Magkat-on

lightbulb-orange

Kita kabahin sa “balay tipiganan sa Ginoo [Lord’s storehouse]”

Oras:I-set ang timer sa 60 minutos alang sa seksyon nga Magkat-on.

Praktisa:Paghimo og grupo nga tulo ka tawo kada usa. Balhina ang inyong lingkuranan ug pag-atubangay.

1. Usa ninyo mosulti sa uban bahin sa kalampusan. Makasulti mo: “Gihatagan ko og award nga ‘labing maayo nga serbisyo’ sa trabaho” o “Nakaserbisyo ko og misyon” (o laing calling sa Simbahan), o “Usa ko ka inahan.”

2. Karon, sa pinakapaspas nila nga mahimo, ang laing duha kinahanglang mosulti nimo unsa nga mga kahanas ug mga abilidad ang gikinahanglan aron makab-ot kana nga kalampusan. Kinahanglang moabut sila og usa ka minuto. Kon ikaw moingon, “Nakaserbisyo ko og misyon,” and uban mahimong mosulti dayon og, “Nan ikaw maisugon, maayong estudyante, kugihan, usa ka lider, usa ka social worker, usa ka goal-setter, maayo sa mga tawo, usa ka magtutudlo, usa ka maayong tigplano, ug makabuhat og lisud nga mga butang.”

3. Balika kini alang sa matag tawo.

Hisguti:Unsay imong gibati samtang ang uban naghisgot sa imong mga talento ug mga kahanas?

Basaha:Ang tanang mga kahanas ug abilidad nga ania nato kabahin sa balay tipiganan sa Ginoo [Lord’s storehouse].

Hisguti:Basaha ang kasulatan nga naa sa tuo. Mahimo bang magtinabangay ang atong grupo ug “magtinguha sa kaayohan” sa ubang mga sakop sa grupo?

“Ug kining tanan alang sa kaayohan sa simbahan sa buhi nga Dios, aron ang matag tawo unta mouswag diha sa iyang kahibalo, nga ang matag tawo unta makaangkon og talagsaon nga mga kahibalo, oo, gani sa gatusan ka pilo, nga ibutang ngadto sa balay tipiganan sa Ginoo … matag tawo nagtinguha sa kaayohan sa iyang silingan, ug nagbuhat sa tanan nga mga butang uban sa bug-os nga tinguha ngadto sa himaya sa Dios.”

Doktrina ug mga Pakigsaad 82:18–19

Praktisa:Atong himoon ang atong unang buhatunon isip usa ka grupo. Maggahin ta og lima ka minuto ug modesisyon unsay itawag nato sa atong grupo.

Isulat ang pangalan sa grupo sa ubos.

Unsay atong buhaton niini nga grupo?

Basaha:Magtinabangay kita isip usa ka grupo sa pagtabang sa usag usa nga makasugod ug makapalambo sa atong mga negosyo. Kita usab dunay mas dako nga tumong—nga mahimong self-reliant aron kita mas makaserbisyo sa uban. Kon kita makaatiman sa atong kaugalingon, kita mas makatabang sa uban.

Tan-awa:Tan-awa ang istorya sa kalampusan nga “Samuel: Computer Repair.” (Kon kamo walay access sa video, padayon lang sa pagbasa sa ubos.)

Praktisa:Sa mosunod nga sobra sa 12 ka semana inyong tubagon ang mosunod nga mga pangutana sa negosyo. Magdungan, basaha ang mga pangutana sa negosyo nga tubagon niining grupo sa self-reliance.

WEEK	UNSAON SA PAGSUGOD SA AKONG NEGOSYO	WEEK	UNSAON SA PAGPALAMBO SA AKONG NEGOSYO
1	Unsaon nako sa pagsugod o pagpalambo sa akong negosyo?	7	Unsaon nako pagpalambo sa akong negosyo?
2	Unsay gustong paliton sa mga tawo?	8	Pilay akong makaya nga ipuhunan para mapalambo ang akong negosyo?
3	Unsaon nako pagpalit ang akong produkto ug pagpresyo niini?	9	Unsaon nako sa pagkahibalo kon mag-loan ba ko aron molambo ang akong negosyo?
4	Unsaon nako pagkahibalo kon ang akong negosyo nakaginansya ba?	10	Unsaon nako pagdani og dugang nga mga kustomer ug pagsiguro nga mahalinan?
5	Unsaon nako paglain sa akong kwarta sa negosyo ug sa pamilya?	11	Unsaon nako pagpadako sa akong ginansya?
6	Sa unsang paagi naglambo ang akong negosyo?	12	Unsaon nako nga padayong molambo ang akong negosyo?

