea e mafai ona ou fesili atu e iloa ai?
O le a se faafitauli na sau ai o ia iinei e foia?	E foliga mai o loo e i le ogatotonu o se galuega ma ua i ai se faafitauli. E mafai faapefea ona ou fesoasoani?

Faasoa atu i le vaega atoa fesili e te manatu e tatau ona fai atu e Martin ia Felix.

Faataitai:Mafaufau nei i au lava tagata faatau. I le koluma muamua, tusi mea e tatau ona e iloa e uiga i au tagata faatau (faataitaiga ua saunia). I le koluma lona lua, tusi fesili e mafai ona e fai atu e iloa ai.

FAIA O FESILI LELEI
1. O le a se mea ou te manao e iloa e uiga i lau tagata faatau?	2. O le a se mea e mafai ona ou fesili ai e iloa ai?
O afea e saunia ai lau tagata faatau e faatau?	Pe o lenei mea e mo se tulaga faapitoa? O afea?

Faatasi ai ma se isi tagata o le vaega, faasoa atu nisi o mea e te manaomia ona iloa e uiga i au tagata faatau. Faasoa atu fesili o le a e fai atu e iloa ai.

Talanoaina: I le avea ai ma se vaega, talanoaina auala e aoao ai atili e uiga i au tagata faatau ma mea e mafai ona e faia i lenei vaiaso e amata ai ona aoao.

O le a faapefea ona ou faatosina mai nisi tagata faatau?

Talanoaina: Mafaufau i se taimi na e faatau ai se mea i pisinisi e te lei alu muamua lava i ai. O le a le mea na faatosina ai oe i na pisinisi? E faapefea e pisinisi ona faatosina tagata faatau i lau eria?

Faataitai:I laina avanoa i le faatulagaga i lalo, tusi oloa po o auaunaga na e faatauina. Ona tusi lea po o le a le mea na faatosina ai oe i pisinisi (tagai i faataitaiga).

O A MEA NA FAATOSINA AI AU? AISEA NA OU FAATAUINA AI?
Oloa po o le Auaunaga na Ou Faatauina	Faatau Patino	Na tau mai e se isi	Faasalalauga	Pau	Isi
Lole	Na tau mai ia te au e le faipisinisi	Na fai mai lou tuaoi e tatau ona ou faataitaia		20% pau mai le tau	Faataitaiga maua fua
Lavalava	O le faatauoloa na tau maia ia te au e uiga i le pau		Na ou vaai i se pepa lautele o i ai se savali i se puipui	Faatau le 1 maua le 1 mo le afa le tau
Fualaau faisua		Na tau mai e se uo ou te faataitaia	Na ou vaai i ai i le nusipepa		Faataitaiga maua fua

Talanoaina: Faasoa atu i se isi tagata o le vaega mea na e tusia. O a auala e mafai ona aoga mo lau pisinisi?

Faitau:O pisinisi faatoa tatou talanoa i ai e le faafuasei ona faatosina maia tagata faatau . Na latou mauaina ni manatu e uiga i le ala e faatau atu ai le latou oloa po o le auaunaga.

Talanoaina: O fea na latou maua ai na manatu?

Maimoa:“Marketing?” (Leai se vitio? Faitau itulau 161.)

Faitau:O le maketi e aofia ai:

Manatu e uiga i le ala e maua ai ma uunaia ai tagata faatau.
O le mea tatou te faamoemoeina o le a fai e tagata faatau.

Manatu Faalemaketi

Manatu

Afai ou te tuuina atu ni faataitaiga …

Taunuuga Faamoemoeina

O le a tele atu lole e faatau e tagata.

Faataitai:Galulue faatasi ma le tagata o loo lua sosoo.

Fesoasoani le tasi i le isi e mafaufau i manatu e fesoasoani ai i nisi tagata faatau ia maua lau pisinisi ma faatau mea o loo e faatauina atu. Talanoaina auala e sili ona aoga i lau eria.

