Aoao

O le a le mea o le a fesoasoani i lau pisinisi ia tele ai ni tupe?

Taimi:Seti le taimi i le 60 minute mo le vaega o le Aoao.

Maimoa:“Bicycle or Chickens?” (Leai se vitio? Tagai i le tusiga i itulau 102.)

Faitau:O se aseta o se mea a le pisinisi e taua tele. E mafai ona e faatau mai ma faatau atu aseta. Mo se faataitaiga, e mafai e Maria ona faatau mai se nofoa e nofo ai pe a faatau ana fuamoa ma e mafai ona ia faatau atu se moa. O aseta mea nei

O se aseta aoga e maua ai tupe mo le pisinisi. O moa a Maria oni aseta aoga aua latou te tuufua, lea e faatau atu e Maria mo tupe. O se nofoa o se aseta, ae le o se aseta aoga. E le maua ai ni tupe.

Talanoa: O faipisinisi faamanuiaina e faaaoga aseta e faaola ai a latou pisinisi. E faapefea ona avea se laau suisui po o se uila vilivae o se aseta aoga?

O faipisinisi faamanuiaina e faaaoga aseta aoga e faaola ai a latou pisinisi.

Faataitai:Filifili se paga. Lisi aseta aoga o loo i ai nei i lau pisinisi.

Faitau:FESILI O LE VAIASO—E faapefea ona ou faaaoga aseta aoga e faaola ai lau pisinisi?

FAATINOGA O LE VAIASO—O le a ou faailoa au aseta ma fuafua pe faapefea ona faia ia sili atu lo latou aoga. O le a ou faailoa ma faamuamua isi aseta ou te manaomia.

E mafai faapefea ona ou faia ia sili atu le aoga o au aseta?

Faitau:Faitau le mau i le itu taumatau. E tatau ona tatou faaaoga aseta ma le atamai. Tatou te tausia lelei a tatou aseta ina ia latou matuai aoga lava.

“Ia e filiga i le faasaosaoga o mea ua e maua, ina ia avea oe ma se tausimea atamai.”

Mataupu Faavae ma Feagaiga 136:27

Talanoa: O le a le mea e tupu i le pisinisi a Maria pe ana le tausia lelei e ia ana aseta aoga (ana moa)?

Faataitai:Ia, vaai i nei aseta o le pisinisi. O fea o nei aseta o loo aoga pea?

LAAU SUISUI

Ua suiina e Gloria le tele o ofutino i le aso.

UILA VILI VAE MALEPE

Ua faamoemoe David e lipea lana uila vilivae ma faaaoga vave.

MATUAMOA E LEO TUUFUA

O loo faatalitali Maria sei vaai pe ua amata e lana matuamoa ona tuufua.

Faitau:Tatou te manaomia ona faaaoga a tatou aseta ia aoga i le mea sili e mafaia. Faitau le faataitaiga lenei o se tausimea atamai.

FALE SUISUI A GLORIA:

Na i ai se laau suisui e tasi a Gloria. Na ia tausia lelei. E mafai ona ia suiina le lima ofutino i le aso. Na mananao ana tagata faatau i nisi ofutino.

Na ia mafaufau e faagalue se fesoasoani ma faatau mai se isi laau suisui. Ae nai lo le faatau mai o se isi laau suisui, na faagalue e Gloria lana uo e suisui i le laau a Gloria i le po. O lenei ua mafai e le pisinisi a Gloria ona fai ofutino e 10 i le aso i le laau suisui e tasi.

Talanoa: Na faapefea ona avea Gloria ma tausimea atamai ma ana aseta aoga? E mafai faapefea ona e faia au aseta ia sili atu ona aoga?

E faapefea ona ou maua nisi aseta aoga?

Faataitai:Mafaufau i aseta e mafai ona e aumaia o le a fesoasoani ia te oe e faaola ai lau pisinisi. Tusi i lalo.

ITUAIGA ASETA	O A’U ASETA UA I AI	ASETA FOU E MAFAI ONA FESOASOANI E FAAOLA AI LAU PISINISI
Meafaigaluega/Masini
Taavale
Fale
Manu
Isi

Faataitai:Fai se vaega ma ni tagata se toalua. Talanoaina pe aisea o le a fesoasoani ai nei aseta e faaola lau pisinisi.

Faataitai:E mafai faapefea ona e mauaina aseta na e lisiina i le itulau ua tea? O lalo o se lisi o auala e maua ai e tagata faipisinisi aseta fou. Vaevae i ni vaega taitoatolu, ma talanoaina itu lelei ma itu le lelei o filifiliga taitasi. Tusi i lalo.

AUALA E MAUA AI ASETA	ITU LELEI	ITU LE LELEI
Teu tupe e faatau ai se aseta
Sue se paga e i ai se aseta
Lisi se aseta
Nono mai se aseta
Nono mai se tupe e faatau ai se aseta
Isi

Faataitai:Ia, faatasi ai ma le tamai vaega lava lea, talanoaina mea nei:

O le fea aseta o le a sili ona aoga mo lau pisinisi i le taimi nei? E fia se tupe o le a ia fesoasoani ia te oe ia maua? O le a le faigofie e mafai ai ona maua? O a nisi auala e mafai ai ona e totogia se aseta fou?

Maimoa:Maimoa i le tala faamanuiaina o “Susy: Private School Bus” e iloa ai le ala ua faaleleia ai nei e Susy lana pisinisi ma le ala ua ia fuafua ai e maua se aseta aoga. (Leai se vitio? Alu i le isi itulau.)

E faapefea ona ou pulea tau?

Faitau:O aseta aoga e fesoasoani ia tatou pisinisi ia maua ni tupe. Ina ia faaola a tatou pisinisi, tatou te manaomia foi e pulea tau. Ae e le tutusa uma tupe faaalu!

Maimoa:“Careful with Fixed Costs” (Leai se vitio? Faitau itulau 103.)

Faitau:O tau fetuunai e faateleina pe faaitiitia e tusa ai ma faatau.

O tau tumau e tatau ona totogi e tusa lava pe itiiti pe tele a tatou oloa taulia.

O faipisinisi faamanuiaina faatoa faaopoopo tau tumau pe a latou iloa o le a fesoasoani e faateleina ai tupe o le pisinisi.

Faataitai:Vaai i tupe faaalu o le pisinisi a Daniel. Lio tumau pe fetuunai mo tupe faaalu taitasi.

O faipisinisi faamanuiaina faatoa faaopoopo tau tumau pe a latou faateleina tupe mama.

TUPE FAAALU O LE PISINISI A DANIEL
Lisi mo le faleoloa	Tumau	Fetuunai
Laupapa mo meafale	Tumau	Fetuunai
Tau o tiliva	Tumau	Fetuunai
Totogi o Daniel	Tumau	Fetuunai

Faataitai:Lisi tupe faaalu o lau lava pisinisi. Lio fetuunai pe tumau mo tupe faaalu taitasi.

TUPE FAAALU O LAU PISINISI
	Tumau	Fetuunai
	Tumau	Fetuunai
	Tumau	Fetuunai
	Tumau	Fetuunai
	Tumau	Fetuunai
	Tumau	Fetuunai
	Tumau	Fetuunai
	Tumau	Fetuunai

Faitau:I le aluga o le vaiaso, o le a tatou faamaumauina a tatou tupe maua ma tupe faaalu, e faaalia ai po o fea e tumau ao fea e fetuunai, ma o le a tatou aumaia a tatou faamatalaga o tupe maua i le isi a tatou fonotaga.