Aoao

matauila-enaena

E faapefea ona fetaui faatasi mea uma?

Taimi:Seti le taimi i le 60 minute mo le vaega o le Aoao.

Maimoa:“We Can Do This!” (Leai se vitio? Faitau le itualu 192.)

Faataitai:O le pisinisi a Maria ua sili atu nai lo le mea sa i ai i le 12 vaiaso talu ai. E faapefea lau oe lava pisinisi ona sili atu nai lo le mea sa i ai i le 12 vaiaso talu ai. Sue se tagata o le vaega. Avae i fafo lau Faafanua o le Pisinisi Manuia. Fesili atu, “Na faapefea e ______ (se mea mai le faafanua) ona faaleleia lau pisinisi?”

Mo se faataitaiga: “Na faapefea e le faaaogaina o le tele o faioloa ona faaleleia lau pisinisi?”

Ia feauauai e fai atu fesili i le tasi ma le isi mo le lua minute.

Faitau:E mafai ona tatou faia lenei mea! Sa faamanuiaina i tatou. Ua tatou amataina ma faaola a tatou pisinisi! Tatou te manaomia le faaauau pea o le faaleleia o a tatou pisinisi ma faateleina a tatou tupe maua.

Faitau:FESILI O LE VAIASO—O le a faapefea ona ou faateleina au tupe mama? E faapefea ona ou faaauau le aoaoina ma le faaleleia?

FAATINOGA O LE VAIASO—O le a ou faatuina ni sini mo lau pisinisi. O le a ou saunia se aoaoga e uiga i lau pisinisi.

O le a faapefea ona ou ausia au sini o le pisinisi?

Talanoa: Faitau le upusii i le itu taumatau.

“Iloilo po o fea o loo e tu ai, ma po o a mea e tatau ona e faia. …Ia faatu ni sini musuia, tamalii, ma amiotonu ia e faaosofia ai ou manatu ma fatufatuai ai le fiafia i totonu o lou loto. Ma ia e taulai atu pea i ai. Galue e le aunoa i le ausiaina o ia sini.”

Joseph B. Wirthlin, “O Lesona Aoaoina o le Olaga,” Ensign po o le Liahona, Me 2007, 46

Faataitai:Tusi ni au sini se tolu mo lau pisinisi. Faaalu ai le lua minute.

Faatasi atu i nisi tagata se toalua. Vaai i sini e lua o loo i lalo.

Ou te manao ia sili atu le puleaina o au tupe aua e masani ona le lava e totogi ai au tupe faaalu uma sei vagana ua nono mai lou aiga, lea e faigata i nisi taimi aua e leai lava foi ni a latou tupe i taimi uma

O le a ou faaluaina au tupe mama i le isi masina.

Tali fesili i lalo. Talanoaina pe aisea e te filifili ai tali taitasi.

1. O le fea o sini e sili le manaia?

2. O le fea o sini e sili le faigofie ona manatua?

3. O fea o sini e faigofie atu ona fuaina (i le iloaina ua e ausia le sini)?

   O faipisinisi faamanuiaina e fai ni sini manaia, ma fuaina.

Faitau:O faipisinisi faamanuiaina e faatutu ni sini e mananaia, faigofie ona manatua, ma faigofie ona fuaina.

Faataitai:Pe a nao oe, toe tusi sini e tolu mo lau pisinisi. Faaalu le lua minute e fai ai au sini mananaia, faigofie ona manatua, ma faigofie ona fuaina.

Ia, tutu uma tagata ma tapuni tou tusi o galuega. Liliu i le tagata o loo lua sosoo ma tau i lena tagata lau sini e sili ona manaia. Ia vave ona see atu i le isi tagata seia outou faasoa uma atu i tagata uma.

Toe foi atu i le vaega atoa. Faasoa atu se sini a se tasi i le vaega (aua le faasoaina atu lau lava sini).

Talanoa: Pe na mananaia au sini, faigofie ona manatua, ma faigofie ona fuaina?

“Tusi i lalo au sini ma mea ua e fuafuaina ia ausia ai. Ia faamaualuluga a outou sini, aua e mafai ona outou maua faamanuiaga faavavau.”

Thomas S. Monson, “O la Outou Faigamalaga Faaselesitila,” Liahona, Iulai 1999, 114

Faitau:O sini e le tupu fua ona ua tatou mananao e tupu. E tatau ona tatou galulue malosi e ausia a tatou sini. Faitau le upusii a Peresitene Monson i le itu taumatau.

Faataitai:Toe tusi au sini e tolu i lalo. Tusi le mea ua e fuafua e fai e ausia ai au sini (saunia le faataitaiga).

SINI	O LE MEA O LE A OU FAIA E AUSIA AI LAU SINI
O le a ou faaluaina au tupe mama i le isi masina i le tatalaina o se tulaga i se auala pisi.	O le a ou tuuina atu i lou atalii e vaai lau pisinisi ao ou saili mo se nofoaga lelei mo lau tulaga fou. O le a ou tuuina atu faataitaiga ina ia iloa ai e le toatele o tagata ma faatau mai ia te au.

O faipisinisi faamanuiaina e le taitai fiu.

Faitau:Atonu o le a i ai ni o tatou faigata ma faanoanoaga ao tatou galulue ia tatou sini. O faipisinisi faamanuiaina e le taitai fiu, ma latou te fuafua auala e manumalo ai i faigata. Faitau le tala i lalo.