Tusi ia le itiiti ifo ma le tasi se manatu fou i lalo. Ona fesoasoani lea o le tasi i le isi e tusi taunuuga e te manao i ai (faataitaiga ua saunia).

MANATU FAALEMAKETI
Manatu	Taunuuga Faamoemoeina
Afai ou te faaaogaina se faaleotele leo e tau atu ai i tagata o au nofoa ua pau i le 40% …	O le a o mai tagata faatau i lou faleoloa ma faatau nofoa.

O le a faapefea ona ou faataitaia lau fuafuaga faalemaketi?

Faitau:O le a faapefea ona tatou iloa pe aoga o tatou manatu? Tatou te manaomia se ala e faataitai ai. Tatou te manaomia se ala e fuaina ai taunuuga.

Faataitai:Galulue ma le tagata o loo lua sosoo. Talanoaina ma tusi ni nai manatu faalemaketi ma taunuuga e te manaomia mo lau pisinisi. Faaaofia ai soo se manatu e foliga mai o loo aoga nei. Mo manatu taitasi, tusi pe o le a faapefea ona e fuaina taunuuga. O ou manatu o le a suia ma faaleleia i le faagasologa o le taimi ao e faataitaia ma fuaina.

FAATAITAIINA O OU MANATU FAALEMAKETI
Manatu	Taunuuga Faamoemoeina	Fuaina
Afai ou te faaaogaina se faaleotele leo e tau atu ai i tagata o au nofoa ua pau le 40% …	O le a o mai tagata faatau i lou faleoloa ma faatau nofoa.	Afai e o mai tagata faatau i totonu, o le a ou fesili atu pe na faapefea ona latou faalogo i le pau e 40%. O le a ou tausia se lisi o tali a tagata faatau.

Faitau:Sei tatou faataitaia o tatou manatu i lenei vaiaso! Tatou te le manaomia le faataitai uma o o tatou manatu i le taimi e tasi. Ma e mafai ona le aoga nisi manatu—e le afaina lena mea. O le a tatou faaauau ona faataitai manatu ma fuaina taunuuga. E iu lava, ina tatou mauaina auala sili e fesoasoani ai i tagata ia mauaina i tatou ma faatau mea ua tatou faatauina atu.

O le a faapefea ona ou mauaina tagata faatau e faatau au oloa?

Faitau:Aisea e filifili ai nisi tagata faatau e faatau ae o isi e filifili e le faatauina? E tele mafuaaga. Ae e mafai ona tatou uunaia lena filifiliga!

Maimoa:“Please Buy Something!” (Leai se vitio? Faitau itulau 162.)

Talanoaina: Aisea na le mafai ai e Maria ona uunaia tagata faatau e faatau ni fuamoa? Pe na mafaufau Maria e uiga ia te ia lava po o ana tagata fatau?

Faitau:Ina ia uunaia tagata faatau e faatau, e tatau ona tatou fesili atu, faalogo, ma fautua atu.

1. FESILI ATU

O le a moni lava le mea e manao ai le tagata faatau? Aisea?

2. FAALOGO

Pe o ou faalogo moni lava?

3. FAUTUA ATU

Pe o i ai ni ou avanoa e manuia ai i maua uma ma le tagata faatau?

O faipisinisi faamanuiaina e faaaoga lenei taamilosaga e uunaia ai nisi tagata faatau e faatau a latou oloa ma auaunaga.

Maimoa:“Ask, Listen, Suggest” (Leai se vitio? Faitau itulau 163.)

Talanoaina: I le taimi muamua, na fesili atu Maria ia Samuel ma Lucia i le na o le tasi le fesili: “E mafai ona ou fesoasoani ia te oe?” O le a le mea na ese le faia e Maria i lenei taimi ina ia maua ai se taunuuga sili atu? Na faapefea e Maria ona faaali atu ia Silvia na faalogo moni lava o ia?