Basaha:Kada semana, maghimo kita og mga commitment, molihok, motambong sa atong mga miting sa saktong oras, ug moreport ngadto sa grupo. Kon kita magtambayayong uban sa grupo, magmalampuson kita! Ania ang pangutana ug buhatunon alang niini nga semana.

Basaha:PANGUTANA SA SEMANA—Asa nako i-focus ang akong mga paningkamot sa pagsugod ug pagpalambo sa akong negosyo?

BUHATUNON SA SEMANA—Gamita ang Business Success Map kada adlaw aron makat-on asa i-focus ang akong mga paningkamot sa pagsugod ug pagpalambo sa akong negosyo.

Ang nahibilin niini nga miting makatabang nato sa pagtubag niini nga pangutana ug molihok niini.

Unsaon nako pagdumala sa akong kwarta sa maalamong paagi?

Basaha:Ang pagka-self-reliant naglakip sa paggasto nga minos kay sa atong kinitaan ug adunay kwarta nga tinigum. Ang tinigum makatabang nato sa wala damha nga mga galastuhan o pagtabang nato sa pagsangkap sa atong kaugalingon ug sa atong mga pamilya kon ang atong kinitaan mas gamay kay sa atong gipaabut. Isip kabahin niini nga grupo, kita mo-commit nga magtigum kada semana, bisan usa o duha ka sensilyo.

Hisguti:Sa ubang mga dapit, maayo nga ideya ang pagtigum og kwarta sa bangko. Sa ubang mga dapit, dili maayong ideya, sama kon ang usa ka nasud dunay taas nga inflation o kon ang mga bangko nagkalisud. Maayo ba ang kondisyon sa inyong dapit aron magtigum sa bangko? Unsa nga mga bangko ang nagtanyag og maayong rate alang sa pagtigum?

Basaha:Laing bahin sa pagka-self-reliant ang pagkagawasnon sa personal nga utang. Ang personal nga loan gamiton sa paggasto og dugang kay sa atong kapasidad sa pagbayad. Ang mga propeta mitambag nato nga likayan ang personal nga pagpangutang, ug kon kita mas mahimong self-reliant makunhuran ug mawala ang personal nga utang. Hinoon, ang pagpangutang tungod sa negosyo tingali maayo sa pipila ka bahin. Isip kabahin niini nga grupo, kita makat-on unsaon sa pagkahibalo kon ang loan makatabang ba nato sa pagpalambo sa atong negosyo.

Mga medikal nga emerhensya sa kasagaran maoy makaingon sa dakong pinansyal nga galastuhan. Mga programa sa healthcare sa insurance ug sa gobyerno sa kasagaran makatabang sa pagpanalipod batok niini nga mga galastuhan. Ang pag-apil sa insurance o sa programa sa healthcare sa gobyerno importante nga bahin sa atong dalan padulong sa pagka self-reliant.

Hisguti:Ang ubang matang sa insurance (sama sa health insurance ug life insurance) mas sayon ug mas makatabang kay sa ubang mga matang sa insurance. Ang ubang mga insurance provider maayo ug ang uban dili. Unsa ang labing maayong opsyon sa insurance sa inyong dapit?

Unsaon nako nga mahimong malampusong tag-iya og negosyo?

Praktisa:Ang Business Success Map naglista sa mga butang nga gibuhat sa malampusong mga tag-iya og negosyo. Pagkuha og partner. Pakli ngadto sa Business Success Map sa katapusang pahina niini nga workbook.

business success map

Pagpuli-puli og basa kon giunsa sa mga tag-iya og negosyo pagpangita og mga tubag sa pangutana nga “Unsay gusto nga paliton sa mga tawo?”

Hisguti:Sa unsa nga paagi nga ang Business Success Map makatabang nimo nga mahimong malampusong tag-iya sa negosyo?

business map icon

Basaha:

Niini nga workbook, kon makakita kita niini nga simbolo, kita nasayud nga kini nga baruganan anaa sa Business Success Map.

Ang Business Success Map dili lang para sa atong mga miting. Gamiton nato kini kanunay atol sa semana. Kon kita mag-atubang og problema o oportunidad, motan-aw kita sa atong Business Success Map aron makahibalo unsay gibuhat sa malampusong mga tag-iya og negosyo.

