Punaoa

Fai se Nonogatupe?

Filifili tofiga ma faatino le vaega lenei.

CARLOS: O se aso tele lenei. O le a maua lau nonogatupe o le pisinisi!

NAOMI: O le a maua sau nonogatupe? Mo le a?

CARLOS: Mea uma a. O le a ou faateleina se potu mo lau oloa. O le a ou faatau se TV fou ma isi mea i le fale, foi. Ua ou fiafia lava!

NAOMI: Auoi, ua ou fefe. Faatoa amata lau pisinisi i le vaiaso talu ai. Carlos, e le tatau ona fai sau nonogatupe. Maria, oa mai lau pisinisi?

MARIA: Lelei a. Ou te faatauina vave lava au fuamoa. E masani lava ona ou faatauina uma i le 9:00 i le taeao. Ae a fesili mai tagata faatau i isi taimi o le aso e uiga i fuamoa, ua leai se mea.

NAOMI: Maria, ua e manaomia moni lava nisi moa. O faapefea mai lau nonogatupe mo nisi moa? Pe o i ai lava lau nonogatupe?

MARIA: Leai. Ua fai si ou fefe e fai se nonogatupe. Atonu e le tatau ona ou faia se nonogatupe. Faatoa uma ona e tau atu ia Carlos e le tatau ona ia faia se nonogatupe.

CARLOS: O le a fai pea sau nonogatupe. O le a foia ai uma lava ou faafitauli!

NAOMI: Pe fatuina ai se aofai tele o faafitauli fou? Carlos, ou te fefe o le a vave lava ona i ai sau mauga o aitalafu lena o le a palaina oe.

Ae Maria, i lou tulaga, o se nonogatupe o le a fesoasoani moni lava ia te oe.

MARIA: O le a faapefea ona ou iloa pe o se nonogatupe o le a fesoasoani ia te au pe olopalaina ai au?

NAOMI: O faipisinisi faamanuiaina e faaaoga le “Fa Sao” e filifili ai pe o se nonogatupe o le pisinisi o se manatu lelei e faaolaina ai la latou pisinisi.

MARIA: O Le Fa Sao?

NAOMI: Ioe. Faatoa fai se nonogatupe pe a i ai sau mafuaaga sao, sao le taimi, sao le aofaiga, ma sao aiaiga.

CARLOS: Ou te le popole i le Fa Sao. O le a fai lau nonogatupe!

MARIA: Ou te popole. Ou te manao e faaola lau pisinisi, ae ou te le manao i se mauga o aitalafu. Tau mai nisi mea e uiga i nei Fa Sao.

Toe foi i itulau 129

Mafuaaga Sao?

Filifili tofiga ma faatino le vaega lenei.

NAOMI: O lau mafuaaga mo le nonogatupe e tatau ona mo le pisinisi, ae le mo mafuaaga patino.

CARLOS: Aisea e le mo mea uma e lua? O le a ou fiafia i lau TV ma faatele lou faleoloa!

NAOMI: Oi, Carlos! Faalogo mai, Maria, o se nonogatupe e tatau ona mo mea e mafai ona e faatau nei lava, e pei o fagu susu, po o mea e aoga nei lava, e pei o moa e tuufua. Manatua, e tatau ona e amata ona fai peimeni o nonogatupe i le taimi nei lava!

MARIA: Ua lelei. E mafai la ona ou faatau ni moa ua tuufua, ma o le a ou maua ni fuamoa e faatau atu nei lava.

NAOMI: Lelei! Pe ua e mafaufau i le faaaogaina o tupe mai lau pisinisi e faatau ai nisi moa, nai lo le faia o se nonogatupe?

MARIA: Faatali, faapea au na e fai mai e tatau ona ou fai se nonogatupe.

NAOMI: O le tupe, e te teu nei ae faatau mulimuli ane—faaitiitia le faaola ae laitiiti le lamatia. O le nonogatupe e te faatau nei ae totogi mulimuli ane—faateleina le ola ae tele atu le lamatia.

CARLOS: Ioe. “Totogi mulimuli” manaia ia te au!