Na iloa e Tanielu o le tele o lona aiga o le a faitioina ana sini o le pisinisi ma faapea mai e le mafai ona ia ausiaina sini. Ae na ia iloa o le tamaloa o lona aiga o le a lagolagosua. Na ia fuafua e fesili i le uso o lona tama mo se fautuaga ma se faamalosiauga. Na ia fuafua e tatalo mo le malosi, agaalofa, ma le onosai. Na ia fuafua e tumau i le matafiafia ae mauaa pe a faitioina.

Tusi:Faasoa atu manatu o auala e te mafai ai ona manumalo i faigata i le ausiaina o au sini. Manatua e mafai e le Alii ona fesoasoani ia te oe ma o isi tagata e mafai ona fesoasoani ia te oe. Tusi ou manatu i lalo.

E faapefea ona ou saunia mo le faauuga?

Faitau:I le avea ai ma se vaega o le faauuga, o le a tatou tutu taitoatasi ma faamatala atu a tatou pisinisi i si faipisinisi, tagata o le aiga, ma uo. Ao e maimoa i le vitio, mulimuli i faatonuga i lalo.

Maimoa:“My Business in Five Minutes” (Leai se vitio? E mafai e le fautua ona faitau itulau 193 a o mulimuli tagata uma i faatonuga i lalo.)

O LAU PISINISI I LE LIMA MINUTE: FAATONUGA
Vaega 1:	I le itiiti ifo ma le minute, faamatala lau pisinisi.
Vaega 2:	I le itiiti ifo ma le minute, faamatala pe faapefea e le taliina o se tasi o fesili nei ona matuai faaleleia ai lau pisinisi: O a mea e mananao tagata e faatau? E faapefea ona ou faatauina atu? E faapefea ona ou puleaina tau? E faapefea ona ou faateleina tupe mama? E faapefea ona ou taulimaina lau pisinisi?
Vaega 3:	I le itiiti ifo ma le minute, faamatala le ala na e faateleina ai teugatupe ma tausia faamaumauga o tupe. E fia vaiaso na e faaopoopo ai i au teugatupe? ___ E fia vaiaso na e tausia ai faamaumauga o tupe a le pisinisi? ___ E fia vaiaso na e tausia ai faamaumauga o tupe patino o le pisinisi? ___
Vaega 4:	I le itiiti ifo ma le minute,faamatala le mea e tasi o le a e faia e faaauau ai le faaleleia o lau pisinisi.
Vaega 5:	I le itiiti ifo ma le minute, faamatala sau sini se tasi o le pisinisi ma le ala o le a ausia ai lau sini.

Faataitai:I le gasologa o le vaiaso, mafaufau e uiga i se mea o le a e manao e faasoa atu. Tusi ou manatu i lau tusifaamatalaga o le pisinisi. Faataitai le tuuina atu o lau aoaoga i lou aiga po uo. O mai saunia e faasoa mai tou aoaoga o le pisinisi. (Afai tou te filifili, e mafai ona outou faaaogaina faamatalaga, siata, po o isi fesoasoani faitino.)

O le a lau mea o le a fai pe a uma le faauuga?

Faitau:O faipisinisi faamanuiaina e faaauau ona saili le aoaoina. E mafai ona tatou aoao mai tusi, isi faipisinisi, vasega, ma mai i le tasi i le isi.

Mo se faataitaiga, e mafai ona e mafaufau e lesitala aloaia lau pisinisi. I le talanoaina o lenei mea ma tagata o lau vaega po o tagata o se aufono faapisinisi e mafai ona fesoasoani ia te oe ia iloa ai le taimi ma pe faapefea ona faia.

O faipisinisi faamanuiaina e aoao pea.

Talanoa: Pe e te manao e faaauau ona fono o se vaega? Pe e te fia feiloai i isi vaega i le siteki?

Faitau:Afai e te filifili e faaauau le fonotaga, e mafai ona tatou fatuina sa tatou lava lisi o mataupu pe mulimuli i se lisi faapenei:

Lisi Faataitai o Mataupu o le Fono

Lou Faavae

Iloilo mataupu faavae ma autu.

Lipoti

Lipoti mai i le alualu i luma ma faafitauli o le pisinisi.

Aoao

Faalogologo i lauga mai pisinisi o le lotoifale, tagata nonotupe, ma le malo.

Maimoa i vitio pe faitau e uiga i autu o pisinisi

Mafaufau Loloto

Toe mafaufau i mea ua tatou aoaoina.

Tautino

Filifili sini ma fai tautinoga.

Pe ua sili atu ea lou ola-tutoatasi?

Faavaa o Lo’u Ala i le Ola-Tutoatasi

Faitau:

O la tatou sini o le ola-tutoatasi, e faaletino ma faaleagaga foi. O le faia o a tatou pisinisi ia manuia ua na o se vaega o lena sini.

Talanoa: O a suiga ua e vaaia i lou olaga ao e faataitaia ma aoao atu le O Lou Faavae mataupu faavae?

Faataitai:Sue lau tamaitusi Lou Ala i le Ola-Tutoatasi i se iloiloga o le ola-tutoatasi avanoa (i tua ). Faauma laasaga nei:

Afai loa ua e maea, faaalu le tolu minute e mafaufau loloto ai i mea nei:

Pe ua sili atu nei lou iloaina o au tupe faaalu? Pe ua mafai nei ona e tali “isi taimi” po o “taimi uma” i le tele o nei fesili? Pe ua sili atu lou fiafia i le aofai ua e setiina o lau tupe maua o le ola-tutoatasi? Pe ua e lalata i le ausiaina o lau tupe maua o le ola-tutoatasi? O le a se mea e mafai ona e fai e faaleleia ai?