Punaoa
E Mafai ona Ou Gafatia Nisi Aseta? (Vaega I)
Filifili matafaioi ma faatino mea nei:
MARIA: Naomi, ua ou filifili e faatau nisi moa. Ou te manaomia nisi aseta faaolaola e faaola ai lau pisinisi.
NAOMI: E pei lena mea o se faaiuga lelei ia te au. O lea e mafai ona e gafatiaina ni moa?
MARIA: Gafatia? Ioe, lea ou te faia se aitalafu mo ni moa.
NAOMI: E fia le mea o e mafaufau e nonoina mai?
MARIA: O le aitalafu e 1500.
NAOMI: Aisea e 1500 ai?
MARIA: Ia, ou te iloa se tasi e faatauina atu ni moa se 15 mo le 1500. O se tau lelei.
NAOMI: Aisea e 15 ai moa?
MARIA: Na o le pau lena o le aofaiga o loo ia te ia.
NAOMI: E lava sau tupe mo le 15 moa?
MARIA: Ioe… ia… a, masalo. Ou te le iloa.
NAOMI: O a peimeni o le masina?
MARIA: Sa ou talanoa i se tasi o taitai, ma sa ia fai mai e 275 i le masina e tasi.
NAOMI: O lava se tupe ia te oe i masina taitasi e faia ai peimeni?
MARIA: Talosia.
NAOMI: Maria, e le mafai ona tau lava e te faamoemoe. E manaomia ona e iloa e lava le tupe o ia te oe e fai ai peimeni.
MARIA: Ae, e faapefea ona ou iloa?
Toe foi i le itulau 108
E Mafai ona Ou Gafatia Nisi Aseta? (Vaega II)
Filifili matafaioi ma faatino mea nei.
MARIA: Naomi, faafetai lava mo le faasino mai ia te au le auala e sue ai pe fia se tupe o loo mafai maua. O peimeni o aitalafu e 275 i le masina e tasi semanu e leaga tele mo au. Semanu e leai sau tupe i le masina lona tolu. Semanu e le mafai ona ou faia ni peimeni. Semanu e gau lau pisinisi!
NAOMI: Oka, Maria, ua ou fiafia lava sa ta vaavaai i lau tupe e mafai ona maua ae e te le’i faia se aitalafu.
MARIA: Ma a’u foi. Ae e faapefea ona ou iloa le aofaiga e mafai ona ou gafatia?
NAOMI: Ia, sei ta toe taumafai i ai i se aitalafu laitiiti atu.
MARIA: Lelei. Sei ou taumafai e vaavaai i le peimeni o se aitalafu e 150 e iloa ai pe mafai ona ou gafatia.
Toe foi i le itulau 113