MARIA: O tagata faatau e faaauau le fesili mai mo nisi fuamoa. Ou te manao e faatau atu nisi fuamoa vave!

NAOMI: Pe talafeagai le nonogatupe mo le tulaga lamatia? Pe na e mafaufau e uiga i se mea le lelei e ono tupu mai?

MARIA: Leai! Ae, ou te masalo e ono le toe tuufua matuamoa. Pe mafai foi ona pepe pe gaoia. Pe le toe o mai tagata faatau e faatau fuamoa.

NAOMI: E faapefea ona e faaitiitia na tulaga lamatia?

MARIA: Mmmm. E mafai ona ou fafaga moa i meaai lelei ma tausi lelei i latou. E mafai ona ou lokaina i latou ia aua nei gaoia e tagata.

NAOMI: Pe e te manatu ua sao lau mafuaaga mo le faia o se nonogatupe, Maria?

MARIA: Pei a.

Toe foi i itulau 129

Taimi Sao?

Filifili ni tofiga ma faatino le vaega lenei.

NAOMI: Maria, o le a le umi talu ona fai lau pisinisi?

MARIA: Ua valu nei vaiaso talu ona faatau au fuamoa, ma o loo lelei a.

NAOMI: Lelei tele! O nisi tagata e fai nonogatupe mo pisinisi faatoa latou amataina—ma e matuai lamatia lava lena mea!

CARLOS: Ei, o au lena e te lua talanoaina? Ou te iloa le mea o loo ou faia.

NAOMI: Maria, ua fai si umi talu ona fai lau pisinisi, ae pe o le faia o se nonogatupe o se vaega o le fuafuaga na e faia e faaola ai lau pisinisi?

CARLOS: O lau fuafuaga lenei: Faatele lau faleoloa, faatele oloa e faatau atu.

MARIA: Carlos, e le foliga mai o se fuafuaga lena mea ia te au. Ou te fuafua e fai se nonogatupe, faatau nisi moa, tele atu fuamoa e faatau atu i le vaiaso, ma totogi uma le nonogatupe.

NAOMI: O se amataga lelei lena mo lau fuafuaga, Maria. O le a e manaomia la, e fuafua le aofai tonu o moa ma fuamoa. O le a lou mautinoa pe o le a tele atu fuamoa e faatau e tagata faatau pe a tele fuamoa e te faatau atu?

MARIA: Oi aue, ou te manatu o le a latou faatau uma au fuamoa, ae ou te le mautinoa.

NAOMI: Atonu e te manaomia iloa muamua!

MARIA: Lelei, o le a ou talanoa atu i tagata faatau ma fai se lisi o tagata uma o le a faatau. O le a ou talanoa atu i le le itiiti ifo ma le toa 10 o i latou.

NAOMI: Lelei. Afai e te filifili e fai se nonogatupe, o se lisi o tagata faatau o le a fesoasoani ia te oe e faaali atu ai i le tagata fai nonotupe e te malamalama lelei lava i le ala o le a e faaaoga ai le nonogatupe.

NAOMI: Lelei, o le isi fesili lea. Afai e te nonoina se tupe e faatau ai ni moa fou, pe o le a latou faaauau ona tuufua e tusa lava pe ua uma ona totogi lau nonogatupe?

MARIA: Oi, ioe. E tatau ona tuufua moa e le itiiti ifo ma le isi lua tausaga, ma ua ou fuafua e fai se nonogatupe e ono masina.

Toe foi i itulau 130

Aiaiga Sao?

Filifili tofiga ma faatino le vaega lenei.

CARLOS: Ei! Ua maua lau nonogatupe! 1000 i le pasene tumau e 3% i le masina.

NAOMI: Oi, Carlos. Ou te popole mo oe. E fia tagata nonotupe na e talanoa i ai?

CARLOS: Tasi, a. E le faamaumauina lou taimi. Sa tatau ona e vaai ia te au. Na ou savali atu i totonu ma fai atu, “Ou te manao i se nonogatupe—i le taimi nei!” Ma na latou fai mai, “Ioe, lau susuga.” Na latou faia au e pei o se tupu. E alolofa na alii ia te au.