Talanoaina: Mafaufau i taimi na uunaia ai oe e fai se faatau, atonu e te lei fuafua lava e faatau. O le a le tala a lena tagata na fai na e filifili ai e faatau?

Faitau:O le siata i lalo ua faaalia ai ituaiga e lima o auala, ma faataitaiga, e mafai ona tatou faaaoga e uunaia ai a tatou tagata faatau e faatau a tatou oloa. E taua lenei mea o le “pau talafeagai.”

Faataitai:Faatasi ma nisi tagata e toalua i le vaega. Faataitai le faaaogaina o ituaiga taitasi o le pau talafeagai e le tasi i le isi. Faataitai ona faatau atu lau oloa ia i latou. Faaaoga le faatulagaga i lalo e tusi ai le pau e sili e mafai ona e faaaoga e faatau ai i au tagata faatau. Tusi le itiiti ifo ma le tasi le fautuaga mo ituaiga taitasi.

PAU TALAFEAGAI
1. Filifiliga lelei e lua	2. “Afai”	3. Gaoioiga faapitoa	4. Faataitaiga	5. Isi
Pe e te manao i fai po o mago?	Afai ou te faia lena tau, pe o le a e manao ou te okaina?	E mafai ona ou saunia lenei mea ae lei oo i le aso fanau o lou faletua.	Faataitai lea. Ou te manatu o le a sili atu lou fiafia i le ituaiga lenei.	Ae a pe a e faatauina pea seevae uma e lua ma ou tuuina atu ia te oe se pau?

Ia, tulai mai tagata uma. Faataamilo i le potu ma faataitai au auala eseese. Ia faia lenei mea mo le lua minute.

Talanoaina: Faatasi ai ma le vaega atoa, talanoaina ou manatu i le auala e sili mo le faia o au tagata faatau e fai se faatau mai lau pisinisi. Aisea e sili ai lenei auala mo au tagata faatau?

O le a faapefea ona ou faia ia faigofie ona ia faaauau e faatau?

Faitau:O faipisinisi faamanuiaina e faafaigofieina ma faafiafiaina tagata faatau e faatau mai ia i latou.

Faataitai:Sue sau paga ma iloilo le faataitaiga lenei faatasi.

Faitau le aafiaga o Paula i le Faleoloa 1 sosoo ai le Faleoloa 2 Ona faitau lea o ana tali i lana uo. Talanoaina ma lau paga pe aisea na manatu ai Paula e lelei le Faleoloa 1.

AAFIAGA FAATAU A PAULA
	Faleoloa 1	Faleoloa 2
Aafiaga a Paula	Na alu Paula i lenei faleoloa e sili atu ma le 15 taimi. E fiafia o ia i tau, filifiliga o oloa, ma le pule.	E na o le tasi le taimi na alu ai Paula i lenei faleoloa. E manatu o ia e faigata ona maua mea e manao ai. Na te lei maua se fesoasoani pe a i ai ni ana fesili.
Tali a Paula i lana uo	“Tatou o i le Faleoloa 1 Ou te alu iina i taimi uma lava. E faigofie lava ona maua mea ou te manao ai. Ou te fiafia i lena fale.”	“Ou te le fiafia i le Faleoloa 2. E faigata lava ona maua mea ou te manao ai. Ma e lei fesoasoani tagata iina pe a i ai ni au fesili.”

Faitau:E toe foi mai tagata faatau i pisinisi ona o le pule ma tagata faigaluega:

Iloa igoa o a latou tagata faatau
Ataata ia latou tagata faatau
Faalogo ma tali atu i manaoga o tagata faatau

Talanoaina: O a mea tou te manaomia ona fai i a outou pisinisi ia sili atu ai le faatumauina o tagata faatau e toe foi mai? O le a se mea o le a e faaopoopo i le lisi o i luga?