Unsaon nako pagpalambo sa akong negosyo?

Basaha:Ang malampusong mga tag-iya sa negosyo klarong mohulagway sa ilang negosyo. Kini nakatabang nila sa pag-focus unsay makakwarta ug unsay dili. Nakatabang usab nila kini nga makakuha og tabang gikan sa uban, sama sa ubang mga tag-iya sa negosyo o gikan sa mga tigpautang. Ang malampusong mga tag-iya sa negosyo nagsubay sa pag-uswag sa ilang negosyo.

Niining semanaha, pag-andam og blangko nga notebook alang sa imong negosyo. Gamiton nimo kini nga notebook aron sulatan sa imong mga hunahuna ug mga ideya alang sa imong negosyo ug sa pagtipig og mga rekord sa imong mga transaksyon sa negosyo. Gamiton nato ang atong notebook sa negosyo sa atong mga miting ug atol sa semana.

notebook icon

Niini nga workbook, kon makakita niini nga simbolo, nagpahinumdom kini nato sa pagsulat sa atong notebook sa negosyo.

Unsaon nako pag-obserbar ang usa ka negosyo ug paghunahuna mahitungod sa kalampusan sa negosyo?

Basaha:Isip kabahin sa buhatunon nga commitment niining semanaha, magkat-on kita sa paggamit sa Business Success Map sa pag-obserbar og negosyo ug tan-awon kon kini nagsunod ba sa mga baruganan sa kalampusan.

Praktisa:Paghimo og grupo nga tulo ka tawo kada usa. Balhina ang inyong lingkuranan ug pag-atubangay. Gamit ang Business Success Map, sunda kining mga instruksyon:

1. Pag-ila og lokal nga negosyo nga nahibaloan ninyong tanan. Dayon usa ka tawo mangutana sa pangutana gikan sa map. Sama pananglit, “Sa tindahan sa furniture, ang tag-iya ba nakahibalo unsay gustong paliton sa mga tawo?” O, “Nakahibalo ba siya unsaon sa pagbaligya?”

2. Ang uban mogahin og usa o duha ka minuto sa pagtubag sa pangutana base sa ilang kahibalo sa negosyo ug sa mga baruganan gikan sa map. Sama pananglit, “Oo, ang tag-iya nakahibalo unsay dunay bili sa mga tawo.” O, “Wala, ang tag-iya dili kaayo kahibalo unsaon sa pagsiguro nga mahalinan.”

3. Balika kini ka tulo hangtud ka upat ka higayon.

4. Karon, hisguti ang imong kaugalingong negosyo. Gibuhat ba nimo ang mga butang nga gibuhat sa malampusong mga tag-iya og negosyo?

Praktisa:Uban sa usa ka partner, pakli ngadto sa mga pahina 13–14. Basaha ug hisguti unsaon nimo sa pag-obserbar ang mga negosyo niining semanaha.

Ngano nga ang Ginoo buot nga kita mahimong self-reliant?

Hisguti:Ngano nga ang Ginoo buot nga kita mahimong self-reliant?

Basaha:Basaha ang kinutlo nga naa sa tuo.

“Ang pagpahinungod mao ang paggahin o paghalad og usa ka butang nga ingon ka sagrado, gihalad alang sa balaanong mga katuyoan.”

D. Todd Christofferson, “Mga Hulagway sa Gipahinungod nga Kinabuhi,” Ensign o Liahona, Nob. 2010, 16

Hisguti:Sa unsa nga paagi nga ang atong mga paningkamot sa pagsugod o pagpalambo sa usa ka negosyo nagpakita og “balaan nga katuyoan,” sama sa gisulti ni Elder Christofferson?

Basaha:Ang Ginoo dunay gahum sa pagtabang nato nga mahimong self-reliant. Miingon Siya, “Tan-awa, Ako mao ang Dios; ug Ako mao ang usa ka Dios sa mga milagro” (2 Nephi 27:23). Samtang atong ihalad, o ipahinungod, ang atong mga paningkamot sa atong mga negosyo ngadto sa balaan nga katuyoan nga mahimong self-reliant, ang Ginoo mogiya nato pinaagi sa inspirasyon. Samtang atong ipakita ang atong hugot nga pagtuo pinaagi sa pagpaminaw ug pagsunod sa mga pag-aghat, ang Ginoo mohimo sa Iyang mga milagro ug mohimo og daghan tungod sa atong mga paningkamot kay sa atong mabuhat sa atong kaugalingon.