NAOMI: Ioe, ou te mautinoa latou te alolofa ia te oe. Pe o au pepa na o le nonogatupe? Mata e afaina pe afai ou te vaai ia i latou?

CARLOS: Alu i ai. Ae ia saunia e ofo! Na ou mauaina se aiaiga sili.

NAOMI: Carlos, o nei aiaiga e matautia. 200 e totogi muamua? Peimeni faalevaiaso? Pe na e vaai ea i nei aiaiga?

CARLOS E a? E le sao lena mea. Ou te le manatua na mea. Oi leai, ou te masalo ou te lei vaai moni lava ma le faaeteete.

NAOMI: Maria, o a aiaiga na e maua?

MARIA: Ia, ua uma ona ou talanoa i tagata fai nonotupe se toatolu. Faafetai mo le tuuina mai o le pepa o galuega mai lau vaega o le ola-tutoatasi. Ua matuai fesoasoani ia te au e fai atu fesili. Ou te matuai fiafia lava na ou aoaoina e uiga i sala, tupe tului, pili, ma komisi.

O le toalua o tagata fai nonotupe e fai pasene o tupe tului tumau. Ae o le tasi e faaitiitia le pasene o le tupe tului.

CARLOS: O le a le eseesega?

MARIA: Ou te le malamalama i le eseesega. E pau le mea ou te iloaina afai e tutusa pasene, o le faaitiitia e sili atu i le tumau.

NAOMI: E sao lena, Maria. E foliga mai ua amata ona e maua aiaiga sao.

Toe foi i leitulau 130

Aofaiga Sao?

Filifili tofiga ma faatino vaega nei.

NAOMI: Carlos, o a mai oe? Ua e foliga faanoanoa.

CARLOS: E sao oe, Naomi. Ua faaputu i luga sala, ma ua pau ia te au se mauga o aitalafu.

NAOMI: Carlos, ou te faanoanoa e faalogo i lena mea,

CARLOS: Na sau le tagata nonotupe ma ave le TV. Afai ou te misia le isi peimeni, fai mai o oloa ma mea faigaluega e sosoo ai.

MARIA: Carlos, e le foliga mai e lava lau faaaluga o tupe.

CARLOS: Faaaluga o tupe?

NAOMI: O le tupe lena e sau ma alu i fafo o lau pisinisi. O le taimi nei, e le lava au tupe e sau i totonu e fai ai au peimeni.

CARLOS: Ou te lei faatauina atu le tele e pei ona ou faamoemoeina. Sa ou tuai i nisi peimeni. Ua faaputu i luga sala ma ua atili ai le faigata ona fai peimeni.

NAOMI: Carlos, o le mafuaaga lena e te manaomia ai se faamatalaga o le faaaluga o tupe mo le ono masina ae lei filifili i se nonogatupe. Pe na e fatuina se tasi muamua?

CARLOS: Leai.

NAOMI: O se faamatalaga o le faaaluga o tupe e fesoasoani ia te oe e iloa ai pe e te gafatia e fai peimeni o le nonogatupe o masina taitasi. Pe o i ai ni au faamatalaga o tupe maua mai le lua masina talu ai?

CARLOS: Leai, e le o ia te au.

MARIA: E mafai ona ou aumaia au faamatalaga o le faaaluga o tupe na ou galue ai. E mafai ona matou faaali atu ia te oe le ala.

NAOMI: Lelei! O le a matou fesoasoani ia te oe e fatuina se faamatalaga o le faaaluga o tupe. Ona e iloa ai lea pe o e nonoina le aofai sao.

Toe foi i le itulau 131

Lisi Siaki o le Fa Sao

Fai ifo ia te oe fesili nei. Faailoga fesili taitasi pe a e tali “Ioe.”

FA SAO
Mafuaaga Sao?
Pe o ou nonoina mo mafuaaga o se pisinisi ola (e le o ni mafuaaga patino)? Pe sili atu le nonogatupe nai lo le tupe e faaola ai lau pisinisi? Pe o mea ou te faatauina i le nonogatupe o le a maua vave ai lava ni tupe? Pe ua ou iloa mea uma e ono faaletonu?
Taimi Sao?
Pe ua lava le umi o lau pisinisi e iloa lelei ai lau pisinisi? Pe o se vaega lenei o lau fuafuaga e faaola lau pisinisi? Pe mafai ona ou faamaonia o tagata faatau o le a faatau nisi oloa e sili atu pe a ou faatauina atu le tele o oloa? Afai ou te faatauina se mea mo lau pisinisi (e pei o se moa po o se loli), pe o le a umi atu le aoga nai lo le nonogatupe?
Aiaiga Sao?
Pe mafai ona ou lisiina ni tagata se toatolu e fai nonogatupe lelei? Pe ou te iloaina le tau moni o le nonogatupe? Pe mafai ona ou faamatalaina aiaiga o le nonogatupe? Pe mafai ona ou faamatalaina pe aisea e sili ai le isi tagata fai nonotupe nai lo le isi?
Aofaiga Sao?
Pe ua ou faia se faamatalaga o le faaaluga o tupe mo le ono masina? Pe mafai ona ou faia se peimeni ma maua pea ni tupe? Afai ou te le maua nisi faatau, pe mafai pea ona ou faia peimeni?

Pepa o Galuega o Aiaiga o Nonogatupe

Ave lenei Pepa o Galuega o Aiaiga o Nonogatupe pe a e asiasi i au tagata fai nonotupe.

• Fai i tagata fai nonotupe fesili 1-4

• Fai ifo ia te oe lava fesili 5-6

TAGATA FAI NONOTUPE #1:	TAGATA FAI NONOTUPE #2:	TAGATA FAI NONOTUPE # 3:	TAGATA FAI NONOTUPE #4:
1. Agavaa: O a mea ou te manaomia ona tuuina atu pe faaali ia te oe (tagata fai nonotupe) e maua ai se nonogatupe?
2. Taimi o Peimeni: O afea le peimeni muamua? E faafia ona manaomia lou faia o peimeni? Pe mafai ona ou maua se kopi o le faasologa o peimeni?
3. Sala: Pe i ai ni pili po o sala pe a ou le totogia i le taimi sao?
4. Tau Tuusao: Afai ou te nonoina le 100, 1000, po o le 10000 (piki se aofai se tasi e tusa ai ma tupe o le lotoifale ma faaaoga mo tagata fai nonotupe taitasi), e fia ou te totogia pe a uma ona totogi uma le nonogatupe, e aofia ai tupe tului uma, pili, ma isi.? Afai ou te nonoina ia lava mo se aseta se tasi, mo se faataitaiga, e tasi le moa, e fia le tupe faaopoopo ou te totogia i le faia o se nonogatupe? E fia le tupe e totogi muamua? E fia peimeni taitasi? Pe tumau pe faaitiitia le pasene o le tupe tului?
5. Tau e le Tuusao: O le a le umi e fai ai peimeni? E fia le tau mo au e alu ai i le tagata fai nonotupe e totogi ai?
6. Tau Moni o le Nonogatupe: O le a le aofaiga o tau tuusao ma tau e le tuusao? (Faaopoopo tau mai fesili 4 ma le 5.)

Faamatalaga o le Faaaluga o Tupe o le Ono-Masina

Kopi lenei pepa o galuega o le faaaluga o tupe i lau tusifaamatalaga o le pisinisi. Faaaoga le tasi mo tagata fai nonotupe taitasi e iloa ai pe e te gafatia aiaiga o le nonogatupe o le a e aoao i ai i lenei vaiaso.

FAAALUGA O TUPE
Suafa o le Tagata Fai Nonotupe:
	2 Masina Talu ai	Masina ua Tea	Masina Lenei	Le Isi Masina	3 Masina	4 Masina	5 Masina	6 Masina
Aofaiga o Tupe Maua
Tupe Faaalu Tumau
Peimeni oNonogatupe
Peimeni Fetuunai
Aofaiga o Tupe Mama/Gau
Tupe Amata
Tupe o Loo I Ai

Faamatalaga